Cement Factory Accident: ਤੇਲੰਗਾਨਾ 'ਚ ਸਥਿਤ ਸੀਮੈਂਟ ਫੈਕਟਰੀ (Cement Factory Accident) 'ਚ ਮੰਗਲਵਾਰ (25 ਜੁਲਾਈ) ਨੂੰ ਵੱਡਾ ਹਾਦਸਾ ਵਾਪਰ ਗਿਆ। ਸੂਰਯਾਪੇਟ ਜ਼ਿਲ੍ਹੇ ਦੇ ਮੇਲਾ ਚੇਰੂਵੂ ਪਿੰਡ 'ਚ ਸੀਮੈਂਟ ਫੈਕਟਰੀ 'ਚ ਹੋਏ ਹਾਦਸੇ 'ਚ ਕਈ ਲੋਕਾਂ ਦੇ ਫਸੇ ਹੋਣ ਦਾ ਖਦਸ਼ਾ ਹੈ। ਇਸ ਦੇ ਨਾਲ ਹੀ ਕੁਝ ਮਜ਼ਦੂਰ ਜ਼ਖ਼ਮੀ ਵੀ ਹੋਏ ਹਨ।
ਸੀਮੈਂਟ ਦੇ ਬਲਾਕ ਲੈ ਕੇ ਜਾ ਰਹੀ ਲਿਫਟ ਡਿੱਗਣ ਕਾਰਨ ਵਾਪਰਿਆ ਹਾਦਸਾ
ਸ਼ੁਰੂਆਤੀ ਜਾਣਕਾਰੀ 'ਚ ਦੱਸਿਆ ਗਿਆ ਕਿ ਸੂਰਯਾਪੇਟ ਜ਼ਿਲ੍ਹੇ 'ਚ ਫੈਕਟਰੀ 'ਚ ਸੀਮੈਂਟ ਦੇ ਬਲਾਕ ਲੈ ਕੇ ਜਾ ਰਹੀ ਲਿਫਟ ਡਿੱਗਣ ਕਾਰਨ ਹਾਦਸਾ ਵਾਪਰਿਆ।
ਕੰਕਰੀਟ ਦਾ ਮਿਸ਼ਰਣ ਮਜ਼ਦੂਰਾਂ 'ਤੇ ਡਿੱਗ ਗਿਆ
ਟਾਈਮਸ ਆਫ਼ ਇੰਡੀਆ ਨੇ ਕੋਡਾਦ ਪੁਲਿਸ ਦੇ ਹਵਾਲੇ ਨਾਲ ਦੱਸਿਆ ਕਿ ਇੱਕ ਇਮਾਰਤ ਵਿੱਚ ਪੰਜ ਮੰਜ਼ਿਲਾਂ ਬਣਾਈਆਂ ਗਈਆਂ ਹਨ। ਛੇਵੀਂ ਮੰਜ਼ਿਲ 'ਤੇ ਸਲੈਬ ਦਾ ਕੰਮ ਚੱਲ ਰਿਹਾ ਹੈ। ਅਜਿਹੇ 'ਚ ਛੇਵੀਂ ਮੰਜ਼ਿਲ 'ਤੇ ਕੰਕਰੀਟ ਦਾ ਮਿਸ਼ਰਣ ਲਿਜਾਇਆ ਜਾ ਰਿਹਾ ਸੀ ਪਰ ਕਿਸੇ ਖਰਾਬੀ ਕਾਰਨ ਇਹ ਚੌਥੀ ਮੰਜ਼ਿਲ 'ਤੇ ਹੀ ਫਸ ਗਿਆ। ਇਸ ਦੌਰਾਨ ਮਜ਼ਦੂਰਾਂ ਨੇ ਇਸ ਦੀ ਮੁਰੰਮਤ ਕਰਨੀ ਸ਼ੁਰੂ ਕਰ ਦਿੱਤੀ ਪਰ ਇਹ ਮਿਸ਼ਰਣ ਹੇਠਾਂ ਖੜ੍ਹੇ ਮਜ਼ਦੂਰਾਂ 'ਤੇ ਜਾ ਡਿੱਗਿਆ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।