ਹਾਥਰਸ: ਹੁਣ ਹਾਥਰਸ ਕੇਸ ਦੇ ਹਾਲਾਤ ਬਦ ਤੋਂ ਬਦਤਰ ਹੁੰਦੇ ਜਾ ਰਹੇ ਹਨ। ਹਾਥਰਸ ਵਿੱਚ ਸਮੂਹਿਕ ਜਬਰ ਜਨਾਹ ਦਾ ਸ਼ਿਕਾਰ ਪੀੜਤਾ ਦੀ ਲਾਸ਼ ਨੂੰ ਰਾਤੋ-ਰਾਤ ਸਾੜ ਦਿੱਤਾ ਗਿਆ। ਇਸ ਤੋਂ ਬਾਅਦ 'ਏਬੀਪੀ ਨਿਊਜ਼' ਨੇ ਪੀੜਤ ਪਰਿਵਾਰ ਨੂੰ ਮਿਲਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਨੂੰ ਰੋਕ ਦਿੱਤਾ ਗਿਆ। 'ਏਬੀਪੀ ਨਿਊਜ਼' ਦੇ ਕੈਮਰਾ ਨੂੰ ਵੀ ਜ਼ਬਰਦਸਤੀ ਬੰਦ ਕਰ ਦਿੱਤਾ ਗਿਆ ਤੇ 'ਏਬੀਪੀ ਨਿਊਜ਼' ਦੀ ਪੱਤਰਕਾਰ ਪ੍ਰਤਿਮਾ ਮਿਸ਼ਰਾ ਨੂੰ ਖੇਤਾਂ 'ਚੋਂ ਆਉਣ ਕਾਰਨ ਚੋਰ ਕਿਹਾ ਗਿਆ।

'ਏਬੀਪੀ ਨਿਊਜ਼' ਦੇ ਕੈਮਰਾਮੈਨ ਮਨੋਜ ਦੀ ਅਧਿਕਾਰੀਆਂ ਨਾਲ ਧੱਕਾ-ਮੁੱਕੀ ਹੋਈ ਤੇ ਕੈਮਰਾ ਜ਼ਬਰਦਸਤੀ ਬੰਦ ਕਰਵਾ ਦਿੱਤਾ ਗਿਆ। ਪ੍ਰਤਿਮਾ ਮਿਸ਼ਰਾ ਨੂੰ ਜ਼ਬਰਦਸਤੀ ਪੁਲਿਸ ਕਾਰ ਵਿੱਚ ਬੈਠਾ ਲਿਆ ਤੇ ਉਸ ਦਾ ਫੋਨ ਲੈ ਗਿਆ। ਦੋ ਦਿਨਾਂ ਤੋਂ ਮੀਡੀਆ ਦਾ ਇਕੱਠ ਹਾਥਰਸ ਵਿੱਚ ਪੀੜਤ ਪਰਿਵਾਰ ਦੇ ਘਰ ਦੀ ਮੁੱਖ ਸੜਕ 'ਤੇ ਹੈ, ਪਰ ਏਬੀਪੀ ਨਿਊਜ਼ ਦੀ ਰਿਪੋਰਟਰ ਪ੍ਰਤਿਮਾ ਮਿਸ਼ਰਾ ਨੇ ਕਿਸੇ ਤਰ੍ਹਾਂ ਖੇਤਾਂ ਰਾਹੀਂ ਪੀੜਤ ਪਰਿਵਾਰ ਤੱਕ ਪਹੁੰਚਣ ਦਾ ਰਸਤਾ ਲੱਭਿਆ ਪਰ ਘਰ ਤੋਂ ਕੁਝ ਹੀ ਮੀਟਰ ਦੀ ਦੂਰੀ 'ਤੇ ਉਸ ਨੂੰ ਪੁਲਿਸ ਸਟਾਫ ਨੇ ਰੋਕਿਆ ਤੇ ਉਨ੍ਹਾਂ ਨਾਲ ਦੁਰਵਿਵਹਾਰ ਕੀਤਾ ਗਿਆ। ਇਸ ਤੋਂ ਸਾਫ਼ ਹੈ ਕਿ ਯੂਪੀ ਪ੍ਰਸ਼ਾਸਨ ਹਾਥਰਸ ਕਾਂਡ ਦੀ ਸੱਚਾਈ ਨੂੰ ਦਬਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।

ਕਿਸ ਅਧਿਕਾਰੀ ਦੇ ਆਦੇਸ਼ ਦਿੱਤਾ ਇਸ ਬਾਰੇ ਨਹੀਂ ਦੱਸਿਆ:

ਉੱਤਰ ਪ੍ਰਦੇਸ਼ ਪੁਲਿਸ ਦੇ ਸਾਰੇ ਪੁਲਿਸ ਕਰਮਚਾਰੀਆਂ ਨੇ ਏਬੀਪੀ ਰਿਪੋਰਟਰ ਤੇ ਕੈਮਰਾਮੈਨ ਨੂੰ ਪੂਰੀ ਤਰ੍ਹਾਂ ਡਰਾਇਆ ਤੇ ਵਾਰ-ਵਾਰ ਪੁੱਛਣ ਤੋਂ ਬਾਅਦ ਕਿ ਕਿਹੜਾ ਅਧਿਕਾਰੀ ਹੈ ਜਿਸ ਨੇ ਆਦੇਸ਼ ਦਿੱਤਾ, ਉਨ੍ਹਾਂ ਨੇ ਇਹ ਨਹੀਂ ਦੱਸਿਆ। ਜਦੋਂ ਰਿਪੋਰਟਰ ਪ੍ਰਤਿਮਾ ਮਿਸ਼ਰਾ ਨੂੰ ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਅੰਦਰ ਜਾਣ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ, ਤਾਂ ਉਹ ਪੁਲਿਸ ਮੁਲਾਜ਼ਮਾਂ ਵਿਚਾਲੇ ਧਰਨੇ 'ਤੇ ਬੈਠ ਗਈ।

ਜਾਣੋ ਕੀ-ਕੀ ਹੋਇਆ:

ਅੱਜ ਜਦੋਂ ਏਬੀਪੀ ਨਿਊਜ਼ ਦੀ ਪੱਤਰਕਾਰ ਪ੍ਰਤਿਮਾ ਮਿਸ਼ਰਾ ਤੇ ਕੈਮਰਾਮੈਨ ਮਨੋਜ ਅਧਿਕਾਰੀ ਹਾਥਰਸ ਕਾਂਡ ਦੇ ਪੀੜਤੀ ਦੇ ਘਰ ਜਾਣ ਲਈ ਖੇਤਾਂ ਚੋਂ ਲੰਘੇ ਤਾਂ ਉਨ੍ਹਾਂ ਨੂੰ ਵਿਚਕਾਰਲੇ ਰਸਤੇ ਵਿੱਚ ਰੋਕ ਲਿਆ ਗਿਆ ਤੇ ਕਿਹਾ ਗਿਆ ਕਿ ਏਬੀਪੀ ਨਿਊਜ਼ ਦੀ ਪੱਤਰਕਾਰ ਤੇ ਕੈਮਰਾਮੈਨ ਮਨੋਜ ਚੋਰ ਰਸਤੇ ਤੋਂ ਆਏ ਹਨ।

ਇਸ ਤੋਂ ਬਾਅਦ ਰਿਪੋਰਟਰ ਪ੍ਰਤਿਮਾ ਮਿਸ਼ਰਾ ਨੂੰ ਪੁਰਸ਼ ਪੁਲਿਸ ਮੁਲਾਜ਼ਮਾਂ ਤੇ ਮਹਿਲਾ ਪੁਲਿਸ ਮੁਲਾਜ਼ਮਾਂ ਨੇ ਰੋਕ ਲਿਆ ਤੇ ਕਾਰ ਵਿੱਚ ਜਬਰੀ ਬੈਠਾਉਣ ਦੀ ਕੋਸ਼ਿਸ਼ ਕੀਤੀ। ਇਸ 'ਤੇ ਵੀ ਏਬੀਪੀ ਨਿਊਜ਼ ਦੇ ਪੱਤਰਕਾਰਾਂ ਡਰੇ ਨਹੀਂ ਤੇ ਆਪਣੀ ਜ਼ਿੱਦ 'ਤੇ ਅੜੇ ਰਹੇ।

ਇਸ ਤੋਂ ਬਾਅਦ ਪੁਲਿਸ ਮੁਲਾਜ਼ਮ ਉਸ ਤੇ ਕੈਮਰਾਮੈਨ ਨਾਲ ਧੱਕਾ-ਮੁੱਕੀ ਕੀਤੀ ਗਈ ਤੇ ਲਾਈਵ ਫੀਡ ਨੂੰ ਰੋਕ ਦਿੱਤਾ ਗਿਆ। ਇਸ ਤੋਂ ਬਾਅਦ ਕੁਝ ਸਮੇਂ ਲਈ ਪ੍ਰਤਿਮਾ ਮਿਸ਼ਰਾ ਦਾ ਫੋਨ ਵੀ ਲੈ ਗਿਆ। ਇਸ ਤੋਂ ਥੋੜ੍ਹੀ ਦੇਰ ਬਾਅਦ, ਉਸ ਨੂੰ ਜ਼ਬਰਦਸਤੀ ਕਾਰ ਵਿੱਚ ਬਿਠਾਇਆ ਗਿਆ ਤੇ ਪੀੜਤ ਦੇ ਘਰੋਂ ਦੂਰ ਲਾਹ ਦਿੱਤਾ ਗਿਆ। ਉਨ੍ਹਾਂ ਨੂੰ ਮੁੱਖ ਸੜਕ 'ਤੇ ਲਿਆਂਦਾ ਗਿਆ ਸੀ ਜਿੱਥੇ ਪਹਿਲਾਂ ਹੀ ਬੈਰੀਕੇਡਿੰਗ ਸੀ ਤੇ ਏਬੀਪੀ ਨਿਊਜ਼ ਨੂੰ ਬਹੁਤ ਸਾਰੇ ਮੀਡੀਆ ਵਿਅਕਤੀਆਂ ਨਾਲ ਉੱਥੇ ਰੋਕ ਦਿੱਤਾ ਗਿਆ।

ਦੱਸ ਦਈਏ ਕਿ ਏਬੀਪੀ ਨਿਊਜ਼ ਦੀ ਪੱਤਰਕਾਰ ਪ੍ਰਤਿਮਾ ਮਿਸ਼ਰਾ ਨੇ ਅਜੇ ਵੀ ਹਿੰਮਤ ਨਹੀਂ ਹਾਰੀ ਤੇ ਹੋਰ ਰਸਤੇ ਜਾਣ ਦੀ ਕੋਸ਼ਿਸ਼ ਕੀਤੀ ਪਰ ਉਸ ਸਮੇਂ ਏਬੀਪੀ ਨਿਊਜ਼ ਦਾ ਕੈਮਰਾ ਬੰਦ ਕਰ ਦਿੱਤਾ ਗਿਆ ਸੀ। ਜਦੋਂ ਪ੍ਰਤਿਮਾ ਨੇ ਕਈ ਵਾਰ ਮੰਗ ਕੀਤੀ ਤਾਂ ਸੀਨੀਅਰ ਪੁਲਿਸ ਅਧਿਕਾਰੀ ਵੀ ਅੱਗੇ ਆ ਗਏ।

ਇਸ ਤੋਂ ਬਾਅਦ ਪ੍ਰਤਿਮਾ ਮਿਸ਼ਰਾ ਉੱਥੇ ਹੀ ਧਰਨੇ 'ਤੇ ਬੈਠ ਗਈ ਪਰ ਉਸ ਤੋਂ ਬਾਅਦ ਉਨ੍ਹਾਂ ਨੂੰ ਵੀ ਉਥੋਂ ਚੁੱਕਣ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਨਾ ਤਾਂ ਪ੍ਰਤਿਮਾ ਮਿਸ਼ਰਾ ਡਰੀ ਤੇ ਨਾ ਹੀ ਘਬਰਾਈ। ਉਸ ਨੇ ਸਾਫ਼ ਕਰ ਦਿੱਤਾ ਕਿ ਜਦੋਂ ਤੱਕ ਉਸ ਨੂੰ ਪੀੜਤਾ ਨੂੰ ਮਿਲਣ ਦੀ ਇਜਾਜ਼ਤ ਨਹੀਂ ਮਿਲ ਜਾਂਦੀ ਉਦੋਂ ਤੱਕ ਉਹ ਉੱਥੋਂ ਨਹੀਂ ਉੱਠੇਗੀ।

ਹਾਥਰਸ ਕੇਸ: ਪੀੜਤ ਪਰਿਵਾਰ ਨੇ ਸੀਬੀਆਈ ਜਾਂਚ ਮੰਗੀ, ਪ੍ਰਸ਼ਾਸਨ ‘ਤੇ ਦਬਾਅ ਬਣਾਉਣ ਦਾ ਇਲਜ਼ਾਮ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904