Rajasthan Floor Test LIVE Updates: ਸੀਟ ਤਬਦੀਲੀ 'ਤੇ ਸਚਿਨ ਪਾਇਲਟ ਦਾ ਬਿਆਨ, ਕਿਹਾ ਸਭ ਤੋਂ ਮਜ਼ਬੂਤ ਸਿਪਾਹੀ ਸਰਹੱਦ ‘ਤੇ ਤਾਇਨਾਤ ਕੀਤਾ ਜਾਂਦਾ

Rajasthan Government Floor Test Live Updates: ਰਾਜਸਥਾਨ ਅਸੈਂਬਲੀ ਦਾ ਸੈਸ਼ਨ ਸ਼ੁਰੂ ਹੋਣ ਤੋਂ ਪਹਿਲਾਂ ਸੀਐਮ ਅਸ਼ੇਕ ਗਹਿਲੋਤ ਨੇ ਟਵੀਟ ਕਰਕੇ ਲਿਖਿਆ ਸੀ ਕਿ 'ਸੱਤਯਮੇਵ ਜਯਤੇ' ਮਤਲਬ ਸੱਚਾਈ ਜਿੱਤੇਗੀ।

ਪਿਛੋਕੜ

ਪਿਛੋਕੜ: ਰਾਜਸਥਾਨ ਦੀ ਸਿਆਸੀ ਲੜਾਈ ਅੱਜ ਬੰਦ ਹੋਣ ਜਾ ਰਿਹਾ ਹੈ ਅਤੇ ਅੱਜ ਇਹ ਫੈਸਲਾ ਲਿਆ ਜਾਵੇਗਾ ਕਿ ਰਾਜਸਥਾਨ ਵਿੱਚ ਅਸ਼ੋਕ ਗਹਿਲੋਤ ਸਰਕਾਰ ਸੁਰੱਖਿਅਤ ਹੈ ਜਾਂ ਗਹਿਲੋਤ ਸਰਕਾਰ ਦੇ ਖ਼ਿਲਾਫ਼ ਕਿਸੇ ਕਿਸਮ ਦਾ ਖ਼ਤਰਾ ਹੈ।ਸਚਿਨ ਪਾਇਲਟ ਇੱਕ ਮਹੀਨੇ ਦੀ ਲੜਾਈ ਤੋਂ ਬਾਅਦ ਕਾਂਗਰਸ ਵਿਚ ਪਰਤੇ ਹਨ। ਇਹ ਸਾਫ ਹੈ ਕਿ ਇਸ ਦੇ ਨਾਲ ਹੁਣ ਕਾਂਗਰਸ ਦਾ ਖ਼ਤਰਾ ਟੱਲ ਗਿਆ ਹੈ। ਹਾਲਾਂਕਿ, ਭਾਜਪਾ ਨੇ ਕਿਹਾ ਕਿ ਉਹ ਵਿਧਾਨ ਸਭਾ ਸੈਸ਼ਨ ਦੌਰਾਨ ਕਾਂਗਰਸ ਦੇ ਖ਼ਿਲਾਫ਼ ਅਵਿਸ਼ਵਾਸ ਪ੍ਰਸਤਾਵ ਲਿਆਉਣ ਦੀ ਤਿਆਰੀ ਕਰ ਰਹੀ ਹੈ। ਗਹਿਲੋਤ ਸਰਕਾਰ ਕੋਲ ਬਹੁਮਤ ਨਹੀਂ ਹੈ।

14/08/2020 15:49:33

ਸਚਿਨ ਪਾਇਲਟ ਨੇ ਕਿਹਾ, “ਅੱਜ ਇਸ ਵਿਸ਼ਵਾਸ ਮਤ ਵਿੱਚ ਜੋ ਵਿਚਾਰਿਆ ਜਾ ਰਿਹਾ ਹੈ… ਇਸ ਵਿੱਚ ਬਹੁਤ ਸਾਰੀਆਂ ਗੱਲਾਂ ਬੋਲੀਆਂ ਗਈਆਂ, ਬਹੁਤ ਸਾਰੀਆਂ ਗੱਲਾਂ ਬੋਲੀਆਂ ਜਾਣਗੀਆਂ। ਸਮੇਂ ਦੇ ਨਾਲ-ਨਾਲ ਸਭ ਗੱਲਾਂ ਦਾ ਖੁਲਾਸਾ ਹੋ ਜਾਵੇਗਾ।" ਉਨ੍ਹਾਂ ਨੇ ਕਿਹਾ,"ਪਰ ਮੈਂ ਇਹ ਕਹਿਣਾ ਚਾਹੁੰਦਾ ਹਾਂ ਕਿ ਜੋ ਵੀ ਕਹਿਣਾ ਸੀ ਸੁਣਨਾ ਸੀ, ਭਾਵੇਂ ਮੈਂ ਹਾਂ ਜਾਂ ਮੇਰਾ ਸਹਿਭਾਗੀ ਹੈ... ਅਸੀਂ ਡਾਕਟਰ ਨੂੰ ਆਪਣਾ ਮਰਜ਼ ਦੱਸਣਾ ਸੀ, ਉਹ ਦੱਸ ਦਿੱਤਾ। ਇਲਾਜ ਤੋਂ ਬਾਅਦ ਅਸੀਂ ਇੱਕਠੇ ਹਾਂ, ਸਵਾ ਸੌ ਲੋਕ ਸਦਨ 'ਚ ਖੜ੍ਹੇ ਹਾਂ। ਜਦੋਂ ਅਸੀਂ ਸਾਰੇ ਸਦਨ ਆਏ ਹਾਂ ਤਾਂ ਕਹਿਣ ਸੁਣਨ ਤੋਂ ਹੱਟਕੇ ਸਾਨੂੰ ਅੱਜ ਹਕੀਕਤ 'ਤੇ ਧਿਆਨ ਕੇਂਦਰਤ ਕਰਨਾ ਪਏਗਾ।

14/08/2020 15:24:48

ਸਦਨ 'ਚ ਸਚਿਨ ਪਾਇਲਟ ਨੇ ਕਿਹਾ ਕਿ ਸਾਨੂੰ ਡਾਕਟਰ ਨੂੰ ਮਰਜ ਬਾਰੇ ਦੱਸਣਾ ਸੀ, ਇਲਾਜ ਕਰਵਾਉਣ ਤੋਂ ਬਾਅਦ ਅੱਜ ਅਸੀਂ ਸਾਰੇ ਇਕੱਠੇ ਹਾਂ। ਪਾਇਲਟ ਨੇ ਕਿਹਾ ਕਿ ਸਾਨੂੰ ਕਹਿਆਂ-ਸੁਣੀਆਂ ਗੱਲਾਂ ਨੂੰ ਦਰਕਿਨਾਰ ਕਰ ਹੁਣ ਸਤਹ 'ਤੇ ਧਿਆਨ ਕੇਂਦਰਿਤ ਕਰਨ ਦੀ ਲੋੜ ਹੈ।

14/08/2020 15:21:35

ਸਤੀਸ਼ ਪੂਨੀਆ ਨੇ ਵੀ ਸ਼ੇਰੋ-ਸ਼ਾਈਰੀ ਰਾਹੀਂ ਸਰਕਾਰ 'ਤੇ ਨਿਸ਼ਾਨਾ ਸਾਧਿਆ। ਪੂਨੀਆ ਨੇ ਕਿਹਾ ਕਿ ਮਨ ਕੀ ਬਾਤੇਂ ਕਹਾਂ ਨਿਕਾਲੇ, ਜ਼ਰੀਆ ਨਹੀਂ ਮਿਲਤਾ, ਕਿਸੀ ਸੇ ਨਜ਼ਰ ਨਹੀਂ ਮਿਲਤੀ, ਕਿਸੀ ਸੇ ਨਜ਼ਰਿਆ ਨਹੀਂ ਮਿਲਤਾ। ਪੂਨੀਆ ਨੇ ਕਿਹਾ ਕਿ ਅਜਿਹੀ ਸਰਕਾਰ ਦਾ ਕੋਈ ਕੀ ਕਰੇ।

14/08/2020 15:18:22

ਰਾਜੇਂਦਰ ਰਾਠੌਰ ਨੇ ਸਦਨ ਵਿੱਚ ਕਿਹਾ, “ਤੁਸੀਂ ਇਧਰ ਉਧਰ ਦੀਆਂ ਗੱਲਾਂ ਨਾ ਕਰੋ ਅਤੇ ਇਹ ਦੱਸੋ ਕਿ ਕਾਫਲਾ ਕਿੱਥੇ ਲੁੱਟਿਆ ਗਿਆ ਸੀ। ਪੂਰੀ ਸਰਕਾਰ 35 ਦਿਨਾਂ ਲਈ ਘੇਰੇ 'ਚ ਬੰਦ ਸੀ। ਕਾਂਗਰਸ ਦੇ ਨੇਤਾਵਾਂ ਵਿਚ ਇੱਕ ਦੂਜੇ 'ਤੇ ਸ਼ੱਕ ਹੈ। ਕੁਝ ਟੁੱਟੇ ਦਿਲ ਕੱਲ੍ਹ ਮਿਲੇ ਹਨ। ਤੂਫਾਨ ਤੋਂ ਪਹਿਲਾਂ ਸ਼ਾਂਤੀ ਰਾਜਸਥਾਨ ਨੂੰ ਕਿੱਥੇ ਲੈ ਜਾਏਗੀ।” ਸਚਿਨ ਪਾਇਲਟ ਨੇ ਰਾਜਿੰਦਰ ਰਾਠੌਰ ਨੂੰ ਇਸ ਮਾਮਲੇ 'ਚ ਵਿਚਾਲੇ ਹੀ ਰੋਕ ਦਿੱਤਾ।

14/08/2020 15:15:33

ਸਚਿਨ ਪਾਇਲਟ ਨੇ ਸਦਨ ਵਿੱਚ ਭਾਜਪਾ ਦੇ ਉਪ ਨੇਤਾ ਰਾਜੇਂਦਰ ਰਾਠੌਰ ਨੂੰ ਰੋਕਦਿਆਂ ਕਿਹਾ, ‘ਬੇਸ਼ੱਕ ਇਸ ਸਰਹੱਦ ‘ਤੇ ਕਿੰਨੀ ਵੀ ਫਾਇਰਿੰਗ ਹੋਏ, ਮੈਂ ਹਥਿਆਰਾਂ ਅਤੇ ਬਰਛੀਆਂ ਨਾਲ ਸਰਕਾਰ ਨੂੰ ਬਚਾਉਣ ਲਈ ਖੜਾ ਹਾਂ। ਮੈਨੂੰ ਬਾਹਰੀ ਹਿੱਸੇ 'ਤੇ ਰੱਖਿਆ ਗਿਆ ਹੈ, ਸਭ ਤੋਂ ਤਾਕਤਵਰ ਯੋਧਾ ਬਾਹਰੀ ਇਲਾਕੇ' ਤੇ ਭੇਜਿਆ ਜਾਂਦਾ ਹੈ।"

14/08/2020 14:45:17

ਦੱਸ ਦਈਏ ਕਿ ਸੂਬੇ ਦੀ ਰਾਜਧਾਨੀ ਜੈਪੁਰ ਵਿੱਚ ਸਵੇਰੇ ਤੋਂ ਲਗਾਤਾਰ ਪੈ ਰਹੀ ਬਾਰਸ਼ ਕਾਰਨ ਸ਼ਹਿਰ ਦੀਆਂ ਗਲੀਆਂ ਵਿੱਚ ਹੜ੍ਹ ਆ ਗਿਆ ਅਤੇ ਸ਼ਹਿਰ ਦੇ ਬਹੁਤੇ ਹਿੱਸਿਆਂ ਵਿੱਚ ਟ੍ਰੈਫਿਕ ਪ੍ਰਭਾਵਿਤ ਹੋਇਆ। ਰਾਜ ਦੀ 200 ਮੈਂਬਰੀ ਵਿਧਾਨ ਸਭਾ ਵਿੱਚ ਕਾਂਗਰਸ ਦੇ 107 ਵਿਧਾਇਕ ਹਨ ਜਦੋਂਕਿ ਭਾਜਪਾ ਦੇ 72 ਵਿਧਾਇਕ ਹਨ।

14/08/2020 14:44:18

ਕੋਰੋਨਾ ਮਹਾਮਾਰੀ ਦੇ ਮੱਦੇਨਜ਼ਰ ਵਿਧਾਨ ਸਭਾ ਵਿੱਚ ਸਮਾਜਿਕ ਦੂਰੀ ਬਣਾਈ ਰੱਖਣ ਲਈ ਖਾਸ ਬੈਠਣ ਦੇ ਪ੍ਰਬੰਧ ਕੀਤੇ ਗਏ ਹਨ। ਪਿਛਲੇ ਮਹੀਨੇ ਅਸ਼ੋਕ ਗਹਿਲੋਤ ਕੈਬਨਿਟ ਤੋਂ ਬਰਖਾਸਤ ਕੀਤੇ ਗਏ ਸਚਿਨ ਪਾਇਲਟ, ਵਿਸ਼ਵੇਂਦਰ ਸਿੰਘ ਦੇ ਬੈਠਣ ਦੀ ਵਿਵਸਥਾ ਵਿੱਚ ਵੀ ਬਦਲਾਅ ਕੀਤੇ ਗਏ ਹਨ।

14/08/2020 14:43:22

ਰਾਜਸਥਾਨ ਦੀ ਅਸ਼ੇਕ ਗਹਿਲੋਤ ਸਰਕਾਰ ਨੇ ਸ਼ੁੱਕਰਵਾਰ ਨੂੰ ਸੂਬੇ ਦੀ ਵਿਧਾਨ ਸਭਾ ਵਿਚ ਵਿਸ਼ਵਾਸ ਵੋਟ ਪ੍ਰਸਤਾਵ ਪੇਸ਼ ਕੀਤਾ। ਪ੍ਰਸਤਾਵ 'ਤੇ ਬਹਿਸ ਸ਼ੁਰੂ ਕਰਦਿਆਂ ਸ਼ਾਂਤੀ ਧਾਰੀਵਾਲ ਨੇ ਪ੍ਰਸਤਾਅ ਪੇਸ਼ ਕੀਤਾ। ਪ੍ਰਸਤਾਵ 'ਤੇ ਬਹਿਸ ਸ਼ੁਰੂ ਕਰਦੇ ਹੋਏ ਧਾਰੀਵਾਲ ਨੇ ਕਿਹਾ ਕਿ ਕੇਂਦਰ ਸਰਕਾਰ ਦੇ ਇਸ਼ਾਰੇ 'ਤੇ ਮੱਧ ਪ੍ਰਦੇਸ਼ ਅਤੇ ਗੋਆ ਵਿਚ ਚੁਣੀ ਸਰਕਾਰਾਂ ਢਾਹੁਣ ਦੀ ਕੋਸ਼ਿਸ਼ ਰਾਜਸਥਾਨ 'ਚ ਕਾਮਯਾਬ ਨਹੀਂ ਹੋਈ। ਇਸ ਪ੍ਰਸਤਾਵ 'ਤੇ ਸਦਨ 'ਚ ਬਹਿਸ ਹੋ ਰਹੀ ਹੈ।

14/08/2020 14:38:49

ਕਾਂਗਰਸ ਨੇਤਾ ਮਹੇਸ਼ ਜੋਸ਼ੀ ਨੇ ਅੱਜ ਆਪਣੇ ਸਾਰੇ ਵਿਧਾਇਕਾਂ ਨੂੰ ਇੱਕ ਵ੍ਹੀਪ ਜਾਰੀ ਕੀਤੀ ਹੈ। ਇਸ ਵ੍ਹੀਪ ਵਿਚ ਪਾਰਟੀ ਨੇ ਸਾਰੇ ਵਿਧਾਇਕਾਂ ਨੂੰ ਵਿਧਾਨ ਸਭਾ ਵਿਚ ਹਾਜ਼ਰ ਹੋਣ ਲਈ ਕਿਹਾ ਹੈ।

14/08/2020 14:37:43

ਦੱਸ ਦਈਏ ਕਿ ਰਾਜਸਥਾਨ ਵਿਧਾਨ ਸਭਾ ਦਾ ਇਜਲਾਸ ਇੱਕ ਮਹੀਨੇ ਦੀ ਸਿਆਸੀ ਜੰਗ ਤੋਂ ਬਾਅਦ ਅੱਜ ਤੋਂ ਸ਼ੁਰੂ ਹੋਈ ਹੈ। ਉਧਰ ਭਾਜਪਾ ਨੇ ਅਸੈਂਬਲੀ ਵਿੱਚ ਗਹਿਲੋਤ ਸਰਕਾਰ ਖ਼ਿਲਾਫ਼ ਵਿਸ਼ਵਾਸ ਪ੍ਰਸਤਾਵ ਨਾ ਲਿਆਉਣ ਦਾ ਫੈਸਲਾ ਕੀਤਾ ਹੈ।

14/08/2020 14:36:26

ਰਾਜਸਥਾਨ ਵਿਧਾਨ ਸਭਾ ਵਿੱਚ ਸਾਬਕਾ ਡਿਪਟੀ ਸੀਐਮ ਸਚਿਨ ਪਾਇਲਟ ਨੇ ਕਿਹਾ ਕਿ ਅੱਜ ਮੈਂ ਸਦਨ ਵਿੱਚ ਆਇਆ ਅਤੇ ਵੇਖਿਆ ਕਿ ਮੇਰੀ ਸੀਟ ਪਿੱਛੇ ਸੀ। ਮੈਂ ਆਖਰੀ ਲਾਈਨ ਵਿਚ ਬੈਠਾ ਹਾਂ ਮੈਂ ਰਾਜਸਥਾਨ ਤੋਂ ਆਇਆ ਹਾਂ, ਜੋ ਪਾਕਿਸਤਾਨ ਦੀ ਸਰਹੱਦ 'ਤੇ ਹੈ। ਸਰਬੋਤਮ ਸਿਪਾਹੀ ਸਰਹੱਦ 'ਤੇ ਤਾਇਨਾਤ ਕੀਤਾ ਜਾਂਦਾ ਹੈ। ਜਦੋਂ ਤਕ ਮੈਂ ਇੱਥੇ ਬੈਠਾ ਹਾਂ, ਸਰਕਾਰ ਸੁਰੱਖਿਅਤ ਹੈ।