Chandrayaan 3 Vikram Lander: ਚੰਦਰਯਾਨ-3 ਮਿਸ਼ਨ ਦਾ ਵਿਕਰਮ ਲੈਂਡਰ ਅਤੇ ਪ੍ਰਗਿਆਨ ਰੋਵਰ ਸਲੀਪ ਮੋਡ ਤੋਂ ਬਾਹਰ ਆਉਣ ਵਾਲੇ ਹਨ। 16 ਦਿਨਾਂ ਤੱਕ ਸਲੀਪ ਮੋਡ ਵਿੱਚ ਰਹਿਣ ਤੋਂ ਬਾਅਦ, ਲੈਂਡਰ ਅਤੇ ਰੋਵਰ ਸ਼ੁੱਕਰਵਾਰ ਨੂੰ ਇਸਰੋ ਦੁਆਰਾ ਕਿਰਿਆਸ਼ੀਲ ਹੋ ਜਾਣਗੇ।
ਇਸਰੋ (ਐਸਏਸੀ) ਦੇ ਨਿਰਦੇਸ਼ਕ ਨੀਲੇਸ਼ ਦੇਸਾਈ ਨੇ ਸਮਾਚਾਰ ਏਜੰਸੀ ਪੀਟੀਆਈ ਨੂੰ ਦੱਸਿਆ ਕਿ ਅਸੀਂ 22 ਸਤੰਬਰ ਨੂੰ ਲੈਂਡਰ ਅਤੇ ਰੋਵਰ ਦੋਵਾਂ ਨੂੰ ਸਰਗਰਮ ਕਰਨ ਦੀ ਕੋਸ਼ਿਸ਼ ਕਰਾਂਗੇ ਅਤੇ ਜੇ ਅਸੀਂ ਖੁਸ਼ਕਿਸਮਤ ਰਹੇ ਤਾਂ ਅਜਿਹਾ ਹੋਵੇਗਾ। ਅਸੀਂ ਕੁਝ ਹੋਰ ਪ੍ਰਯੋਗਾਤਮਕ ਡੇਟਾ ਪ੍ਰਾਪਤ ਕਰਾਂਗੇ ਜੋ ਚੰਦਰਮਾ ਦੀ ਸਤਹ ਦੀ ਹੋਰ ਜਾਂਚ ਵਿੱਚ ਲਾਭਦਾਇਕ ਹੋਵੇਗਾ।
ਕੇਂਦਰੀ ਮੰਤਰੀ ਨੇ ਲੋਕ ਸਭਾ ਵਿੱਚ ਦਿੱਤੀ ਜਾਣਕਾਰੀ
ਚੰਦਰਯਾਨ-3 ਮਿਸ਼ਨ ਨੂੰ ਲੈ ਕੇ ਕੇਂਦਰੀ ਮੰਤਰੀ ਜਤਿੰਦਰ ਸਿੰਘ ਨੇ ਵੀਰਵਾਰ ਨੂੰ ਲੋਕ ਸਭਾ 'ਚ ਕਿਹਾ, ਦੇਸ਼ ਹੁਣ ਪ੍ਰਗਿਆਨ ਅਤੇ ਵਿਕਰਮ ਦੇ ਕੁਝ ਘੰਟਿਆਂ 'ਚ ਨੀਂਦ 'ਚੋਂ ਜਾਗਣ ਦਾ ਇੰਤਜ਼ਾਰ ਕਰ ਰਿਹਾ ਹੈ, ਅਜਿਹਾ ਹੋਣ 'ਤੇ ਭਾਰਤ ਦੁਨੀਆ ਦਾ ਪਹਿਲਾ ਦੇਸ਼ ਬਣ ਜਾਵੇਗਾ।
"ਅਸੀਂ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਾਂ ਸੂਰਜ ਚੜ੍ਹਨ ਦੀ"
ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਚੰਦਰਮਾ 'ਤੇ 14 ਦਿਨਾਂ ਦੀ ਰਾਤ ਖ਼ਤਮ ਹੋਣ ਵਾਲੀ ਹੈ ਤੇ ਅਸੀਂ ਉੱਥੇ ਸੂਰਜ ਚੜ੍ਹਨ ਤੇ ਇਸ ਦੇ ਨਾਲ ਵਿਕਰਮ ਅਤੇ ਪ੍ਰਗਿਆਨ ਦੇ ਸਰਗਰਮ ਹੋਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਾਂ। ਲੈਂਡਰ ਅਤੇ ਰੋਵਰ ਦੋਵਾਂ ਨੂੰ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਕ੍ਰਮਵਾਰ 4 ਅਤੇ 2 ਸਤੰਬਰ ਨੂੰ ਸਲੀਪ ਮੋਡ ਵਿੱਚ ਚੱਲੇ ਗਏ ਸੀ।
ਸੋਲਰ ਪੈਨਲ ਦੇ ਸੂਰਜ ਦੀ ਰੌਸ਼ਨੀ ਨਾਲ ਚਾਰਜ ਹੋਣ ਦੀ ਹੈ ਉਮੀਦ
ਚੰਦਰ ਦੱਖਣੀ ਧਰੁਵੀ ਖੇਤਰ, ਜਿੱਥੇ ਲੈਂਡਰ ਅਤੇ ਰੋਵਰ ਦੋਵੇਂ ਸਥਿਤ ਹਨ, ਸੂਰਜ ਦੀ ਰੌਸ਼ਨੀ ਵਾਪਸ ਆਉਣ ਅਤੇ ਉਨ੍ਹਾਂ ਦੇ ਸੂਰਜੀ ਪੈਨਲਾਂ ਦੇ ਜਲਦੀ ਚਾਰਜ ਹੋਣ ਦੀ ਉਮੀਦ ਹੈ। ਇਸਰੋ ਹੁਣ ਉਸ ਨਾਲ ਦੁਬਾਰਾ ਸੰਪਰਕ ਸਥਾਪਿਤ ਕਰਨ ਅਤੇ ਉਸ ਦੀ ਸਿਹਤ ਦੀ ਜਾਂਚ ਕਰਨ ਲਈ ਤਿਆਰ ਹੈ।
ਨੀਲੇਸ਼ ਦੇਸਾਈ ਨੇ ਦੱਸਿਆ ਕਿ ਅਸੀਂ ਲੈਂਡਰ ਅਤੇ ਰੋਵਰ ਦੋਵਾਂ ਨੂੰ ਸਲੀਪ ਮੋਡ 'ਤੇ ਰੱਖਿਆ ਸੀ ਕਿਉਂਕਿ ਤਾਪਮਾਨ ਮਾਈਨਸ 120-200 ਡਿਗਰੀ ਸੈਲਸੀਅਸ ਤੱਕ ਹੇਠਾਂ ਜਾਣ ਦੀ ਉਮੀਦ ਸੀ। ਚੰਦਰਮਾ 'ਤੇ ਸੂਰਜ ਚੜ੍ਹਨ ਦੇ ਨਾਲ, ਅਸੀਂ ਉਮੀਦ ਕਰਦੇ ਹਾਂ ਕਿ 22 ਸਤੰਬਰ ਤੱਕ ਸੂਰਜੀ ਪੈਨਲ ਅਤੇ ਹੋਰ ਚੀਜ਼ਾਂ ਪੂਰੀ ਤਰ੍ਹਾਂ ਚਾਰਜ ਹੋ ਜਾਣਗੀਆਂ। ਇਸ ਲਈ ਅਸੀਂ ਲੈਂਡਰ ਅਤੇ ਰੋਵਰ ਦੋਵਾਂ ਨੂੰ ਐਕਟੀਵੇਟ ਕਰਨ ਦੀ ਕੋਸ਼ਿਸ਼ ਕਰਾਂਗੇ।