Narendra Modi Oath Ceremony: ਨਰਿੰਦਰ ਮੋਦੀ ਦੇ ਸਹੁੰ ਚੁੱਕ ਸਮਾਗਮ ਤੋਂ ਪਹਿਲਾਂ ਹੀ ਐਨਡੀਏ ਦੇ ਸਹਿਯੋਗੀ ਪਾਰਟੀਆਂ ਦੇ ਸੰਸਦ ਮੈਂਬਰਾਂ ਨੂੰ ਮੰਤਰੀ ਬਣਾਉਣ ਲਈ ਫੋਨ ਆਉਣੇ ਸ਼ੁਰੂ ਹੋ ਗਏ ਹਨ। ਟੀਡੀਪੀ, ਐਲਜੇਪੀ (ਆਰ) ਅਤੇ ਜੇਡੀਯੂ ਵਰਗੀਆਂ ਪਾਰਟੀਆਂ ਦੇ ਸੰਸਦ ਮੈਂਬਰਾਂ ਨੂੰ ਫੋਨ ਆਏ ਹਨ।
ਟੀਡੀਪੀ ਦੇ ਸੰਸਦ ਮੈਂਬਰ ਡਾਕਟਰ ਚੰਦਰਸ਼ੇਖਰ ਪੇਮਾਸਾਨੀ ਅਤੇ ਕਿੰਜਰਾਪੂ ਰਾਮ ਮੋਹਨ ਨਾਇਡੂ ਨੂੰ ਮੰਤਰੀ ਬਣਨ ਲਈ ਫੋਨ ਆਇਆ ਹੈ। ਇਸ ਤੋਂ ਇਲਾਵਾ ਜੇਡੀਯੂ ਦੇ ਰਾਜ ਸਭਾ ਮੈਂਬਰ ਰਾਮ ਨਾਥ ਠਾਕੁਰ ਨੂੰ ਵੀ ਮੰਤਰੀ ਅਹੁਦੇ ਲਈ ਫੋਨ ਆਇਆ ਹੈ। ਇਨ੍ਹਾਂ ਸਾਰੇ ਨੇਤਾਵਾਂ ਨੂੰ ਮੋਦੀ 3.0 ਕੈਬਨਿਟ 'ਚ ਸ਼ਾਮਲ ਕੀਤਾ ਜਾ ਸਕਦਾ ਹੈ। ਦਰਅਸਲ, ਨਵੀਂ ਸਰਕਾਰ ਵਿਚ ਮੰਤਰੀ ਮੰਡਲ ਵਿਚ ਐਨਡੀਏ ਦੇ ਵੱਖ-ਵੱਖ ਹਿੱਸਿਆਂ ਨੂੰ ਸ਼ਾਮਲ ਕਰਨ ਲਈ ਭਾਜਪਾ ਅਤੇ ਸਹਿਯੋਗੀ ਪਾਰਟੀਆਂ ਵਿਚਾਲੇ ਚਰਚਾ ਹੋਈ ਹੈ। ਅਮਿਤ ਸ਼ਾਹ ਅਤੇ ਰਾਜਨਾਥ ਸਿੰਘ ਤੋਂ ਇਲਾਵਾ ਭਾਜਪਾ ਪ੍ਰਧਾਨ ਜੇਪੀ ਨੱਡਾ ਨੇ ਟੀਡੀਪੀ ਮੁਖੀ ਚੰਦਰਬਾਬੂ ਨਾਇਡੂ, ਜੇਡੀਯੂ ਮੁਖੀ ਨਿਤੀਸ਼ ਕੁਮਾਰ ਅਤੇ ਸ਼ਿਵ ਸੈਨਾ ਦੇ ਏਕਨਾਥ ਸ਼ਿੰਦੇ ਵਰਗੇ ਨੇਤਾਵਾਂ ਨਾਲ ਮੰਤਰੀ ਮੰਡਲ ਵਿੱਚ ਹਿੱਸਾ ਲੈਣ ਦੀ ਗੱਲ ਕੀਤੀ ਹੈ।
ਇਸ ਤੋਂ ਬਾਅਦ ਹੀ ਨਾਮ ਫਾਈਨਲ ਕੀਤੇ ਗਏ ਹਨ ਅਤੇ ਹੁਣ ਫੋਨ ਆਉਣੇ ਸ਼ੁਰੂ ਹੋ ਗਏ ਹਨ। ਇਨ੍ਹਾਂ ਲੋਕਾਂ ਨੂੰ ਅੱਜ ਹੀ ਸਹੁੰ ਵੀ ਚੁਕਾਈ ਜਾ ਸਕਦੀ ਹੈ।
ਕਿਹੜੇ-ਕਿਹੜੇ ਨੇਤਾਵਾਂ ਨੂੰ ਆਏ ਫੋਨ?
ਡਾ.ਚੰਦਰਸ਼ੇਖਰ ਪੇੱਮਾਸਾਨੀ (ਟੀਡੀਪੀ)
ਕਿੰਜਰਾਪੂ ਰਾਮ ਮੋਹਨ ਨਾਇਡੂ (ਟੀਡੀਪੀ)
ਅਰਜੁਨ ਰਾਮ ਮੇਘਵਾਲ (ਭਾਜਪਾ)
ਸਰਬਾਨੰਦ ਸੋਨੋਵਾਲ (ਭਾਜਪਾ)
ਅਮਿਤ ਸ਼ਾਹ (ਭਾਜਪਾ)
ਕਮਲਜੀਤ ਸਹਿਰਾਵਤ (ਭਾਜਪਾ)
ਮਨੋਹਰ ਲਾਲ ਖੱਟਰ (ਭਾਜਪਾ)
ਨਿਤਿਨ ਗਡਕਰੀ (ਭਾਜਪਾ)
ਰਾਜਨਾਥ ਸਿੰਘ (ਭਾਜਪਾ)
ਪੀਯੂਸ਼ ਗੋਇਲ (ਭਾਜਪਾ)
ਜੋਤੀਰਾਦਿਤਿਆ ਸਿੰਧੀਆ (ਭਾਜਪਾ)
ਸ਼ਾਂਤਨੂ ਠਾਕੁਰ (ਭਾਜਪਾ)
ਪ੍ਰਤਾਪਰਾਓ ਜਾਧਵ (ਸ਼ਿਵ ਸੈਨਾ ਸ਼ਿੰਦੇ ਧੜਾ)
ਐਚਡੀ ਕੁਮਾਰਸਵਾਮੀ (ਜੇਡੀਐਸ)
ਚਿਰਾਗ ਪਾਸਵਾਨ (ਲੋਜਪਾ-ਆਰ)
ਜਯੰਤ ਚੌਧਰੀ (RLD)
ਅਨੁਪ੍ਰਿਆ ਪਟੇਲ (ਅਪਨਾ ਦਲ)
ਜੀਤਨ ਰਾਮ ਮਾਂਝੀ (HAM)
ਇਹ ਵੀ ਪੜ੍ਹੋ: Akhilesh Yadav: ਅਖਿਲੇਸ਼ ਯਾਦਵ 'ਕੇਂਦਰੀ ਰਾਜਨੀਤੀ' 'ਤੇ ਕਰਣਗੇ ਫੋਕਸ, ਚਾਚਾ ਸ਼ਿਵਪਾਲ ਯਾਦਵ ਨੂੰ ਮਿਲੇਗੀ ਵੱਡੀ ਜ਼ਿੰਮੇਵਾਰੀ
ਸਹੁੰ ਚੁੱਕਣ ਵਾਲੇ ਸੰਸਦ ਮੈਂਬਰਾਂ ਨੂੰ ਮਿਲਣਗੇ ਪੀਐਮ ਮੋਦੀ
ਨਰਿੰਦਰ ਮੋਦੀ ਸਵੇਰੇ 11.30 ਵਜੇ ਸਹੁੰ ਚੁੱਕਣ ਵਾਲੇ ਮੰਤਰੀਆਂ ਨੂੰ ਚਾਹ 'ਤੇ ਮਿਲਣ ਜਾ ਰਹੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਬੈਠਕ 'ਚ ਕਿਤੇ ਨਾ ਕਿਤੇ ਸਾਰੇ ਸੰਸਦ ਮੈਂਬਰਾਂ ਨੂੰ ਦੱਸਿਆ ਜਾਵੇਗਾ ਕਿ ਉਨ੍ਹਾਂ ਨੂੰ ਕਿਸ ਮੰਤਰਾਲਾ ਦੀ ਕਮਾਨ ਸੌਂਪੀ ਜਾਵੇਗੀ। ਇੱਥੇ ਗੌਰ ਕਰਨ ਵਾਲੀ ਗੱਲ ਇਹ ਹੈ ਕਿ ਤਾਮਿਲਨਾਡੂ ਦੇ ਭਾਜਪਾ ਪ੍ਰਧਾਨ ਅੰਨਾਮਾਲਾਈ ਨੂੰ ਵੀ ਚਾਹ 'ਤੇ ਚਰਚਾ ਲਈ ਬੁਲਾਇਆ ਗਿਆ ਹੈ।
ਅਜੇ ਇਹ ਸਪੱਸ਼ਟ ਨਹੀਂ ਹੈ ਕਿ ਅੰਨਾਮਾਲਾਈ ਨੂੰ ਮੰਤਰੀ ਬਣਾਇਆ ਜਾਵੇਗਾ ਜਾਂ ਨਹੀਂ, ਹਾਲੇ ਇਹ ਸਪਸ਼ੱਟ ਨਹੀਂ ਹੋਇਆ ਹੈ। ਉਨ੍ਹਾਂ ਨੂੰ ਕੋਇੰਬਟੂਰ ਸੀਟ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਦੇ ਨਾਲ ਹੀ ਨਰਿੰਦਰ ਮੋਦੀ ਦੀ ਤੀਜੀ ਕੈਬਨਿਟ 'ਚ ਇਸ ਵਾਰ ਸਹਿਯੋਗੀਆਂ ਦੀ ਭੂਮਿਕਾ ਵੀ ਅਹਿਮ ਹੋਣ ਵਾਲੀ ਹੈ। ਟੀਡੀਪੀ ਅਤੇ ਜੇਡੀਯੂ ਦੋ ਪਾਰਟੀਆਂ ਹਨ ਜੋ ਮੁੱਖ ਮੰਤਰਾਲਿਆਂ ਲਈ ਦਾਅਵਾ ਪੇਸ਼ ਕਰ ਰਹੀਆਂ ਹਨ। ਸਪੀਕਰ ਦੇ ਅਹੁਦੇ ਦੀ ਸਭ ਤੋਂ ਵੱਧ ਮੰਗ ਹੈ। ਹਾਲਾਂਕਿ ਜਲਦੀ ਹੀ ਮੰਤਰੀਆਂ ਬਾਰੇ ਤਸਵੀਰ ਸਪੱਸ਼ਟ ਹੋ ਜਾਵੇਗੀ।
ਭਾਜਪਾ ਦੇ ਖਾਤੇ ਵਿੱਚ ਕਿਹੜੇ-ਕਿਹੜੇ ਮੰਤਰਾਲੇ ਜਾ ਸਕਦੇ ਹਨ
ਸਮਾਚਾਰ ਏਜੰਸੀ ਪੀਟੀਆਈ ਮੁਤਾਬਕ ਗ੍ਰਹਿ, ਵਿੱਤ, ਰੱਖਿਆ ਅਤੇ ਵਿਦੇਸ਼ ਵਰਗੇ ਅਹਿਮ ਵਿਭਾਗ ਭਾਜਪਾ ਕੋਲ ਰਹਿਣ ਵਾਲੇ ਹਨ। ਇਸੇ ਤਰ੍ਹਾਂ ਸਿੱਖਿਆ ਅਤੇ ਸੱਭਿਆਚਾਰ ਵਰਗੇ ਮਜ਼ਬੂਤ ਵਿਚਾਰਧਾਰਕ ਪਹਿਲੂਆਂ ਵਾਲੇ ਦੋ ਮੰਤਰਾਲਿਆਂ ਦੀ ਕਮਾਨ ਵੀ ਭਾਜਪਾ ਦੇ ਸੰਸਦ ਮੈਂਬਰਾਂ ਕੋਲ ਜਾ ਸਕਦੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਸਹਿਯੋਗੀ ਪਾਰਟੀਆਂ ਨੂੰ ਪੰਜ ਤੋਂ ਅੱਠ ਕੈਬਨਿਟ ਅਹੁਦੇ ਮਿਲ ਸਕਦੇ ਹਨ। ਸ਼ਿਵਰਾਜ ਸਿੰਘ ਚੌਹਾਨ, ਬਸਵਰਾਜ ਬੋਮਈ, ਮਨੋਹਰ ਲਾਲ ਖੱਟਰ ਵਰਗੇ ਲੋਕ ਸਭਾ ਚੋਣਾਂ ਜਿੱਤਣ ਵਾਲੇ ਸਾਬਕਾ ਮੁੱਖ ਮੰਤਰੀ ਵੀ ਨਵੀਂ ਸਰਕਾਰ ਵਿੱਚ ਸ਼ਾਮਲ ਹੋ ਸਕਦੇ ਹਨ। ਉਸ ਨੇ ਅਜੇ ਤੱਕ ਕਾਲ ਰਿਸੀਵ ਨਹੀਂ ਕੀਤੀ ਹੈ।