ਦੇਸ਼ ਵਿੱਚ ਕਈ ਥਾਵਾਂ ਤੋਂ ਲਗਾਤਾਰ ਸ਼ਿਕਾਇਤਾਂ ਸਾਹਮਣੇ ਆ ਰਹੀਆਂ ਹਨ ਕਿ ਜਦੋਂ ਤੁਸੀਂ ਰਾਸ਼ਨ ਕਾਰਡ ਬਣਵਾਉਣ ਲਈ ਜਾਂਦੇ ਹੋ ਤਾਂ ਸਰਕਾਰੀ ਮੁਲਾਜ਼ਮ ਤੁਹਾਡੇ ਕੋਲੋਂ ਰਿਸ਼ਵਤ ਮੰਗਦੇ ਹਨ। ਇਨ੍ਹਾਂ ਸਾਰੀਆਂ ਚੀਜ਼ਾਂ ਤੋਂ ਆਮ ਬੰਦਾ ਪਰੇਸ਼ਾਨ ਹੋ ਜਾਂਦਾ ਹੈ ਅਤੇ ਉਹ ਦੁਬਾਰਾ ਮੁੜ ਪਰਤ ਕੇ ਹੀ ਨਹੀਂ ਆਉਂਦਾ ਹੈ। ਪਰ ਤੁਹਾਨੂੰ ਇਸ ਦੇ ਲਈ ਘਬਰਾਉਣ ਦੀ ਲੋੜ ਨਹੀਂ ਹੈ, ਆਓ ਤੁਹਾਨੂੰ ਦੱਸਣ ਲੱਗੇ ਹਾਂ ਕਿ ਜੇਕਰ ਤੁਹਾਡੇ ਕੋਲੋਂ ਕੋਈ ਵੀ ਸਰਕਾਰੀ ਮੁਲਾਜ਼ਮ ਰਾਸ਼ਨ ਕਾਰਡ ਬਣਵਾਉਣ ਦੇ ਪੈਸੇ ਲੈਂਦਾ ਹੈ ਤਾਂ ਤੁਸੀਂ ਕਿੱਥੇ ਸ਼ਿਕਾਇਤ ਕਰ ਸਕਦੇ ਹੋ।
ਜੇਕਰ ਕੋਈ ਸਰਕਾਰੀ ਕਰਮਚਾਰੀ ਰਾਸ਼ਨ ਕਾਰਡ ਬਣਾਉਣ ਦੇ ਬਦਲੇ ਰਿਸ਼ਵਤ ਮੰਗ ਰਿਹਾ ਹੈ, ਤਾਂ ਸਭ ਤੋਂ ਪਹਿਲਾਂ ਆਪਣੇ ਜ਼ਿਲ੍ਹੇ ਦੇ ਜ਼ਿਲ੍ਹਾ ਸਪਲਾਈ ਅਧਿਕਾਰੀ (DFSO) ਜਾਂ ਖੁਰਾਕ ਅਤੇ ਸਪਲਾਈ ਵਿਭਾਗ ਕੋਲ ਸ਼ਿਕਾਇਤ ਦਰਜ ਕਰੋ। ਜੇਕਰ ਉੱਥੋਂ ਕੋਈ ਕਾਰਵਾਈ ਨਹੀਂ ਹੁੰਦੀ ਹੈ, ਤਾਂ ਤੁਸੀਂ ਰਾਜ ਲੋਕਾਯੁਕਤ, ਰਾਜ ਵਿਜੀਲੈਂਸ ਵਿਭਾਗ ਜਾਂ ਭ੍ਰਿਸ਼ਟਾਚਾਰ ਵਿਰੋਧੀ ਬਿਊਰੋ ਕੋਲ ਵੀ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹੋ।
ਆਨਲਾਈਨ ਪੋਰਟਲ 'ਤੇ ਵੀ ਦਰਜ ਕਰਵਾਈ ਜਾ ਸਕਦੀ ਸ਼ਿਕਾਇਤ
ਇਸ ਤੋਂ ਇਲਾਵਾ, ਹਰ ਰਾਜ ਦੀ ਸਰਕਾਰ ਨੇ ਆਪਣਾ ਜਨਤਕ ਸੁਣਵਾਈ ਪੋਰਟਲ ਵੀ ਬਣਾਇਆ ਹੈ, ਜਿੱਥੇ ਤੁਸੀਂ ਔਨਲਾਈਨ ਸ਼ਿਕਾਇਤਾਂ ਦਰਜ ਕਰ ਸਕਦੇ ਹੋ। ਕਈ ਰਾਜਾਂ ਵਿੱਚ ਟੋਲ ਫ੍ਰੀ ਹੈਲਪਲਾਈਨ ਨੰਬਰ ਵੀ ਜਾਰੀ ਕੀਤੇ ਗਏ ਹਨ ਜਿਨ੍ਹਾਂ 'ਤੇ ਤੁਸੀਂ ਸਿੱਧੇ ਤੌਰ 'ਤੇ ਭ੍ਰਿਸ਼ਟਾਚਾਰ ਬਾਰੇ ਕਾਲ ਕਰਕੇ ਸ਼ਿਕਾਇਤ ਕਰ ਸਕਦੇ ਹੋ। ਅਜਿਹੀਆਂ ਸ਼ਿਕਾਇਤਾਂ ਕੇਂਦਰ ਸਰਕਾਰ ਦੇ ਅਧੀਨ CPGRAMS (ਕੇਂਦਰੀਕ੍ਰਿਤ ਜਨਤਕ ਸ਼ਿਕਾਇਤ ਨਿਵਾਰਣ ਅਤੇ ਨਿਗਰਾਨੀ ਪ੍ਰਣਾਲੀ) 'ਤੇ ਵੀ ਦਰਜ ਕਰਵਾਈਆਂ ਜਾ ਸਕਦੀਆਂ ਹਨ। ਆਓ ਅਸੀਂ ਤੁਹਾਨੂੰ ਵੱਖ-ਵੱਖ ਰਾਜਾਂ ਦੇ ਟੋਲ ਫ੍ਰੀ ਨੰਬਰਾਂ ਬਾਰੇ ਜਾਣਕਾਰੀ ਦਿੰਦੇ ਹਾਂ।
ਅਰੁਣਾਚਲ ਪ੍ਰਦੇਸ਼ - 03602244290ਆਂਧਰਾ ਪ੍ਰਦੇਸ਼ - 1800-425-2977ਅਸਾਮ - 1800-345-3611ਬਿਹਾਰ- 1800-3456-194ਛੱਤੀਸਗੜ੍ਹ- 1800-233-3663ਗੋਆ- 1800-233-0022ਗੁਜਰਾਤ- 1800-233-5500ਹਰਿਆਣਾ - 1800-180-2087ਹਿਮਾਚਲ ਪ੍ਰਦੇਸ਼ – 1800–180–8026ਝਾਰਖੰਡ - 1800-345-6598, 1800-212-5512ਕਰਨਾਟਕ- 1800-425-9339ਕੇਰਲ- 1800-425-1550ਮੱਧ ਪ੍ਰਦੇਸ਼- 181ਮਹਾਰਾਸ਼ਟਰ- 1800-22-4950ਮਣੀਪੁਰ- 1800-345-3821ਮੇਘਾਲਿਆ- 1800-345-3670ਮਿਜ਼ੋਰਮ- 1860-222-222-789, 1800-345-3891ਨਾਗਾਲੈਂਡ- 1800-345-3704, 1800-345-3705ਓਡੀਸ਼ਾ - 1800-345-6724 / 6760ਪੰਜਾਬ - 1800-3006-1313ਰਾਜਸਥਾਨ - 1800-180-6127ਸਿੱਕਮ - 1800-345-3236ਤਾਮਿਲਨਾਡੂ - 1800-425-5901ਤੇਲੰਗਾਨਾ – 1800-4250-0333
ਇਸੇ ਤਰ੍ਹਾਂ, ਟੋਲ ਫ੍ਰੀ ਸ਼ਿਕਾਇਤ ਨੰਬਰਾਂ ਦੀ ਸਹੂਲਤ ਵੱਖ-ਵੱਖ ਸੂਬਿਆਂ ਵਿੱਚ ਉਪਲਬਧ ਹੈ। ਹੋਰ ਅਤੇ ਨਵੀਂ ਜਾਣਕਾਰੀ ਲਈ, ਤੁਸੀਂ ਆਪਣੇ ਰਾਜ ਦੇ ਸਬੰਧਤ ਪੋਰਟਲ ਨਾਲ ਵੀ ਸੰਪਰਕ ਕਰ ਸਕਦੇ ਹੋ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।