Karnataka Burqa-Hijab: ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਕੁਝ ਲੋਕ ਇੱਕ ਵਿਦਿਆਰਥਣ ਜਿਸ ਨੇ ਬੁਰਕਾ ਪਾਇਆ ਹੈ, ਉਸ ਨਾਲ ਦੁਰਵਿਵਹਾਰ ਕਰਦੇ ਨਜ਼ਰ ਆ ਰਹੇ ਹਨ। ਇਹ ਵੀਡੀਓ ਕਰਨਾਟਕ ਦੇ ਮੰਡਯਾ ਜ਼ਿਲ੍ਹੇ ਦੇ ਪ੍ਰੀ-ਯੂਨੀਵਰਸਿਟੀ ਕਾਲਜ ਦਾ ਹੈ, ਜਿੱਥੇ ਭਗਵੇਂ ਗਮਚੇ ਪਹਿਨੇ ਲੋਕਾਂ ਦੇ ਇੱਕ ਸਮੂਹ ਨੇ ਨਾਅਰੇਬਾਜ਼ੀ ਕਰਦਿਆਂ ਟਿੱਪਣੀਆਂ ਕੀਤੀਆਂ। ਵੀਡੀਓ 'ਚ ਵਿਦਿਆਰਥਣ ਬਿਨਾਂ ਕਿਸੇ ਡਰ ਦੇ ਲੋਕਾਂ ਦੇ ਨਾਅਰਿਆਂ ਦਾ ਜਵਾਬ ਦਿੰਦਾ ਨਜ਼ਰ ਆ ਰਹੀ ਹੈ।



ਇਸ ਮਾਮਲੇ 'ਤੇ NDTV ਨਾਲ ਗੱਲਬਾਤ ਦੌਰਾਨ ਲੜਕੀ ਨੇ ਉਸ ਘਟਨਾ ਦੀ ਪੂਰੀ ਜਾਣਕਾਰੀ ਦਿੰਦਿਆ ਕਈ ਸਵਾਲਾਂ ਦੇ ਜਵਾਬ ਦਿੱਤੇ। ਜਦੋਂ ਵਿਦਿਆਰਥਣ ਨੂੰ ਪੁੱਛਿਆ ਗਿਆ ਕਿ ਕੀ ਉਨ੍ਹਾਂ ਲੋਕਾਂ ਦਾ ਸਾਹਮਣਾ ਕਰਨ 'ਤੇ ਉਸ ਨੂੰ ਡਰ ਨਹੀਂ ਲੱਗਾ? ਇਸ 'ਤੇ ਵਿਦਿਆਰਥੀ ਨੇ ਕਿਹਾ, 'ਮੈਂ ਡਰੀ ਨਹੀਂ ਸੀ। ਮੈਂ ਅਸਾਈਨਮੈਂਟ ਜਮ੍ਹਾਂ ਕਰਵਾਉਣ ਕਾਲਜ ਜਾ ਰਹੀ ਸੀ ਪਰ ਉਹ ਮੈਨੂੰ ਅੰਦਰ ਨਹੀਂ ਜਾਣ ਦੇ ਰਹੇ ਸਨ ਕਿਉਂਕਿ ਮੈਂ ਬੁਰਕਾ ਪਾਇਆ ਹੋਇਆ ਸੀ। ਜਦੋਂ ਮੈਂ ਅੰਦਰ ਜਾਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਨ੍ਹਾਂ ਨੇ ਜੈ ਸ਼੍ਰੀ ਰਾਮ ਦੇ ਨਾਹਰੇ ਲਗਾਉਣੇ ਸ਼ੁਰੂ ਕਰ ਦਿੱਤੇ। ਇਸ ਲਈ ਮੈਂ ਅੱਲ੍ਹਾ ਹੂ ਅਕਬਰ ਦੇ ਨਾਅਰੇ ਲਾਏ।

ਜਦੋਂ ਵਿਦਿਆਰਥਣ ਨੂੰ ਪੁੱਛਿਆ ਗਿਆ ਕਿ ਕੀ ਜੈ ਸ਼੍ਰੀ ਰਾਮ ਦੇ ਨਾਅਰੇ ਲਗਾਉਣ ਵਾਲੇ ਲੋਕ ਕਾਲਜ ਦੇ ਹੀ ਸਨ ਜਾਂ ਬਾਹਰਲੇ ਸਨ, ਤਾਂ ਉਸ ਨੇ ਕਿਹਾ, "10 ਪ੍ਰਤੀਸ਼ਤ ਲੋਕ ਕਾਲਜ ਦੇ ਸਨ ਤੇ ਬਾਕੀ ਬਾਹਰੋਂ ਸਨ।" ਕਾਲਜ ਦੇ ਪ੍ਰਿੰਸੀਪਲ ਤੇ ਹੋਰ ਪ੍ਰੋਫੈਸਰਾਂ ਨੇ ਮੇਰਾ ਸਾਥ ਦਿੱਤਾ ਤੇ ਮੈਨੂੰ ਬਚਾਇਆ।

ਜਦੋਂ ਉਸ ਨੂੰ ਪੁੱਛਿਆ ਗਿਆ ਕਿ ਕੀ ਉਹ ਕਾਲਜ ਵਿੱਚ ਹਮੇਸ਼ਾ ਬੁਰਕਾ ਪਾਉਂਦੀ ਹੈ, ਤਾਂ ਉਸ ਨੇ ਜਵਾਬ ਦਿੱਤਾ, "ਜਦੋਂ ਮੈਂ ਪੜ੍ਹਦੀ ਹਾਂ ਤਾਂ ਮੈਂ ਬੁਰਕਾ ਪਹਿਨਦੀ ਹਾਂ ਪਰ ਜਦੋਂ ਮੈਂ ਕਲਾਸ ਵਿੱਚ ਜਾਂਦੀ ਹਾਂ ਤੇ ਸਿਰਫ ਹਿਜਾਬ ਪਹਿਨਦੀ ਹਾਂ ਤਾਂ ਮੈਂ ਬੁਰਕਾ ਉਤਾਰ ਦਿੰਦੀ ਹਾਂ।"

ਕੀ ਹਿਜਾਬ ਵਰਦੀ ਦਾ ਹਿੱਸਾ ਹੈ ਜਾਂ ਇਸ ਦੀ ਹਮੇਸ਼ਾ ਤੋਂ ਇਜਾਜ਼ਤ ਸੀ? ਇਸ 'ਤੇ ਉਨ੍ਹਾਂ ਕਿਹਾ, 'ਪ੍ਰਿੰਸੀਪਲ ਦਾ ਇਸ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ। ਇਹ ਸਭ ਕੁਝ ਇਨ੍ਹਾਂ ਬਾਹਰਲੇ ਲੋਕਾਂ ਨੇ ਸ਼ੁਰੂ ਕੀਤਾ ਸੀ। ਪ੍ਰਿੰਸੀਪਲ ਨੇ ਵੀ ਸਾਡਾ ਮਾਰਗਦਰਸ਼ਨ ਕੀਤਾ।

ਜੇਕਰ ਉਸ ਨੂੰ ਹਿਜਾਬ ਪਹਿਨਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਂਦੀ ਤਾਂ ਕੀ ਉਹ ਉਸੇ ਕਾਲਜ ਵਿੱਚ ਆਪਣੀ ਪੜ੍ਹਾਈ ਜਾਰੀ ਰੱਖੇਗੀ ਜਾਂ ਫਿਰ ਵਿਰੋਧ ਜਾਰੀ ਰੱਖੇਗੀ? ਇਸ ਦੇ ਜਵਾਬ 'ਚ ਉਨ੍ਹਾਂ ਕਿਹਾ, 'ਅਸੀਂ ਧਰਨਾ ਜਾਰੀ ਰੱਖਾਂਗੇ। ਹਿਜਾਬ ਪਾਵਾਂਗੇ ਕਿਉਂਕਿ ਇਹ ਮੁਸਲਿਮ ਕੁੜੀਆਂ ਲਈ ਲਾਜ਼ਮੀ ਹੈ।

ਕੀ ਵਿਦਿਆਰਥਣ ਦੇ ਹਿੰਦੂ ਦੋਸਤਾਂ ਨੇ ਉਸ ਦਾ ਸਾਥ ਦਿੱਤਾ? ਇਸ 'ਤੇ ਵਿਦਿਆਰਥੀ ਨੇ ਕਿਹਾ, 'ਪ੍ਰਿੰਸੀਪਲ-ਪ੍ਰੋਫੈਸਰਾਂ ਨੇ ਸਾਡਾ ਸਾਥ ਦਿੱਤਾ। ਹਿੰਦੂ ਦੋਸਤਾਂ ਨੇ ਵੀ ਸਮਰਥਨ ਕੀਤਾ ਤੇ ਕਿਹਾ ਕਿ ਇਹ ਤੁਹਾਡਾ ਧਰਮ ਹੈ, ਸਾਡਾ ਧਰਮ ਸਾਡਾ ਹੈ। ਇਹ ਸਾਰੇ ਬਾਹਰਲੇ ਹਨ।

ਕੀ ਤੁਸੀਂ ਅਸੁਰੱਖਿਅਤ ਮਹਿਸੂਸ ਕਰ ਰਹੇ ਹੋ? ਇਸ 'ਤੇ ਉਸ ਨੇ ਨਾਂਹ 'ਚ ਜਵਾਬ ਦਿੰਦਿਆਂ ਕਿਹਾ, 'ਸਵੇਰੇ ਤੋਂ ਸ਼ਾਮ ਤੱਕ ਹਰ ਕੋਈ ਸਾਡੇ ਕੋਲ ਆ ਰਿਹਾ ਹੈ, ਪੁਲਿਸ ਵੀ, ਘਬਰਾਉਣ ਦੀ ਲੋੜ ਨਹੀਂ। ਅਸੀਂ ਤੁਹਾਡੇ ਨਾਲ ਹਾਂ।

ਤੁਹਾਡੀ ਪਹਿਲ ਤੁਹਾਡੀ ਸਿੱਖਿਆ ਹੈ ਤੇ ਤੁਹਾਨੂੰ ਇਸ ਤੋਂ ਦੂਰ ਕੀਤਾ ਜਾ ਰਿਹਾ ਹੈ? ਇਸ ਸਵਾਲ 'ਤੇ ਵਿਦਿਆਰਥੀ ਨੇ ਕਿਹਾ ਕਿ ਮੈਂ ਬੀਕਾਮ ਦੂਜੇ ਸਾਲ ਦਾ ਵਿਦਿਆਰਥਣ ਹਾਂ। ਸਾਡੀ ਤਰਜੀਹ ਸਿੱਖਿਆ ਹੈ। ਉਹ ਇੱਕ ਕੱਪੜੇ ਲਈ ਸਾਡੀ ਪੜ੍ਹਾਈ ਖਰਾਬ ਕਰ ਰਹੇ ਹਨ।


 


ਇਹ ਵੀ ਪੜ੍ਹੋ: YouTube ਵੀਡੀਓ ਵੇਖ ਕਰਵਾਉਣ ਲੱਗਾ ਪਤਨੀ ਦੀ ਡਿਲੀਵਰੀ, ਬੱਚੇ ਦੀ ਮੌਤ, ਪਤਨੀ ਗੰਭੀਰ


ਇਹ ਵੀ ਪੜ੍ਹੋ: ਮੌਤ ਦਾ ਖਤਰਾ 70 ਫੀਸਦੀ ਘਟਾਓ, ਰੋਜ਼ਾਨਾ ਕਰੋ ਸਿਰਫ ਇਹ ਕੰਮ, ਨਵੇਂ ਅਧਿਐਨ 'ਚ ਖ਼ੁਲਾਸਾ


ਇਹ ਵੀ ਪੜ੍ਹੋ: ਬਹੁਤੇ ਲੋਕ ਨਹੀਂ ਜਾਣਦੇ ਗੁੜ ਖਾਣ ਦੇ ਫਾਇਦੇ, ਸਿਹਤਮੰਦ ਦੇ ਨਾਲ ਹੀ ਖੂਬਸੂਰਤੀ ਵੀ ਵਧਾਉਂਦਾ


ਇਹ ਵੀ ਪੜ੍ਹੋ: ਸੰਤਰਾ, ਕੇਲਾ ਅਤੇ ਸੇਬ ਖਾਂਦੇ ਸਮੇਂ ਨਾ ਕਰੋ ਇਹ ਵੱਡੀ ਗਲਤੀ, ਜਾਣੋ ਇਨ੍ਹਾਂ ਨੂੰ ਖਾਣ ਦਾ ਸਹੀ ਤਰੀਕਾ