ਨਵੀਂ ਦਿੱਲੀ: ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ (ICMR) ਨੇ ਵੀਰਵਾਰ ਨੂੰ ਸੋਸ਼ਲ ਮੀਡੀਆ 'ਤੇ ਸਿਖਰਲੀ ਸੰਸਥਾ ਦੇ ਨਾਂ 'ਤੇ ਸੋਸ਼ਲ ਮੀਡੀਆ 'ਤੇ ਫੈਲ ਰਹੀ ਝੂਠੀ ਗਾਈਡਲਾਈਨ ਬਾਰੇ ਅਲਰਟ ਕੀਤਾ। ਗਾਈਡਲਾਈਨ 'ਚ ਕੋਵਿਡ-19 ਮਹਾਂਮਾਰੀ ਵਿਚਕਾਰ ਕੁਝ ਖੁਰਾਕਾਂ ਲੈਣ ਤੇ ਕੁਝ ਦਾ ਸੇਵਨ ਨਾ ਕਰਨ ਦੇ ਨੁਕਤੇ ਦੱਸੇ ਗਏ ਹਨ। ICMR ਨੇ ਸਪੱਸ਼ਟ ਕਰਦੇ ਹੋਏ ਕਿਹਾ ਕਿ ਸੰਸਥਾ ਵੱਲੋਂ ਅਜਿਹੀ ਕੋਈ ਗਾਈਡਲਾਈਨ ਜਾਰੀ ਨਹੀਂ ਕੀਤੀ ਗਈ ਹੈ।
ਆਈਸੀਐਮਆਰ ਨੇ ਟਵੀਟ ਕੀਤਾ, "ਗਾਈਡਲਾਈਨ ਝੂਠੀ ਹੈ। ਇਹ ਵੱਖੋ-ਵੱਖਰੇ ਸੋਸ਼ਲ ਮੀਡੀਆ ਪਲੇਟਫ਼ਾਰਮਾਂ 'ਤੇ ਫੈਲਾਈ ਜਾ ਰਹੀ ਹੈ। ਆਈਸੀਐਮਆਰ ਨੇ ਅਜਿਹਾ ਕੋਈ ਦਿਸ਼ਾ-ਨਿਰਦੇਸ਼ ਜਾਂ ਗਾਈਡਲਾਈਨ ਜਾਰੀ ਨਹੀਂ ਕੀਤਾ। ਇਹ ਝੂਠੀ ਗਾਈਡਲਾਈਨ ਹੈ।"
ਜਾਅਲੀ ਗਾਈਡਲਾਈਨ 'ਚ ਸੁਝਾਅ ਦਿੱਤੇ ਗਏ ਹਨ, "ਦੋ ਸਾਲ ਲਈ ਵਿਦੇਸ਼ੀ ਯਾਤਰਾ ਮੁਲਤਵੀ ਕਰੋ। ਇਕ ਸਾਲ ਤਕ ਬਾਹਰ ਦਾ ਖਾਣਾ ਨਾ ਖਾਓ, ਖੰਘ ਵਾਲੇ ਵਿਅਕਤੀ ਤੋਂ ਦੂਰ ਰਹੋ, ਘੱਟੋ-ਘੱਟ ਇੱਕ ਸਾਲ ਲਈ ਭੀੜ ਵਾਲੀ ਜਗ੍ਹਾ 'ਤੇ ਨਾ ਜਾਓ ਤੇ 'ਡੌਨ' ਜੁੱਤੇ ਆਪਣੇ ਘਰ 'ਚ ਲੈ ਆਓ। ਬਾਹਰ ਜਾਣ ਸਮੇਂ ਬੈਲਟ, ਰਿੰਗ, ਘੜੀ ਨਾ ਪਹਿਨਣ ਦੀ ਸਲਾਹ ਦਿੱਤੀ ਗਈ ਹੈ।"
<blockquote class="twitter-tweet"><p lang="en" dir="ltr">This is circulating in different social media platform. ICMR did not issue any such guideline or advisory. It is <a rel='nofollow'>#Fake</a> circulation. <a rel='nofollow'>#FactCheck</a> <a rel='nofollow'>#FakeNews</a> <a rel='nofollow'>pic.twitter.com/FeusTaOiWM</a></p>— ICMR (@ICMRDELHI) <a rel='nofollow'>May 6, 2021</a></blockquote> <script async src="https://platform.twitter.com/widgets.js" charset="utf-8"></script>
ਫ਼ਰਜ਼ੀ ਗਾਈਡਲਾਈਨ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਕੋਵਿਡ-19 ਮਹਾਂਮਾਰੀ ਛੇਤੀ ਖ਼ਤਮ ਹੋਣ ਵਾਲੀ ਨਹੀਂ ਹੈ ਤੇ ਲੋਕਾਂ ਨੂੰ ਅਗਲੇ 6 ਤੋਂ 12 ਮਹੀਨਿਆਂ ਲਈ ਲੌਕਡਾਊਨ ਨਿਯਮਾਂ ਦੀ ਪਾਲਣਾ ਕਰਨ ਲਈ ਕਿਹਾ ਗਿਆ ਹੈ।
ਭਾਰਤ ਕੋਵਿਡ-19 ਦੀ ਦੂਜੀ ਲਹਿਰ ਦੀ ਮਾਰ ਝੱਲ ਰਿਹਾ ਹੈ ਤੇ ਲਾਗਾਂ ਦੀ ਗਿਣਤੀ ਬੇਮਿਸਾਲ ਪੱਧਰ 'ਤੇ ਪਹੁੰਚ ਗਈ ਹੈ, ਜਿਸ ਨਾਲ ਸਿਹਤ ਸੰਭਾਲ ਪ੍ਰਣਾਲੀ ਮਰੀਜ਼ਾਂ ਦੇ ਭਾਰ ਹੇਠਾਂ ਦੱਬਦੀ ਜਾ ਰਹੀ ਹੈ। ਕੌਮੀ ਰਾਜਧਾਨੀ ਦੇ ਬਹੁਤ ਸਾਰੇ ਹਸਪਤਾਲਾਂ 'ਚ ਹਸਪਤਾਲਾਂ ਦੇ ਬੈੱਡਾਂ, ਮੈਡੀਕਲ ਆਕਸੀਜਨ ਵਰਗੀਆਂ ਮਹੱਤਵਪੂਰਣ ਚੀਜ਼ਾਂ ਖਤਮ ਹੋ ਗਈਆਂ ਹਨ।