ਜੱਥੇ ‘ਚ 550 ਲੋਕਾਂ ‘ਚ ਸਾਬਕਾ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਤੇ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵੀ ਸ਼ਾਮਲ ਹਨ। ਇਹ ਜੱਥਾ ਪਾਕਿਸਤਾਨ ਸਰਹੱਦ ਤੋਂ ਅੱਗੇ ਗੁਰਦੁਆਰਾ ਦਰਬਾਰ ਸਾਹਿਬ ਤਕ ਪਾਕਿ ਸੀਮਾ ‘ਚ ਚਾਰ ਕਿਮੀ ਅੰਦਰ ਜਾਵੇਗਾ।
ਡਾ. ਮਨਮੋਹਨ ਸਿੰਘ ਲਈ ਪਾਕਿਸਤਾਨ ਨੇ ਬੈਟਰੀ ਨਾਲ ਚੱਲਣ ਵਾਲੀ ਤੇ ਚਾਰੋਂ ਪਾਸਿਓ ਖੁੱਲ੍ਹੀ ਗੱਡੀ ਦਾ ਇੰਤਜ਼ਾਮ ਕੀਤਾ ਹੈ। ਇਹ ਉਨ੍ਹਾਂ ਦੀ ਜੈਡ+ ਸੁਰੱਖਿਆ ਦੇ ਪ੍ਰੋਟੋਕੋਲ ਨਾਲ ਮੈਚ ਨਹੀਂ ਕਰਦਾ। ਭਾਰਤ ਨੇ ਕਿਹਾ ਕਿ ਸਾਬਕਾ ਪ੍ਰਧਾਨ ਮੰਤਰੀ ਨੂੰ ਜ਼ੈਡ+ ਸੁਰੱਖਿਆ ਮਿਲਣੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ ਪੂਰੇ ਜੱਥੇ ਦੀ ਸੁਰੱਖਿਆ ਦੇ ਵਿਸ਼ੇਸ਼ ਪ੍ਰਬੰਧ ਦੀ ਮੰਗ ਵੀ ਕੀਤੀ ਗਈ ਹੈ।
ਸਾਰੇ ਪ੍ਰਬੰਧ ਵੇਖਣ ਲਈ ਪਹਿਲਾਂ ਇੱਕ ਟੀਮ ਵੀ ਉੱਥੇ ਭੇਜਣ ਦੀ ਮੰਗ ਕੀਤੀ ਗਈ ਹੈ। ਅਜੇ ਇਸ ‘ਤੇ ਪਾਕਿਸਤਾਨ ਵੱਲੋਂ ਕੋਈ ਜਵਾਬ ਨਹੀਂ ਮਿਲਿਆ। ਪਾਕਿਸਤਾਨ ਨੇ ਆਪਣੇ ਸਮਾਗਮਾਂ ਦਾ ਪੂਰਾ ਬਿਓਰਾ ਵੀ ਨਹੀਂ ਦਿੱਤਾ। ਸੂਤਰਾਂ ਮੁਤਾਬਕ ਜੇਕਰ ਅਜਿਹਾ ਕਰਨ ਲਈ ਪਾਸਿਕਤਾਨ ਤਿਆਰ ਨਹੀਂ ਹੁੰਦਾ ਤਾਂ ਸਾਰਾ ਜੱਥਾ ਆਪਣੇ ਜ਼ੋਖਮ ‘ਤੇ ਜਾਵੇਗਾ।