ਨਵੀਂ ਦਿੱਲੀ: ਮਹਾਰਾਸ਼ਟਰ 'ਚ ਲਗਾਤਾਰ ਵੱਧ ਰਹੇ ਕੋਰੋਨਾ ਮਾਮਲੇ ਦੇ ਵਿਚਕਾਰ ਵੱਡੀ ਖਬਰ ਸਾਹਮਣੇ ਆਈ ਹੈ। ਉਧਵ ਠਾਕਰੇ ਸਰਕਾਰ ਦੇ ਮੰਤਰੀ ਅਸਲਮ ਸ਼ੇਖ ਨੇ ਏਬੀਪੀ ਨਿਊਜ਼ ਨੂੰ ਦੱਸਿਆ ਹੈ ਕਿ ਮਹਾਰਾਸ਼ਟਰ ਵਿੱਚ ਲੌਕਡਾਊਨ ਨੂੰ ਲੈ ਕੇ ਅੱਜ ਸ਼ਾਮ ਤੱਕ ਫੈਸਲਾ ਆ ਸਕਦਾ ਹੈ। ਅਸਲਮ ਸ਼ੇਖ ਨੇ ਕਿਹਾ ਕਿ ਰਾਜ ਵਿੱਚ ਕੋਰੋਨਾ ਦੇ ਕੇਸ ਵੱਧ ਰਹੇ ਹਨ ਤੇ ਸਰਕਾਰ ਉਨ੍ਹਾਂ ਨਾਲ ਨਿਰੰਤਰ ਨਿਪਟ ਰਹੀ ਹੈ ਪਰ ਅੱਜ ਸ਼ਾਮ ਇੱਕ ਵੱਡਾ ਤੇ ਸਖ਼ਤ ਫੈਸਲਾ ਲਿਆ ਜਾ ਸਕਦਾ ਹੈ।
ਅਸਲਮ ਸ਼ੇਖ ਨੇ ਕਿਹਾ, "ਅਸੀਂ ਸਖਤੀ ਵਧਾ ਦਿੱਤੀ ਹੈ, ਪਰ ਅਸੀਂ ਲੋਕਾਂ ਵਿੱਚ ਦਹਿਸ਼ਤ ਨਾ ਫੈਲੇ ਇਸ ਦਾ ਵੀ ਧਿਆਨ ਰੱਖਿਆ ਹੈ। ਕੋਰੋਨਾ ਚੇਨ ਤੋੜਨ ਲਈ ਅੱਜ ਸ਼ਾਮ ਇੱਕ ਵੱਡਾ ਫੈਸਲਾ ਲਿਆ ਜਾ ਸਕਦਾ ਹੈ।"
ਲੌਕਡਾਊਨ ਨੂੰ ਲੈ ਕੇ, ਉਸ ਨੇ ਕਿਹਾ, “ਇੱਕ ਪਾਸੇ, ਮਹਾਰਾਸ਼ਟਰ ਵਿੱਚ ਕੋਰੋਨਾ ਦੇ ਕੇਸ ਵਿਖ ਰਹੇ ਹਨ, ਇੱਥੋਂ ਤੱਕ ਕਿ ਕੋਰੋਨਾ ਦੇ ਸ਼ੁਰੂਆਤੀ ਪੜਾਅ ਵਿੱਚ ਵੀ ਮਹਾਰਾਸ਼ਟਰ ਵਿੱਚ ਸਭ ਤੋਂ ਵੱਧ ਕੋਰੋਨਾ ਸੀ। ਅੱਜ, ਮਹਾਰਾਸ਼ਟਰ ਵਿੱਚ ਕੋਰੋਨਾ ਇਸ ਲਈ ਵਧੇਰੇ ਹੈ ਕਿਉਂਕਿ ਇੱਥੇ ਜਾਂਚ ਵਧੇਰੇ ਹੈ ਤੇ ਅਸੀਂ ਵੱਧ ਟ੍ਰੇਸਿੰਗ ਕਰ ਰਹੇ ਹਾਂ। ਅਸੀਂ ਪਹਿਲਾਂ ਸੋਚਿਆ ਸੀ ਕਿ ਅਸੀਂ ਲੌਕਡਾਊਨ ਨਹੀਂ ਲਗਾਵਾਂਗੇ ਪਰ ਅੱਜ ਦੀ ਤਾਰੀਖ ਵਿੱਚ, ਜਿਵੇਂ ਕੇਸ ਵੱਧ ਰਹੇ ਹਨ, ਇੱਕ ਵੱਡਾ ਫੈਸਲਾ ਲਿਆ ਜਾ ਸਕਦਾ ਹੈ।"
ਮੰਤਰੀ ਨੇ ਕਿਹਾ, " ਅਸੀਂ ਨਹੀਂ ਚਾਹੁੰਦੇ ਕਿ ਪਿੱਛਲੀ ਵਾਰ ਦੀ ਤਰ੍ਹਾਂ ਲੌਕਡਾਊਨ ਦਾ ਐਲਾਨ ਕੀਤਾ ਜਾਵੇ ਅਤੇ ਲੋਕ ਜਿਥੇ ਹਨ ਉੱਥੇ ਹੀ ਫਸ ਜਾਣ। ਅਸੀਂ ਹੌਲੀ-ਹੌਲੀ ਸਖ਼ਤੀ ਵਧਾ ਰਹੇ ਹਾਂ। ਅਸੀਂ ਦਿਨ ਦੇ ਦੌਰਾਨ ਸਖ਼ਤੀ ਵਧਾਈ, ਨਾਇਟ ਕਰਫਿਊ ਲਗਾਇਆ, ਵੀਕੈਂਡ ਲੌਕਡਾਊਨ ਲਾਇਆ ਜਿਸ ਨਾਲ ਲੋਕ ਬਾਹਰ ਨਾ ਨਿਕਲਣ, ਪਰ ਜਿਵੇਂ ਕੋਰੋਨਾ ਵੱਧ ਰਿਹਾ ਹੈ ਸਾਨੂੰ ਕੋਈ ਵੱਡਾ ਫੈਸਲਾ ਅੱਜ ਸ਼ਾਮ ਤੱਕ ਲੈਣਾ ਪਵੇਗਾ।"
ਮੁੰਬਈ ਸਮੇਤ ਪੂਰੇ ਮਹਾਰਾਸ਼ਟਰ ਵਿੱਚ ਕੋਰੋਨਾ ਦਾ ਪੂਰਾ ਕਹਿਰ ਹੈ। ਸੋਮਵਾਰ ਨੂੰ ਮਹਾਰਾਸ਼ਟਰ ਵਿੱਚ ਕੋਰੋਨਾ ਵਾਇਰਸ ਦੇ 51,751 ਮਾਮਲੇ ਸਾਹਮਣੇ ਆਏ ਅਤੇ 258 ਲੋਕਾਂ ਦੀ ਮੌਤ ਹੋਈ।ਮੁੰਬਈ ਦੀ ਗੱਲ ਕਰੀਏ ਤਾਂ ਇਥੇ ਵਾਇਰਸ ਦੇ 6893 ਨਵੇਂ ਕੇਸ ਸਾਹਮਣੇ ਆਏ ਅਤੇ 43 ਮਰੀਜ਼ਾਂ ਦੀ ਮੌਤ ਹੋ ਗਈ। ਰਾਜ ਵਿੱਚ ਹੁਣ ਤੱਕ 28,34,473 ਮਰੀਜ਼ ਠੀਕ ਹੋ ਚੁੱਕੇ ਹਨ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
Android ਫੋਨ ਲਈ ਕਲਿਕ ਕਰੋ
Iphone ਲਈ ਕਲਿਕ ਕਰੋ