Bihar Election Result Live Updates: ਚੋਣਾਂ ਦੇ ਨਤੀਜੇ ਤੈਅ ਕਰਨਗੇ ਬਿਹਾਰ ਦੀ ਕਿਸਮਤ! ਕਿਸ ਦੇ ਸਿਰ ਸਜੇਗਾ ਜਿੱਤ ਦਾ ਤਾਜ

ਬਿਹਾਰ ਵਿਧਾਨ ਸਭਾ ਚੋਣਾਂ 'ਚ ਇਸ ਵਾਰ ਕਿਸ ਦੀ ਸਰਕਾਰ ਬਣੇਗੀ, ਇਸ ਦਾ ਐਲਾਨ ਕੁਝ ਪਲਾਂ ਬਾਅਦ ਹੋ ਜਾਵੇਗਾ। ਬਿਹਾਰ ਚੋਣਾਂ ਨੂੰ ਲੈ ਕੇ ਹੋਈ 243 ਸੀਟਾਂ 'ਤੇ ਹੋਈ ਵੋਟਿੰਗ ਦੀ ਗਿਣਤੀ ਅੱਜ ਯਾਨੀਕਿ 14 ਨਵੰਬਰ ਨੂੰ ਸਵੇਰੇ 8 ਵਜੇ ਸ਼ੁਰੂ ਹੋਵੇਗੀ..

ਪਿਛੋਕੜ

Bihar Chunav Result 2025: ਬਿਹਾਰ ਦੀ 18ਵੀਂ ਵਿਧਾਨ ਸਭਾ ਦੇ ਗਠਨ ਲਈ ਚੋਣ ਕਮਿਸ਼ਨ ਨੇ 6 ਅਤੇ 11 ਨਵੰਬਰ ਨੂੰ ਪਹਿਲੇ ਅਤੇ ਦੂਜੇ ਪੜਾਅ ਦੀ ਵੋਟਿੰਗ ਕਰਵਾਈ ਸੀ। ਹੁਣ 14 ਨਵੰਬਰ 2025 ਨੂੰ ਸਭ 243 ਸੀਟਾਂ ਦੀ ਗਿਣਤੀ ਹੋਵੇਗੀ। ਰਾਜ ਦੇ 38 ਜ਼ਿਲ੍ਹਿਆਂ ਦੇ 46 ਗਿਣਤੀ ਕੇਂਦਰਾਂ ‘ਤੇ ਸਵੇਰੇ 8 ਵਜੇ ਤੋਂ ਕਾਊਂਟਿੰਗ ਸ਼ੁਰੂ ਹੋਵੇਗੀ। ਇਸ ਵਾਰ ਚੋਣ ‘ਚ ਭਾਜਪਾ-ਨੇਤ੍ਰਿਤਵ ਵਾਲੇ NDA ਅਤੇ RJD-ਨੇਤ੍ਰਿਤਵ ਵਾਲੇ ਮਹਾਗਠਬੰਧਨ ਵਿੱਚ ਕੱਡੀ ਟੱਕਰ ਮੰਨੀ ਜਾ ਰਹੀ ਹੈ।ਵੋਟਿੰਗ ਦੌਰਾਨ ਦੋਵੇਂ ਪੜਾਅ ਵਿੱਚ 65 ਫੀਸਦੀ ਤੋਂ ਵੱਧ ਵੋਟ ਪਏ। ਇਸ ਚੋਣ ਵਿੱਚ ਕੁਝ ਅਜਿਹੇ ਵੀ ਦਲ ਸਨ ਜਿਨ੍ਹਾਂ ਨੇ ਪਹਿਲੀ ਵਾਰ ਚੋਣ ਲੜੀ। ਜਿਸ ਵਿੱਚ ਪ੍ਰਸ਼ਾਂਤ ਕਿਸ਼ੋਰ ਦੀ ਅਗਵਾਈ ਵਾਲੇ ਜਨ ਸੁਰਾਜ, ਤੇਜ ਪ੍ਰਤਾਪ ਯਾਦਵ ਦੀ ਅਧਿਕਸ਼ਤਾ ਵਾਲੀ ਜਨ ਸ਼ਕਤੀ ਜਨਤਾ ਦਲ ਮੁੱਖ ਤੌਰ 'ਤੇ ਸ਼ਾਮਲ ਹਨ। ਜੇਕਰ ਐੱਨਡੀਏ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨਾਲ ਜਨਤਾ ਦਲ ਯੂਨਾਈਟਡ, ਲੋਕ ਜਨਸ਼ਕਤੀ ਪਾਰਟੀ (ਰਾਮ ਵਿਲਾਸ), ਰਾਸ਼ਟਰੀ ਲੋਕ ਮੋਰਚਾ ਅਤੇ ਹਿੰਦੁਸਤਾਨੀ ਆਵਾਮ ਮੋਰਚਾ ਸ਼ਾਮਲ ਹੈ। ਜਦੋਂ ਕਿ ਮਹਾਂਗਠਬੰਧਨ ਵਿੱਚ ਆਰਜੇਡੀ ਤੋਂ ਇਲਾਵਾ ਭਾਰਤੀ ਰਾਸ਼ਟਰੀ ਕਾਂਗਰਸ, ਵਾਮ ਮੋਰਚਾ, ਵਿਕਾਸ਼ੀਲ ਇਨਸਾਨ ਪਾਰਟੀ ਅਤੇ ਆਈਆਈਪੀ ਸ਼ਾਮਲ ਹੈ। ਇੱਕ ਪਾਸੇ ਮਹਾਗਠਬੰਧਨ ਨੇ ‘ਫ੍ਰੈਂਡਲੀ ਫਾਈਟ’ ਕਰਦੇ ਹੋਏ 252 ਉਮੀਦਵਾਰ ਮੈਦਾਨ ਵਿੱਚ ਉਤਾਰੇ ਸਨ, ਜਦਕਿ NDA ਦੇ ਸਾਰੇ ਸਾਥੀਆਂ ਨੇ ਮਿਲ ਕੇ 242 ਸੀਟਾਂ ‘ਤੇ ਉਮੀਦਵਾਰ ਖੜ੍ਹੇ ਕੀਤੇ ਸਨ। ਮਹਾਗਠਬੰਧਨ ਨੇ RJD ਨੇਤਾ ਤੇਜਸਵੀ ਯਾਦਵ ਨੂੰ ਆਪਣਾ ਸੀਐਮ ਚਿਹਰਾ ਘੋਸ਼ਿਤ ਕੀਤਾ ਸੀ। ਦੂਜੇ ਪਾਸੇ NDA ਨੇ ਕਿਹਾ ਸੀ ਕਿ ਉਹ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਦੀ ਅਗਵਾਈ ‘ਚ ਇਹ ਚੋਣ ਲੜ ਰਹੀ ਹੈ। ਭਾਰਤੀ ਚੋਣ ਕਮਿਸ਼ਨ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਦੇਖ ਸਕਦੇ ਹੋ ਨਤੀਜੇ ਵੋਟਾਂ ਦੀ ਹੋਣ ਵਾਲੀ ਗਿਣਤੀ ਅੱਜ ਸਵੇਰੇ 8:00 ਵਜੇ ਸ਼ੁਰੂ ਹੋਵੇਗੀ। ਇਸ ਦੌਰਾਨ ਪਹਿਲਾਂ ਸਰਵਿਸ ਵੋਟਾਂ (ਪੋਸਟਲ ਬੈਲੇਟ) ਦੀ ਗਿਣਤੀ ਕੀਤੀ ਜਾਵੇਗੀ। ਇਸ ਤੋਂ ਬਅਦ ਸਵੇਰੇ 8:30 ਵਜੇ ਦੇ ਕਰੀਬ ਈਵੀਐਮ ਦੀ ਗਿਣਤੀ ਸ਼ੁਰੂ ਕੀਤੀ ਜਾਵੇਗੀ। ਗਿਣਤੀ ਸ਼ੁਰੂ ਹੋਣ ਦੇ ਲਗਭਗ ਦੋ ਘੰਟਿਆਂ ਦੇ ਅੰਦਰ ਰੁਝਾਨ ਸਾਹਮਣੇ ਆਉਣੇ ਸ਼ੁਰੂ ਹੋ ਜਾਣਗੇ। ਯਾਨੀ ਨਤੀਜੇ ਨੂੰ ਲੈ ਕੇ ਤਸਵੀਰ ਹੌਲੀ-ਹੌਲੀ ਸਪੱਸ਼ਟ ਹੋਣੀ ਸ਼ੁਰੂ ਹੋ ਜਾਵੇਗੀ। ਵੋਟਾਂ ਦੀ ਗਿਣਤੀ ਦੇ ਨਤੀਜੇ ਤੁਸੀਂ ਭਾਰਤੀ ਚੋਣ ਕਮਿਸ਼ਨ ਦੀ ਅਧਿਕਾਰਤ ਵੈੱਬਸਾਈਟ results.eci.gov.in 'ਤੇ ਵੀ ਦੇਖ ਸਕਦੇ ਹੋ। ਲਾਈਵ ਰੁਝਾਨ ਬਿਹਾਰ ਦੇ ਮੁੱਖ ਚੋਣ ਕਮਿਸ਼ਨਰ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਵੀ ਉਪਲਬਧ ਹੋਣਗੇ। 

14/11/2025 13:08:54

Bihar Election Result Live: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ BJP ਕਰਮਚਾਰੀਆਂ ਨੂੰ ਕਰਨਗੇ ਸੰਬੋਧਨ

ਬਿਹਾਰ ਵਿੱਚ NDA ਨੂੰ ਬੰਪਰ ਬਹੁਮਤ ਮਿਲਣ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸ਼ਾਮ ਕਰੀਬ 6.00 ਵਜੇ BJP ਹੈੱਡਕੁਆਰਟਰ ਆਉਣਗੇ। ਬਿਹਾਰ ਚੋਣਾਂ ਵਿੱਚ NDA ਦੀ ਜਿੱਤ ਤੋਂ ਬਾਅਦ, PM ਕਰਮਚਾਰੀਆਂ ਨੂੰ ਸੰਬੋਧਨ ਕਰ ਸਕਦੇ ਹਨ।

14/11/2025 13:07:21

Bihar Election Result Live: AIMIM ਤੋਂ ਵੀ ਪਿੱਛੇ ਰਹਿ ਗਈ ਕਾਂਗਰਸ

ਬਿਹਾਰ ਵਿਧਾਨ ਸਭਾ ਚੋਣ ਦੇ ਨਤੀਜੇ ਕਾਂਗਰਸ ਲਈ ਬਹੁਤ ਹੀ ਖਰਾਬ ਨਜ਼ਰ ਆ ਰਹੇ ਹਨ। 12.45 ਵਜੇ ਤੱਕ ਦੇ ਰੁਝਾਨਾਂ ਵਿੱਚ ਕਾਂਗਰਸ ਆਪਣੇ ਹੀ ਸਹਿਯੋਗੀ ਦਲ CPI(ML) ਤੋਂ ਪਿੱਛੇ ਰਹਿ ਗਈ ਹੈ। CPI(ML) 5 ਸੀਟਾਂ 'ਤੇ ਅੱਗੇ ਹੈ, ਜਦਕਿ ਕਾਂਗਰਸ 4 ਸੀਟਾਂ 'ਤੇ ਲੀਡ ਕਰ ਰਹੀ ਹੈ। ਇਸਦੇ ਨਾਲ-ਨਾਲ, ਅਸਦੁੱਦੀਨ ਓਵੇਸੀ ਦੀ AIMIM ਵੀ 5 ਸੀਟਾਂ 'ਤੇ ਅੱਗੇ ਹੈ।

14/11/2025 11:28:57

Bihar Election Result Live: ਰਾਘੋਪੁਰ ਤੋਂ ਤੇਜਸਵੀ ਯਾਦਵ ਪਿੱਛੇ

ਬਿਹਾਰ ਦੇ ਵੈਸ਼ਾਲੀ ਜ਼ਿਲ੍ਹੇ ਦੀ ਰਾਘੋਪੁਰ ਸੀਟ ਤੋਂ ਮਹਾਗਠਜੋੜ ਦੇ ਸੀਐਮ ਚਿਹਰੇ ਤੇਜਸਵੀ ਯਾਦਵ ਪਿੱਛੇ ਰਹਿ ਗਏ ਹਨ। ਚੋਣ ਕਮੀਸ਼ਨ ਦੇ ਹੁਣ ਤੱਕ ਦੇ ਰੁਝਾਨਾਂ ਮੁਤਾਬਕ, ਰਾਘੋਪੁਰ ਸੀਟ ਤੋਂ ਭਾਜਪਾ ਦੇ ਸਤੀਸ਼ ਕੁਮਾਰ ਅੱਗੇ ਹਨ, ਜਦਕਿ ਆਰਜੇਡੀ ਦੇ ਤੇਜਸਵੀ ਯਾਦਵ ਲਗਭਗ 1273 ਵੋਟਾਂ ਨਾਲ ਦੂਜੇ ਸਥਾਨ ‘ਤੇ ਆ ਗਏ ਹਨ।

14/11/2025 10:22:25

Bihar Election Result Live: JDU-BJP ਨੇ ਬਣਾਈ ਬਰਾਬਰੀ

ਇਲੈਕਸ਼ਨ ਕਮਿਸ਼ਨ ਵੱਲੋਂ ਜਾਰੀ ਤਾਜ਼ਾ ਰੁਝਾਨਾਂ ਮੁਤਾਬਕ, ਭਾਜਪਾ (BJP) ਤੇ ਜੇਡੀਯੂ (JDU) ਦੋਵੇਂ ਹੀ 70-70 ਸੀਟਾਂ ‘ਤੇ ਅੱਗੇ ਚੱਲ ਰਹੀਆਂ ਹਨ। ਦੋਵੇਂ ਪਾਰਟੀਆਂ ਨੇ ਬਰਾਬਰੀ ਦੀ ਲੀਡ ਬਣਾਈ ਰੱਖੀ ਹੈ। ਇਸ ਤੋਂ ਪਹਿਲਾਂ ਕਦੇ ਜੇਡੀਯੂ ਅੱਗੇ ਨਜ਼ਰ ਆ ਰਹੀ ਸੀ ਤਾਂ ਕਦੇ ਭਾਜਪਾ। ਫਿਲਹਾਲ ਹਾਲਾਤਾਂ ਮੁਤਾਬਕ ਇਹ ਕਹਿਣਾ ਮੁਸ਼ਕਿਲ ਹੈ ਕਿ ਇਸ ਚੋਣ ‘ਚ ਸਭ ਤੋਂ ਵੱਡੀ ਪਾਰਟੀ ਕੌਣ ਬਣੇਗੀ, ਕਿਉਂਕਿ ਗਿਣਤੀ ਹਾਲੇ ਵੀ ਜਾਰੀ ਹੈ।

 

 

 

14/11/2025 09:26:55

Bihar Election Result 2025: ਚੋਣ ਕਮਿਸ਼ਨ ਦੇ ਅਧਿਕਾਰਿਕ ਰੁਝਾਨ ਕੀ ਕਹਿੰਦੇ?

ਚੋਣ ਕਮਿਸ਼ਨ ਵੱਲੋਂ ਸਵੇਰੇ 9:30 ਵਜੇ ਤੱਕ ਜਾਰੀ ਕੀਤੇ ਪਹਿਲੇ ਰੁਝਾਨਾਂ ਮੁਤਾਬਕ, ਭਾਜਪਾ 5 ਸੀਟਾਂ 'ਤੇ ਅੱਗੇ, ਆਰ.ਜੇ.ਡੀ. 2, ਜੇ.ਡੀ.ਯੂ. 1 ਅਤੇ ਕਾਂਗਰਸ 1 ਸੀਟ 'ਤੇ ਲੀਡ ਬਣਾਈ ਹੋਈ ਹੈ। ਇਹ ਜਾਣਕਾਰੀ ਚੋਣ ਕਮਿਸ਼ਨ ਦੀ ਵੈਬਸਾਈਟ 'ਤੇ ਵੀ ਦੇਖੀ ਜਾ ਸਕਦੀ ਹੈ। ਵੋਟਾਂ ਦੀ ਗਿਣਤੀ ਜਾਰੀ ਹੈ।

14/11/2025 09:16:03

Bihar Election Result Live Updates: NDA 135 ਸੀਟਾਂ ‘ਤੇ ਅੱਗੇ

ਬਿਹਾਰ ਚੋਣਾਂ ਦੇ ਰੁਝਾਨਾਂ ਵਿੱਚ NDA 135 ਸੀਟਾਂ ‘ਤੇ ਅੱਗੇ ਦਿਖ ਰਹੀ ਹੈ। ਇਸੇ ਵੇਲੇ ਤੇਜਸਵੀ ਯਾਦਵ ਦੇ ਮਹਾਗਠਬੰਧਨ ਨੂੰ 65 ਸੀਟਾਂ ‘ਤੇ ਲੀਡ ਮਿਲਦੀ ਨਜ਼ਰ ਆ ਰਹੀ ਹੈ, ਜਦਕਿ ਹੋਰਨਾਂ ਦੇ ਖਾਤੇ ਵਿੱਚ 5 ਸੀਟਾਂ ਆਉਂਦੀਆਂ ਦਿਖਾਈ ਦੇ ਰਹੀਆਂ ਹਨ।

14/11/2025 08:53:18

Bihar Election Result 2025: ਬਿਹਾਰ ਚੋਣ ਨਤੀਜੇ ਲਾਈਵ: ਕਾਂਗਰਸ ਪ੍ਰਦੇਸ਼ ਪ੍ਰਧਾਨ ਕੁਟੁੰਬਾ ਤੋਂ ਅੱਗੇ

ਕੁਟੁੰਬਾ ਸੀਟ ਤੋਂ ਬਿਹਾਰ ਕਾਂਗਰਸ ਦੇ ਪ੍ਰਧਾਨ ਰਾਜੇਸ਼ ਰਾਮ ਅੱਗੇ ਚੱਲ ਰਹੇ ਹਨ। ਲਾਲਗੰਜ ਸੀਟ ਤੋਂ ਸ਼ਿਵਾਨੀ ਸ਼ੁਕਲਾ ਅੱਗੇ ਹਨ।

14/11/2025 08:31:52

Bihar Election Result 2025: ਸ਼ੁਰੂਆਤੀ ਰੁਝਾਨਾਂ ‘ਚ ਮਹਾਗਠਬੰਧਨ ਅਤੇ NDA ਦਾ ਹਾਲ

ਮਹਾਗਠਬੰਧਨ

• 
  

  RJD – 24

  
  


• 
  

  ਕਾਂਗਰਸ – 1

  
  


• 
  

  VIP – 1

  
  


• 
  

  ਲੈਫ਼ਟ – 1

  
  


• 
  

  IIIP – 0

  
  

NDA

• 
  

  BJP – 22

  
  


• 
  

  JDU – 23

  
  


• 
  

  LJP – 3

  
  


• 
  

  HAM – 1

  
  


• 
  

  RLM – 1

  
  

 

 

14/11/2025 08:08:04

Bihar Election Result: ਤੇਜਸਵੀ ਯਾਦਵ ਦਾ ਵੱਡਾ ਬਿਆਨ—‘ਅਸੀਂ ਜਿੱਤਣ ਜਾ ਰਹੇ ਹਾਂ’

ਬਿਹਾਰ ਵਿਧਾਨ ਸਭਾ ਚੋਣਾਂ ਦੀ ਗਿਣਤੀ ਤੋਂ ਪਹਿਲਾਂ ਤੇਜਸਵੀ ਯਾਦਵ ਦਾ ਵੱਡਾ ਬਿਆਨ ਸਾਹਮਣੇ ਆਇਆ ਹੈ। ਉਨ੍ਹਾਂ ਕਿਹਾ, “ਬਿਹਾਰ ‘ਚ ਬਦਲਾਅ ਹੋਏਗਾ।” ਚੋਣ ਨਤੀਜਿਆਂ ਤੋਂ ਪਹਿਲਾਂ ਤੇਜਸਵੀ ਯਾਦਵ ਅਤੇ ਮੀਸਾ ਭਾਰਤੀ ਇੱਕ ਹੀ ਗੱਡੀ ‘ਚ ਨਿਕਲੇ ਅਤੇ ਕਿਹਾ, “ਅਸੀਂ ਜਿੱਤਣ ਜਾ ਰਹੇ ਹਾਂ, ਬਦਲਾਅ ਹੋਏਗਾ।”

14/11/2025 07:05:05

Bihar Election Result 2025: ਕਾਂਗਰਸ ਦੇ ਰਾਜੇਸ਼ ਰਾਮ ਨੇ ਕਿਹਾ—‘ਗਿਣਤੀ ਨਿਰਪੱਖ ਹੋਈ ਤਾਂ ਅਸੀਂ ਜੀਤਾਂਗੇ’

ਬਿਹਾਰ ਕਾਂਗਰਸ ਦੇ ਪ੍ਰਦੇਸ਼ ਪ੍ਰਧਾਨ ਰਾਜੇਸ਼ ਰਾਮ ਨੇ ਕਿਹਾ, “ਜੇਕਰ ਗਿਣਤੀ ਨਿਰਪੱਖ ਤਰੀਕੇ ਨਾਲ ਹੋਈ ਤਾਂ ਸਾਡੀ ਸਰਕਾਰ ਬਣੇਗੀ। ਇੰਡੀਆ ਗਠਬੰਧਨ ਦੇ ਲੋਕਾਂ ਨੇ ਚੰਗੀ ਤਰ੍ਹਾਂ ਚੋਣ ਲੜੀ ਹੈ। ਜਸ਼ਨ ਤਾਂ ਜਨਤਾ ਮਨਾਉਂਦੀ ਹੈ, ਨੇਤਾ ਨਹੀਂ ਮੰਨਦੇ।”

14/11/2025 07:01:34

Bihar Election Result 2025: RJD ਨੇਤਾ ਵੱਲੋਂ ਜਿੱਤ ਦਾ ਦਾਅਵਾ, ਬੋਲੇ- ‘ਨੀਤੀਸ਼ ਕੁਮਾਰ ਦੀ ਵਿਦਾਈ ਪੱਕੀ’

ਮ੍ਰਿਤੁੰਜੇ ਤਿਵਾਰੀ ਨੇ ਕਿਹਾ, “ਮੈਨੂੰ ਪੂਰਾ ਵਿਸ਼ਵਾਸ ਹੈ ਕਿ ਅਸੀਂ ਕਾਮਯਾਬ ਹੋਵਾਂਗੇ। ਨੀਤੀਸ਼ ਸਰਕਾਰ ਦੀ ਵਿਦਾਈ ਪੱਕੀ ਹੈ। ਤੇਜਸਵੀ ਦੀ ਸਰਕਾਰ ਆ ਰਹੀ ਹੈ। NDA ਹੁਣ ਕੁਝ ਘੰਟਿਆਂ ਦੀ ਮਹਿਮਾਨ ਹੈ। ਦੁਪਹਿਰ ਤੋਂ ਬਾਅਦ NDA ਦੀ ਵਿਦਾਈ ਯਕੀਨੀ ਹੈ।”