Kangana Slap: Oscars 2022 ਦੀ ਘੋਸ਼ਣਾ ਦੇ ਦੌਰਾਨ ਜਦੋਂ ਵਿਲ ਸਮਿਥ ਸਟੇਜ 'ਤੇ ਆਇਆ ਅਤੇ ਮੇਜ਼ਬਾਨ ਕ੍ਰਿਸ ਰੌਕ ਨੂੰ ਥੱਪੜ ਮਾਰਿਆ, ਤਾਂ ਇਹ ਖਬਰ ਅੰਤਰਰਾਸ਼ਟਰੀ ਮੀਡੀਆ ਵਿੱਚ ਕਾਫ਼ੀ ਛਪੀ। ਕ੍ਰਿਸ ਉਸ ਸਮੇਂ ਵਿਲ ਦੀ ਪਤਨੀ ਦਾ ਮਜ਼ਾਕ ਉਡਾ ਰਹੇ ਸਨ ਜਿਸ ਵੇਲੇ ਉਨ੍ਹਾਂ ਦੇ ਥੱਪੜ ਵੱਜਿਆ। ਉਸ ਸਮੇਂ ਕੰਗਨਾ ਰਣੌਤ ਨੇ ਵਿਲ ਸਮਿਥ ਦੇ ਕ੍ਰਿਸ ਨੂੰ ਥੱਪੜ ਮਾਰਨ ਦਾ ਸਮਰਥਨ ਕੀਤਾ ਸੀ ਅਤੇ ਹੁਣ ਜਦੋਂ ਇੱਕ ਮਹਿਲਾ ਸੁਰੱਖਿਆ ਕਰਮਚਾਰੀ ਨੇ ਏਅਰਪੋਰਟ 'ਤੇ ਅਭਿਨੇਤਰੀ ਨੂੰ ਥੱਪੜ ਮਾਰਿਆ ਹੈ ਤਾਂ ਲੋਕ ਉਸ ਦੀ ਪੁਰਾਣੀ ਪੋਸਟ ਦਾ ਸਕ੍ਰੀਨਸ਼ੌਟ ਸ਼ੇਅਰ ਕਰ ਰਹੇ ਹਨ।
ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਮੰਡੀ ਲੋਕ ਸਭਾ ਸੀਟ ਤੋਂ ਸੰਸਦ ਮੈਂਬਰ ਚੁਣੀ ਗਈ ਕੰਗਨਾ ਰਣੌਤ ਨੂੰ ਇੱਕ ਮਹਿਲਾ CISF ਕਾਂਸਟੇਬਲ ਨੇ ਥੱਪੜ ਮਾਰ ਦਿੱਤਾ ਸੀ। ਜਦੋਂ ਉਸ ਤੋਂ ਇਸ ਦਾ ਕਾਰਨ ਪੁੱਛਿਆ ਗਿਆ ਤਾਂ ਸੁਰੱਖਿਆ ਕਰਮੀਆਂ ਨੇ ਦੱਸਿਆ ਕਿ ਉਸ ਦੀ ਮਾਂ ਉਸ ਸਮੇਂ ਕਿਸਾਨ ਅੰਦੋਲਨ ਵਿੱਚ ਬੈਠੀ ਸੀ ਜਦੋਂ ਕੰਗਨਾ ਨੇ ਬਿਆਨ ਦਿੱਤਾ ਕਿ ਇਹ ਸਾਰੀਆਂ ਔਰਤਾਂ ਹਨ ਜੋ 100 ਰੁਪਏ ਲੈ ਕੇ ਧਰਨੇ 'ਤੇ ਬੈਠਦੀਆਂ ਹਨ।
ਕੰਗਨਾ ਰਣੌਤ ਨੇ ਉਦੋਂ ਅਜਿਹੀ ਪੋਸਟ ਕੀਤੀ ਸੀ
ਜ਼ਿਕਰ ਕਰ ਦਈਏ ਕਿ ਕੰਗਨਾ ਰਣੌਤ ਨੇ ਆਸਕਰ 2022 ਦੌਰਾਨ ਉੱਥੇ ਵਾਪਰੀ ਘਟਨਾ ਦੀ ਤਸਵੀਰ ਪੋਸਟ ਕਰਦੇ ਹੋਏ ਕਿਹਾ ਸੀ ਕਿ ਜੇ ਉਹ ਵਿਲ ਦੀ ਥਾਂ 'ਤੇ ਹੁੰਦੀ ਤਾਂ ਉਹ ਵੀ ਅਜਿਹਾ ਹੀ ਕਰਦੀ। ਕੰਗਨਾ ਰਣੌਤ ਨੇ ਲਿਖਿਆ, "ਜੇਕਰ ਕੋਈ ਬੇਵਕੂਫ ਮੇਰੀ ਮਾਂ ਜਾਂ ਭੈਣ ਦੀ ਬੀਮਾਰੀ ਦਾ ਮਜ਼ਾਕ ਉਡਾਉਂਦਾ ਹੈ ਤਾਂ ਮੈਂ ਉਸ ਨੂੰ ਵੀ ਉਸੇ ਤਰ੍ਹਾਂ ਥੱਪੜ ਮਾਰਾਂਗੀ। ਬਿਲਕੁਲ ਸਹੀ।"
ਕੰਗਨਾ ਰਣੌਤ ਦੇ ਏਅਰਪੋਰਟ ਉੱਤੇ ਥੱਪੜ ਵੱਜਣ ਤੋਂ ਬਾਅਦ ਹੁਣ ਲੋਕਾਂ ਨੇ ਸੋਸ਼ਲ ਮੀਡੀਆ 'ਤੇ ਕੰਗਨਾ ਰਣੌਤ ਦੇ ਪੁਰਾਣੇ ਬਿਆਨ ਨੂੰ ਲੈ ਕੇ ਟ੍ਰੋਲ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਕਈ ਲੋਕਾਂ ਨੇ ਕੰਗਨਾ ਰਣੌਤ ਨੂੰ ਦੋਗਲੀ ਸੋਚ ਵਾਲੀ ਔਰਤ ਕਿਹਾ ਹੈ ਅਤੇ ਉਸ 'ਤੇ ਦੋਸ਼ ਲਗਾਇਆ ਹੈ ਕਿ ਜੇ ਵਿਲ ਸਮਿਥ ਵੱਲੋਂ ਥੱਪੜ ਮਾਰਨਾ ਸਹੀ ਸੀ ਤਾਂ CISF ਕਰਮਚਾਰੀ ਵੱਲੋਂ ਥੱਪੜ ਮਾਰਨਾ ਕਿਵੇਂ ਗ਼ਲਤ ਹੋ ਸਕਦਾ ਹੈ। ਕੰਗਨਾ ਰਣੌਤ ਦੀ ਟਿੱਪਣੀ 'ਤੇ ਇਕ ਸੋਸ਼ਲ ਮੀਡੀਆ ਯੂਜ਼ਰ ਨੇ ਲਿਖਿਆ, 'ਕੰਗਨਾ ਰਣੌਤ ਦੇ ਮੁਤਾਬਕ, ਵਿਲ ਸਮਿਥ ਆਪਣੀ ਪਤਨੀ ਦਾ ਮਜ਼ਾਕ ਉਡਾਉਣ 'ਤੇ ਕਿਸੇ ਨੂੰ ਥੱਪੜ ਮਾਰ ਸਕਦਾ ਹੈ, ਪਰ ਕੋਈ ਹੋਰ ਔਰਤ ਆਪਣੀ ਮਾਂ ਨੂੰ '100 ਰੁਪਏ ਲਈ ਬੈਠਣ ਵਾਲੀ' ਕਹਿਣ 'ਤੇ ਕਿਸੇ ਨੂੰ ਥੱਪੜ ਮਾਰ ਸਕਦੀ ਹੈ।