ਦਰਦਨਾਕ ਸੜਕ ਹਾਦਸੇ ‘ਚ 6 ਲੋਕਾਂ ਦੀ ਮੌਤ 10 ਗੰਭੀਰ, ਗੌਂਡਾ-ਬਹਰਾਇਚ ਹਾਈਵੇ 'ਤੇ ਵਾਪਰਿਆ ਹਾਦਸਾ
ਏਬੀਪੀ ਸਾਂਝਾ | 02 Nov 2020 09:24 AM (IST)
ਇਹ ਹਾਦਸਾ ਗੋਂਦਾ-ਬਹਰਾਇਚ ਹਾਈਵੇ 'ਤੇ ਸ਼ਿਵਦਹਾ ਮੋੜ ਦੇ ਨੇੜੇ ਹੋਇਆ। ਡਰਾਈਵਰ ਨੂੰ ਨੀਂਦ ਦੀ ਝਪਕੀ ਕਰਕੇ ਗੱਡੀ ਸੜਕ ਦੇ ਕਿਨਾਰੇ ਖੜੇ ਟਰੱਕ ਨਾਲ ਟੱਕਰਾ ਗਈ। ਜ਼ਖਮੀਆਂ ਨੂੰ ਐਂਬੂਲੈਂਸ ਰਾਹਾਂ ਹਸਪਤਾਲ ਭਰਤੀ ਕਰਵਾਇਆ ਗਿਆ।
ਸੰਕੇਤਕ ਤਸਵੀਰ
ਬਹਰਾਇਚ: ਉੱਤਰ ਪ੍ਰਦੇਸ਼ ਦੇ ਬਹਰਾਇਚ ਵਿੱਚ ਲੋਕਾਂ ਨਾਲ ਭਰਿਆ ਵਾਹਨ ਸੋਮਵਾਰ ਤੜਕੇ ਇੱਕ ਵੱਡੇ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਇਸ ਘਟਨਾ ਵਿੱਚ ਛੇ ਲੋਕਾਂ ਦੀ ਮੌਤ ਹੋ ਗਈ ਹੈ, ਜਦੋਂ ਕਿ 10 ਗੰਭੀਰ ਜ਼ਖ਼ਮੀ ਹੋਏ ਹਨ। ਜ਼ਖਮੀਆਂ ਚੋਂ ਪੰਜ ਦੀ ਹਾਲਤ ਬੇਹੱਦ ਨਾਜ਼ੁਕ ਬਣੀ ਹੋਈ ਹੈ। ਐਸਓ ਪੇਆਗਪੁਰ ਨੇ ਸਾਰੀਆਂ ਨੂੰ ਪੁਲਿਸ ਗੱਡੀਆਂ ਰਾਹੀਂ ਜ਼ਿਲਾ ਹਸਪਤਾਲ ਵਿਚ ਇਲਾਜ ਲਈ ਦਾਖਲ ਕਰਵਾਇਆ ਹੈ। ਦਰਅਸਲ, ਮਹਿੰਦਰਾ ਵੈਨ (UP31AT3437) 'ਤੇ ਜਾਯਰੀਨ ਅੰਬੇਦਕਰ ਨਗਰ ਦੇ ਕਿਛੌਛਾ ਸ਼ਰੀਫ ਤੋਂ ਲਖੀਮਪੁਰ ਖੇੜੀ ਦੇ ਸਿੰਗਾਹੀ ਜਾ ਰਹੇ ਸੀ। ਗੋਂਡਾ-ਬਹਰਾਇਚ ਹਾਈਵੇ 'ਤੇ ਸ਼ਿਵਦਹਾ ਮੋੜ ਦੇ ਨੇੜੇ ਡ੍ਰਾਈਵਰ ਦੀ ਝਪਕੀ ਲੱਗਣ ਕਰਕੇ ਗੱਡੀ ਸਜ਼ਕ ਕਿਨਾਰੇ ਖੜੇ ਟਰੱਕ ਨਾਲ ਟੱਕਰਾ ਗਿਆ। ਜ਼ਖਮੀਆਂ ਨੇ ਐਂਬੂਲੈਂਸ ਸੇਵਾ 'ਤੇ ਗੰਭੀਰ ਦੋਸ਼ ਲਗਾਏ ਹਨ।
