ਨਿਊਜ਼ ਏਜੰਸੀ ਏਐਨਆਈ ਨੇ ਮਹਾਰਾਸ਼ਟਰ ਦੇ ਭੰਡਾਰਾ ਦੇ ਸਿਵਲ ਸਰਜਨ ਪ੍ਰਮੋਦ ਖੰਡੇ ਦੇ ਹਵਾਲੇ ਨਾਲ ਦੱਸਿਆ ਗਿਆ, "ਅੱਜ ਸਵੇਰੇ 2 ਵਜੇ ਭੰਡਾਰਾ ਜ਼ਿਲ੍ਹਾ ਜਨਰਲ ਹਸਪਤਾਲ ਦੀ ਸਿਕ ਨਿਊਬੋਰਨ ਕੇਅਰ ਯੂਨਿਟ (ਐਸ ਐਨ ਸੀ ਯੂ) ਵਿੱਚ ਲੱਗੀ ਅੱਗ ਨਾਲ ਦਸ ਬੱਚਿਆਂ ਦੀ ਮੌਤ ਹੋ ਗਈ। ਸੱਤ ਬੱਚਿਆਂ ਨੂੰ ਯੂਨਿਟ ਤੋਂ ਬਚਾਇਆ ਗਿਆ।"
ਪੀਐਮ ਮੋਦੀ ਨੇ ਟਵਿੱਟਰ ਕਿਹਾ, "ਮਹਾਰਾਸ਼ਟਰ ਦੇ ਭੰਡਾਰਾ' ਚ ਦਿਲ ਦਹਿਲਾਉਣ ਵਾਲਾ ਦੁਖਾਂਤ, ਜਿਥੇ ਅਸੀਂ ਕੀਮਤੀ ਜਾਨਾਂ ਗੁਆਈਆਂ।ਸਾਰੇ ਦੁਖੀ ਪਰਿਵਾਰਾਂ ਨਾਲ ਸੋਗ।ਮੈਨੂੰ ਉਮੀਦ ਹੈ ਕਿ ਜ਼ਖਮੀ ਜਲਦੀ ਤੋਂ ਜਲਦੀ ਠੀਕ ਹੋ ਜਾਣਗੇ।"
ਮਹਾਰਾਸ਼ਟਰ ਸਰਕਾਰ ਨੇ 5 ਲੱਖ ਐਕਸ ਗਰੇਸ਼ੀਆ ਦਾ ਐਲਾਨ ਕੀਤਾ
ਰਾਜੇਸ਼ ਟੋਪ, ਸਿਹਤ ਮੰਤਰੀ, ਮਹਾਰਾਸ਼ਟਰ ਨੇ ਜ਼ਿਲ੍ਹਾ ਭੰਡਾਰਾ ਜਨਰਲ ਹਸਪਤਾਲ ਵਿਚ ਅੱਗ ਲੱਗਣ ਦੀ ਘਟਨਾ ਵਿਚ ਮ੍ਰਿਤਕਾਂ ਦੇ ਵਾਰਸਾਂ ਨੂੰ 5-5 ਲੱਖ ਰੁਪਏ ਦੀ ਸਹਾਇਤਾ ਰਾਸ਼ੀ ਦਿੱਤੇ ਜਾਣ ਦਾ ਐਲਾਨ ਕੀਤਾ ਹੈ।