Delhi News: ਰਾਸ਼ਟਰੀ ਰਾਜਧਾਨੀ ਦਿੱਲੀ ਵਿੱਚ 14 ਨਵੰਬਰ ਤੋਂ ਅੰਤਰਰਾਸ਼ਟਰੀ ਵਪਾਰ ਮੇਲਾ ਸ਼ੁਰੂ ਹੋ ਰਿਹਾ ਹੈ। ਪ੍ਰਗਤੀ ਮੈਦਾਨ ਵਿਖੇ ਲਗਾਇਆ ਗਿਆ ਇਹ ਵਪਾਰ ਮੇਲਾ 27 ਨਵੰਬਰ ਨੂੰ ਸਮਾਪਤ ਹੋਵੇਗਾ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਮੇਲੇ 'ਚ ਰੋਜ਼ਾਨਾ ਘੱਟੋ-ਘੱਟ 40 ਹਜ਼ਾਰ ਲੋਕ ਆਉਣਗੇ ਅਤੇ ਸ਼ਨੀਵਾਰ ਅਤੇ ਛੁੱਟੀਆਂ ਦੌਰਾਨ ਵੀ ਹਰ ਰੋਜ਼ ਕਰੀਬ ਇਕ ਲੱਖ ਲੋਕ ਆ ਸਕਦੇ ਹਨ।
ਇਸ ਦੌਰਾਨ ਮਥੁਰਾ ਰੋਡ, ਭੈਰੋਂ ਮਾਰਗ, ਰਿੰਗ ਰੋਡ, ਸ਼ੇਰਸ਼ਾਹ ਰੋਡ ਅਤੇ ਪੁਰਾਣਾ ਕਿਲਾ ਰੋਡ ’ਤੇ ਭਾਰੀ ਆਵਾਜਾਈ ਰਹਿਣ ਦੀ ਸੰਭਾਵਨਾ ਹੈ। ਅਜਿਹੇ 'ਚ ਦਿੱਲੀ ਪੁਲਸ ਨੇ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਪੁਲੀਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜਿਹੜੇ ਲੋਕ ਵਪਾਰ ਮੇਲੇ ਵਿੱਚ ਨਹੀਂ ਜਾ ਰਹੇ ਹਨ, ਉਹ ਇਨ੍ਹਾਂ ਰਸਤਿਆਂ ਦੀ ਵਰਤੋਂ ਨਾ ਕਰਨ।
ਪੁਲਿਸ ਸਲਾਹ ਦੇ ਮੁੱਖ ਨੁਕਤੇ
14 ਤੋਂ 18 ਨਵੰਬਰ ਦਰਮਿਆਨ ਸਿਰਫ਼ ਕਾਰੋਬਾਰੀ ਸੈਲਾਨੀਆਂ ਨੂੰ ਹੀ ਮੇਲੇ ਵਿੱਚ ਆਉਣ ਦੀ ਇਜਾਜ਼ਤ ਹੋਵੇਗੀ। ਜਦਕਿ 19 ਤੋਂ 27 ਤੱਕ ਇਹ ਆਮ ਲੋਕਾਂ ਲਈ ਵੀ ਖੁੱਲ੍ਹਾ ਰਹੇਗਾ। ਐਡਵਾਈਜ਼ਰੀ ਅਨੁਸਾਰ ਗੇਟ ਨੰਬਰ 5-ਏ, 5-ਬੀ, 7, 8 ਅਤੇ 9 ਤੋਂ ਸੈਲਾਨੀਆਂ ਨੂੰ ਦਾਖਲ ਹੋਣ ਦੀ ਇਜਾਜ਼ਤ ਨਹੀਂ ਹੋਵੇਗੀ।
ਯਾਤਰੀਆਂ ਨੂੰ ਗੇਟ ਨੰਬਰ 1, 4, 6, 10 ਤੋਂ ਅੰਦਰ ਜਾਣ ਦੀ ਆਗਿਆ ਹੋਵੇਗੀ।
ਮੀਡੀਆ ਕਰਮਚਾਰੀ ਗੇਟ ਨੰਬਰ 5-ਬੀ ਤੋਂ ਦਾਖਲ ਹੋ ਸਕਣਗੇ ਅਤੇ ਆਈਟੀਪੀਓ ਅਧਿਕਾਰੀ ਗੇਟ ਨੰਬਰ 9 ਅਤੇ 1 ਤੋਂ ਦਾਖਲ ਹੋ ਸਕਣਗੇ।
ਸ਼ਾਮ 5.30 ਵਜੇ ਤੋਂ ਬਾਅਦ ਕਿਸੇ ਵੀ ਤਰ੍ਹਾਂ ਦੀ ਐਂਟਰੀ ਦੀ ਮਨਾਹੀ ਹੋਵੇਗੀ।
ਪ੍ਰਗਤੀ ਮੈਦਾਨ 'ਤੇ ਟਿਕਟਾਂ ਦੀ ਵਿਕਰੀ ਨਹੀਂ ਹੋਵੇਗੀ। ਐਡਵਾਈਜ਼ਰੀ 'ਚ ਕਿਹਾ ਗਿਆ ਹੈ ਕਿ ਟਿਕਟਾਂ ਆਨਲਾਈਨ ਅਤੇ ਮੈਟਰੋ ਸਟੇਸ਼ਨਾਂ 'ਤੇ ਵੇਚੀਆਂ ਜਾਣਗੀਆਂ।
ਕਾਰਾਂ, ਟੈਕਸੀਆਂ ਅਤੇ ਆਟੋ ਲਈ ਡਰਾਪਿੰਗ ਪੁਆਇੰਟ ਆਈਟੀਪੀਓ ਦੇ ਗੇਟ ਨੰਬਰ 3 ਅਤੇ 7 ਦੇ ਸਾਹਮਣੇ ਸਰਵਿਸ ਲੇਨ ਹੋਣਗੇ।
ਮਥੁਰਾ ਰੋਡ ਅਤੇ ਭੈਰੋਂ ਰੋਡ 'ਤੇ ਕਿਸੇ ਵੀ ਵਾਹਨ ਨੂੰ ਰੁਕਣ ਜਾਂ ਪਾਰਕ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ।
ਯਾਤਰਾ ਲਈ DTC ਬੱਸਾਂ ਦੀ ਵਰਤੋਂ ਕਰਨ ਵਾਲੇ ਲੋਕ ਮਥੁਰਾ ਰੋਡ ਅਤੇ ਭੈਰੋਂ ਰੋਡ 'ਤੇ ਨਿਰਧਾਰਤ ਬੱਸ ਅੱਡਿਆਂ 'ਤੇ ਉਤਰ ਸਕਦੇ ਹਨ।
ਸੈਲਾਨੀਆਂ ਨੂੰ ਬੇਸਮੈਂਟ ਪਾਰਕਿੰਗ ਨੰਬਰ 1 ਵਿੱਚ ਆਪਣੇ ਵਾਹਨ ਪਾਰਕ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ।
ਇਸ ਤੋਂ ਇਲਾਵਾ ਉਹ ਭਾਰਤ ਮੰਡਪਮ ਦੇ ਅੰਦਰ ਬੇਸਮੈਂਟ ਦੀ ਪਾਰਕਿੰਗ ਨੰਬਰ 2 ਵਿੱਚ ਆਪਣੀ ਕਾਰ ਪਾਰਕ ਕਰ ਸਕਦੇ ਹਨ।