ਨਵੀਂ ਦਿੱਲੀ: ਕਤਲ ਦੇ ਦੋਸ਼ ਤੋਂ ਬਾਅਦ ਫਰਾਰ ਓਲੰਪਿਕ ਸਟਾਰ ਪਹਿਲਵਾਨ ਸੁਸ਼ੀਲ ਕੁਮਾਰ (Sushil Kumar) ਖਿਲਾਫ ਗੈਰ ਜ਼ਮਾਨਤੀ ਵਾਰੰਟ ਜਾਰੀ ਕੀਤਾ ਗਿਆ ਹੈ। ਸੁਸ਼ੀਲ ਕੁਮਾਰ 'ਤੇ ਆਪਣੇ ਅਖਾੜੇ ਛਤਰਸਾਲ ਦੇ 24 ਸਾਲਾ ਨੌਜਵਾਨ ਪਹਿਲਵਾਨ ਸਾਗਰ ਧਨਕੜ (Sagar Dhankad) ਦਾ ਕਲਤ ਕਰਨ ਦਾ ਇਲਜ਼ਾਮ ਹੈ। ਸੁਸ਼ੀਲ ਨੇ ਪਹਿਲਾਂ ਸਪਸ਼ਟ ਕੀਤਾ ਸੀ ਕਿ ਸਾਗਰ ਨੂੰ ਕੁੱਟ ਰਹੇ ਪਹਿਲਵਾਨ ਬਾਹਰ ਦੇ ਸੀ ਅਤੇ ਸਟੇਡੀਅਮ ਦਾ ਇਸ ਨਾਲ ਕੋਈ ਲੈਣਾ ਦੇਣਾ ਨਹੀਂ ਹੈ, ਪਰ ਜਦੋਂ ਤੋਂ ਇਸ ਘਟਨਾ ਦੀ ਵੀਡੀਓ ਸਾਹਮਣੇ ਆਈ ਹੈ, ਸੁਸ਼ੀਲ ਅਤੇ ਉਸਦੇ ਦੋ ਚੇਲੇ ਫਰਾਰ ਹਨ। ਇਸ ਤੋਂ ਪਹਿਲਾਂ ਸੁਸ਼ੀਲ ਅਤੇ ਉਸਦੇ ਚੇਲਿਆਂ ਖਿਲਾਫ ਲੁੱਕਆਊਟ ਨੋਟਿਸ ਜਾਰੀ ਕੀਤਾ ਗਿਆ ਸੀ।
ਸਾਗਰ ਗ੍ਰੀਕੋ ਰੋਮਨ ਪਹਿਲਵਾਨ ਸੀ, ਦੋ ਤੋਂ ਅੱਠ ਸਾਲਾਂ ਤੋਂ ਛਤਰਸਾਲ ਵਿੱਚ ਸਿਖਲਾਈ ਲੈ ਰਿਹਾ ਸੀ। ਉਸ ਦੇ ਪਿਤਾ ਅਸ਼ੋਕ ਕੁਮਾਰ ਦਿੱਲੀ ਪੁਲਿਸ ਵਿੱਚ ਕਾਂਸਟੇਬਲ ਹਨ ਅਤੇ ਰੋਹਿਨੀ ਜ਼ਿਲ੍ਹੇ ਵਿੱਚ ਤਾਇਨਾਤ ਹਨ। ਵਾਰਦਾਤ ਤੋਂ ਬਾਅਦ ਸੁਸ਼ੀਲ ਆਪਣੇ ਸਾਥੀ ਸਾਥੀਆਂ ਨਾਲ ਫਰਾਰ ਹੈ। ਪੁਲਿਸ ਨੇ ਪੰਜਾਬ, ਦਿੱਲੀ ਅਤੇ ਹਰਿਆਣਾ ਦੇ ਕਈ ਥਾਂਵਾਂ 'ਤੇ ਛਾਪੇਮਾਰੀ ਕੀਤੀ, ਪਰ ਕੁਝ ਵੀ ਨਹੀਂ ਮਿਲਿਆ। ਇਸ ਤੋਂ ਬਾਅਦ ਹੀ ਦਿੱਲੀ ਪੁਲਿਸ ਨੇ ਉਸਦੇ ਖਿਲਾਫ ਲੁੱਕਆਊਟ ਨੋਟਿਸ ਜਾਰੀ ਕੀਤਾ।
ਸੁਸ਼ੀਲ ਕੁਮਾਰ ਦਾ ਨਾਂ ਕਤਲ ਦੇ ਇਸ ਮਾਮਲੇ ਵਿੱਚ ਸਾਹਮਣੇ ਆਉਣ ਤੋਂ ਬਾਅਦ ਦਿੱਲੀ ਪੁਲਿਸ ਨੇ ਉਸਦੇ ਘਰ ਛਾਪਾ ਮਾਰਿਆ ਪਰ ਉਹ ਨਹੀਂ ਮਿਲਿਆ। ਇਸ ਪੂਰੇ ਮਾਮਲੇ ਵਿੱਚ ਦਿੱਲੀ ਪੁਲਿਸ ਨੇ ਸੁਸ਼ੀਲ ਕੁਮਾਰ ਸਣੇ ਦੋ ਹੋਰ ਪਹਿਲਵਾਨਾਂ ਦੇ ਘਰਾਂ 'ਤੇ ਵੀ ਛਾਪਾ ਮਾਰਿਆ। ਬਾਅਦ ਵਿਚ ਇਹ ਵੀ ਪਤਾ ਲੱਗਿਆ ਕਿ ਸੁਸ਼ੀਲ ਪਹਿਲਾਂ ਹਰਿਦੁਆਰ ਗਿਆ ਅਤੇ ਫਿਰ ਰਿਸ਼ੀਕੇਸ਼ ਵਿਚ ਕਿਸੇ ਆਸ਼ਰਮ ਵਿਚ ਰਿਹਾ ਸੀ।
ਹੁਣ ਇਹ ਵੀ ਮੰਨਿਆ ਜਾ ਰਿਹਾ ਹੈ ਕਿ ਸੁਸ਼ੀਲ ਨੂੰ ਫੜਨ ਲਈ ਦਿੱਲੀ ਪੁਲਿਸ ਇਨਾਮ ਦਾ ਐਲਾਨ ਵੀ ਕਰ ਸਕਦੀ ਹੈ। ਪੁਲਿਸ ਸੂਤਰਾਂ ਮੁਤਾਬਕ, ਜਦੋਂ ਸੁਸ਼ੀਲ ਨੂੰ ਨੋਟਿਸ ਭੇਜਿਆ ਗਿਆ ਤਾਂ ਉਸਨੇ ਆਪਣਾ ਫੋਨ ਵੀ ਬੰਦ ਕਰ ਦਿੱਤਾ।
ਇਹ ਵੀ ਪੜ੍ਹੋ: H1B visa ਧਾਰਕਾਂ ਦੇ ਜੀਵਨ ਸਾਥੀ ਨੂੰ ਕੰਮ ਦੀ ਮੰਜ਼ੂਰੀ ਦਿਵਾਉਣ ਲਈ ਦੀ ਕੋਸ਼ਿਸ਼ਾਂ ਦੀ ਅਗਵਾਈ ਕਰੇਗਾ Google
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin