Solar Rooftop Scheme: ਕੇਂਦਰ ਸਰਕਾਰ ਵੀ ਹਰ ਮਹੀਨੇ 300 ਯੂਨਿਟ ਮੁਫ਼ਤ ਬਿਜਲੀ ਦੇ ਰਹੀ ਹੈ। ਇਸ ਦਾ ਲਾਭ ਲੈਣ ਲਈ ਕੁੱਝ ਤਸਦਾਵੇਜ਼ ਦੀ ਜ਼ਰੂਰਤ ਹੈ ਜੋ ਤੁਹਾਨੂੰ ਅਸੀਂ ਇਸ ਖ਼ਬਰ 'ਚ ਦੱਸਣ ਜਾ ਰਹੇ ਹਾਂ। ਦਰਅਸਲ ਸੋਲਰ ਰੂਫਟਾਪ ਸਕੀਮ 2024 ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੁਆਰਾ ਸ਼ੁਰੂ ਕੀਤੀ ਗਈ ਸੀ।


 ਇਸ ਸਕੀਮ ਵਿੱਚ ਬਿਜਲੀ ਦੇ ਬਿੱਲ ਵਿੱਚ ਕਟੌਤੀ ਦਾ ਲਾਭ ਉਨ੍ਹਾਂ ਲੋਕਾਂ ਨੂੰ ਦਿੱਤਾ ਜਾਂਦਾ ਹੈ ਜੋ ਗਰੀਬ ਵਰਗ ਨਾਲ ਸਬੰਧਤ ਹਨ ਜਾਂ ਜਿਨ੍ਹਾਂ ਦੀ ਆਰਥਿਕ ਹਾਲਤ ਕਮਜ਼ੋਰ ਹੈ। ਸੋਲਰ ਰੂਫ਼ਟਾਪ ਸਕੀਮ ਤਹਿਤ ਲਾਭਪਾਤਰੀਆਂ ਦੀਆਂ ਛੱਤਾਂ 'ਤੇ ਸੋਲਰ ਪੈਨਲ ਲਗਾਏ ਜਾਂਦੇ ਹਨ। 


ਇਹ ਸਰਕਾਰੀ ਸਕੀਮ ਨਾ ਸਿਰਫ਼ ਲੋਕਾਂ ਦੀਆਂ ਊਰਜਾ ਲੋੜਾਂ ਪੂਰੀਆਂ ਕਰਦੀ ਹੈ ਬਲਕਿ ਬਿਜਲੀ ਦੇ ਬਿੱਲ ਨੂੰ ਵੀ ਘਟਾਉਂਦੀ ਹੈ ਅਤੇ ਪੈਸੇ ਦੀ ਬਚਤ ਵੀ ਕਰਦੀ ਹੈ। ਇਸ ਸਕੀਮ ਤਹਿਤ ਹਰ ਮਹੀਨੇ 300 ਯੂਨਿਟ ਮੁਫ਼ਤ ਬਿਜਲੀ ਦਿੱਤੀ ਜਾਵੇਗੀ। ਸਰਕਾਰ ਨੇ ਇਸ ਯੋਜਨਾ ਲਈ 75000 ਕਰੋੜ ਰੁਪਏ ਦਾ ਨਿਵੇਸ਼ ਕੀਤਾ ਹੈ।


 


ਇਸ ਤਰ੍ਹਾਂ ਅਪਲਾਈ ਕਰੋ


ਸੋਲਰ ਰੂਫਟਾਪ ਸਬਸਿਡੀ ਸਕੀਮ 2024 ਦੇ ਤਹਿਤ ਸੋਲਰ ਪੈਨਲ ਲਗਾਉਣ ਲਈ, ਦੇਸ਼ ਦੇ ਸਾਰੇ ਯੋਗ ਨਿਵਾਸੀਆਂ ਨੂੰ ਯੋਗਤਾ ਦੇ ਮਾਪਦੰਡ ਪੂਰੇ ਕਰਨੇ ਪੈਣਗੇ ਅਤੇ ਇਸਦੇ ਲਈ ਅਧਿਕਾਰਤ ਪੋਰਟਲ 'ਤੇ ਆਨਲਾਈਨ ਅਪਲਾਈ ਕਰਨਾ ਹੋਵੇਗਾ।


ਸਭ ਤੋਂ ਪਹਿਲਾਂ ਤੁਹਾਨੂੰ https://pmsuryaghar.gov.in/  'ਤੇ ਜਾਣਾ ਹੋਵੇਗਾ।


ਇਸ ਤੋਂ ਬਾਅਦ ਤੁਹਾਨੂੰ ਹੋਮ ਪੇਜ 'ਤੇ ਅਪਲਾਈ ਨੂੰ ਚੁਣਨਾ ਹੋਵੇਗਾ।


ਰਾਜ ਅਤੇ ਜ਼ਿਲ੍ਹੇ ਦੀ ਚੋਣ ਕਰਨ ਤੋਂ ਬਾਅਦ, ਤੁਹਾਨੂੰ ਬਾਕੀ ਵੇਰਵੇ ਦਰਜ ਕਰਨੇ ਪੈਣਗੇ।


ਆਪਣਾ ਬਿਜਲੀ ਬਿੱਲ ਨੰਬਰ ਦਰਜ ਕਰੋ


ਬਿਜਲੀ ਦੇ ਖਰਚੇ ਦੀ ਜਾਣਕਾਰੀ ਅਤੇ ਮੁੱਢਲੀ ਜਾਣਕਾਰੀ ਭਰਨ ਤੋਂ ਬਾਅਦ ਸੋਲਰ ਪੈਨਲ ਦਾ ਵੇਰਵਾ ਦਰਜ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ ਤੁਹਾਨੂੰ ਆਪਣੀ ਛੱਤ ਦੇ ਖੇਤਰ ਨੂੰ ਮਾਪਣਾ ਹੋਵੇਗਾ। ਖੇਤਰ ਦੇ ਅਨੁਸਾਰ ਤੁਹਾਨੂੰ ਸੋਲਰ ਪੈਨਲ ਲਈ ਅਪਲਾਈ ਕਰਨਾ ਹੋਵੇਗਾ।


 


ਕਿੰਨੀ ਸਬਸਿਡੀ


ਮੁਫਤ ਸੋਲਰ ਰੂਫਟਾਪ ਸਕੀਮ 2024 ਦੇ ਤਹਿਤ ਸੂਰਜੀ ਛੱਤ ਵਾਲੇ ਪੈਨਲ ਸਥਾਪਤ ਕਰਨ ਲਈ, 1 ਕਿਲੋਵਾਟ ਦਾ ਸੋਲਰ ਗੈਜੇਟ ਲਗਾਉਣ ਲਈ ਘੱਟੋ ਘੱਟ 10 ਵਰਗ ਮੀਟਰ ਖੇਤਰ ਦੀ ਲੋੜ ਹੈ। ਇਸ ਯੋਜਨਾ ਤਹਿਤ ਸਰਕਾਰ 3 ਕਿਲੋਵਾਟ ਤੱਕ ਦੇ ਸੋਲਰ ਪੈਨਲ ਲਗਾਉਣ 'ਤੇ 40 ਫੀਸਦੀ ਸਬਸਿਡੀ ਦੇਵੇਗੀ।


ਇਸ ਤੋਂ ਇਲਾਵਾ 2024 ਤੱਕ 4 ਕਿਲੋਵਾਟ ਤੋਂ 10 ਕਿਲੋਵਾਟ ਤੱਕ ਦੇ ਸੋਲਰ ਪੈਨਲ ਲਗਾਉਣ ਲਈ 20 ਫੀਸਦੀ ਮੁਫਤ ਰੂਫਟਾਪ ਸਬਸਿਡੀ ਦਿੱਤੀ ਜਾਵੇਗੀ। ਕਾਰਜ ਸਥਾਨਾਂ ਅਤੇ ਵੱਡੀਆਂ ਫੈਕਟਰੀਆਂ ਵਿੱਚ ਸੋਲਰ ਸਿਸਟਮ ਲਗਾ ਕੇ ਬਿਜਲੀ ਦੇ ਬਿੱਲਾਂ ਵਿੱਚ 30 ਫੀਸਦੀ ਤੋਂ 50 ਫੀਸਦੀ ਤੱਕ ਦੀ ਕਮੀ ਕੀਤੀ ਜਾ ਸਕਦੀ ਹੈ। ਸੋਲਰ ਪੈਨਲ 25 ਸਾਲਾਂ ਤੱਕ ਊਰਜਾ ਪ੍ਰਦਾਨ ਕਰਦੇ ਹਨ, ਅਤੇ ਸੈੱਟਅੱਪ ਦੀ ਲਾਗਤ 5 ਤੋਂ 6 ਸਾਲਾਂ ਵਿੱਚ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।