Child Sexual Pornography : ਚਾਈਲਡ ਸੈਕਸੁਅਲ ਪੋਰਨੋਗ੍ਰਾਫੀ ਦੇ ਮਾਮਲੇ ਵਿੱਚ ਸੀਬੀਆਈ ਦੀ ਵੱਡੀ ਕਾਰਵਾਈ ਦੇਖਣ ਨੂੰ ਮਿਲ ਰਹੀ ਹੈ। ਸੀਬੀਆਈ 20 ਰਾਜਾਂ ਵਿੱਚ 56 ਥਾਵਾਂ 'ਤੇ ਛਾਪੇਮਾਰੀ ਕਰ ਰਹੀ ਹੈ। ਸੀਬੀਆਈ ਨੇ ਇਸ ਕਾਰਵਾਈ ਨੂੰ 'ਆਪ੍ਰੇਸ਼ਨ ਮੇਘਦੂਤ' (Operation Meghdoot) ਦਾ ਨਾਂ ਦਿੱਤਾ ਹੈ। ਸੀਬੀਆਈ ਮੁਤਾਬਕ ਅਜਿਹੇ ਕਈ ਅਜਿਹੇ ਗਰੋਹਾਂ ਦੀ ਪਛਾਣ ਕੀਤੀ ਗਈ ਹੈ ,ਜੋ ਨਾ ਸਿਰਫ਼ ਚਾਈਲਡ ਸੈਕਸੁਅਲ ਪ੍ਰੋਨੋਗ੍ਰਾਫੀ ਨਾਲ ਸਬੰਧਤ ਸਮੱਗਰੀ ਦੀ ਵਰਤੋਂ ਕਰਦੇ ਹਨ ਬਲਕਿ ਬੱਚਿਆਂ ਨੂੰ ਫਿਜੀਕਲ ਬਲੈਕਮੇਲ (Physically Blackmail) ਕਰਕੇ ਉਸਦਾ ਇਸਤੇਮਾਲ ਕਰਦੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਗੈਂਗ ਗਰੁੱਪ (Group) ਬਣਾ ਕੇ ਅਤੇ ਵਿਅਕਤੀਗਤ (Individual) ਤੌਰ 'ਤੇ ਦੋਵੇਂ ਤਰੀਕਿਆਂ ਨਾਲ ਕੰਮ ਕਰਦੇ ਹਨ।
ਸੀਬੀਆਈ ਨੂੰ ਇੱਥੋਂ ਮਿਲੇ ਸੀ ਇਨਪੁਟ ਸੀਬੀਆਈ ਨੂੰ ਇਸ ਮਾਮਲੇ ਦੇ ਇਨਪੁਟਸ ਸਿੰਗਾਪੁਰ ਤੋਂ ਇੰਟਰਪੋਲ ਰਾਹੀਂ ਮਿਲੇ ਸਨ, ਜਿਸ ਤੋਂ ਬਾਅਦ ਹੁਣ ਸੀਬੀਆਈ ਹਰਕਤ ਵਿੱਚ ਆਈ ਹੈ। ਸੀਬੀਆਈ ਦੇ ਇਹ ਛਾਪੇ ਦਿੱਲੀ, ਮੁੰਬਈ, ਬੈਂਗਲੁਰੂ, ਪਟਨਾ ਸਮੇਤ 20 ਰਾਜਾਂ ਵਿੱਚ ਚੱਲ ਰਹੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਸਾਲ ਵੀ ਆਪਰੇਸ਼ਨ ਚਲਾਇਆ ਗਿਆ ਸੀ ਜਿਸ ਨੂੰ ਆਪਰੇਸ਼ਨ ਕਾਰਬਨ ਨਾਮ ਦਿੱਤਾ ਗਿਆ ਸੀ। ਸੁਪਰੀਮ ਕੋਰਟ ਵੀ ਚਿੰਤਤ ਤੁਹਾਨੂੰ ਦੱਸ ਦੇਈਏ ਕਿ ਦੇਸ਼ ਵਿੱਚ ਚਾਈਲਡ ਪੋਰਨੋਗ੍ਰਾਫੀ ਦਾ ਇਹ ਕੋਈ ਪਹਿਲਾ ਮਾਮਲਾ ਨਹੀਂ ਹੈ। ਚਾਈਲਡ ਪੋਰਨੋਗ੍ਰਾਫੀ ਦੇਸ਼ ਵਿੱਚ ਚਿੰਤਾ ਦਾ ਵਿਸ਼ਾ ਬਣੀ ਹੋਈ ਹੈ। ਸੁਪਰੀਮ ਕੋਰਟ ਨੇ ਸੋਸ਼ਲ ਮੀਡੀਆ 'ਤੇ ਲਗਾਤਾਰ ਅਪਲੋਡ ਕੀਤੇ ਜਾ ਰਹੇ ਚਾਈਲਡ ਪੋਰਨੋਗ੍ਰਾਫੀ ਦੇ ਵੀਡੀਓ 'ਤੇ ਵੀ ਚਿੰਤਾ ਪ੍ਰਗਟਾਈ ਹੈ।