Uttarakhand News : ਕੀ ਉੱਤਰਾਖੰਡ ਦੇ ਸਾਬਕਾ ਮੁੱਖ ਮੰਤਰੀ ਹਰੀਸ਼ ਰਾਵਤ (Harish Rawat) ਨੇ ਕਾਂਗਰਸ (Congress) ਛੱਡਣ ਦਾ ਮਨ ਬਣਾ ਲਿਆ ਹੈ? ਕੀ ਉਨ੍ਹਾਂ ਨੂੰ ਹੁਣ ਕਾਂਗਰਸ ਵਿਚ ਕੋਈ ਭਵਿੱਖ ਨਜ਼ਰ ਆਉਂਦਾ ਹੈ? ਉਨ੍ਹਾਂ ਦੀ ਫੇਸਬੁੱਕ ਪੋਸਟ ਇਸ ਦਿਸ਼ਾ ਵੱਲ ਇਸ਼ਾਰਾ ਕਰਦੀ ਨਜ਼ਰ ਆ ਰਹੀ ਹੈ। ਜੇਕਰ ਅਜਿਹਾ ਕੁਝ ਹੁੰਦਾ ਹੈ ਤਾਂ ਉੱਤਰਾਖੰਡ ਵਿੱਚ ਕਾਂਗਰਸ ਲਈ ਇਹ ਵੱਡਾ ਝਟਕਾ ਹੋਵੇਗਾ। ਹਰੀਸ਼ ਰਾਵਤ ਨੇ ਆਪਣੀ ਸੋਸ਼ਲ ਮੀਡੀਆ ਪੋਸਟ 'ਚ ਕਾਂਗਰਸ ਛੱਡਣ ਦਾ ਸੰਕੇਤ ਦਿੱਤਾ ਹੈ।
ਫੇਸਬੁੱਕ ਪੋਸਟ 'ਚ ਕੀ ਲਿਖਿਆ ?
ਹਰੀਸ਼ ਰਾਵਤ ਨੇ ਫੇਸਬੁੱਕ 'ਤੇ ਲਿਖਿਆ, "ਉਤਰਾਖੰਡ ਕਾਂਗਰਸ ਹੁਣ ਆਪਣੇ ਆਪ ਨੂੰ ਬਦਲਦੀ ਨਜ਼ਰ ਨਹੀਂ ਆ ਰਹੀ ਹੈ! ਵਿਅਕਤੀ ਨੂੰ ਆਪਣੇ ਆਪ ਨੂੰ ਬਦਲਣਾ ਚਾਹੀਦਾ ਹੈ। ਮੈਂ ਇਸ ਨਿਰਣਾਇਕ ਸੋਚ ਨੂੰ ਅੱਗੇ ਵਧਾਉਣ ਲਈ ਭਗਵਾਨ ਬਦਰੀਨਾਥ ਕੋਲ ਆਸ਼ੀਰਵਾਦ ਲੈਣ ਗਿਆ ਸੀ। ਪਰਮਾਤਮਾ ਦੇ ਦਰਬਾਰ ਵਿੱਚ ਮੇਰੇ ਮਨ ਨੇ ਮੈਨੂੰ ਸਾਫ਼-ਸਾਫ਼ ਕਿਹਾ ਹੈ ਕਿ ਹਰੀਸ਼, ਤੁਸੀਂ ਉੱਤਰਾਖੰਡ ਪ੍ਰਤੀ ਆਪਣਾ ਕਰਤੱਵ ਪੂਰਾ ਕਰ ਚੁੱਕੇ ਹੋ। ਉੱਤਰਾਖੰਡ ਦੇ ਏਜੰਡੇ ਨੂੰ ਅਪਣਾਉਣ ਜਾਂ ਨਾ ਅਪਣਾਉਣ ਦਾ ਸਵਾਲ ਉੱਤਰਾਖੰਡ ਦੇ ਲੋਕਾਂ ਅਤੇ ਕਾਂਗਰਸ ਪਾਰਟੀ 'ਤੇ ਛੱਡ ਦਿਓ! ਸਰਗਰਮੀ ਅਕਸਰ ਈਰਖਾ ਅਤੇ ਬੇਲੋੜੀ ਦੁਸ਼ਮਣੀ ਪੈਦਾ ਕਰਦੀ ਹੈ। ਮੇਰਾ ਮਨ ਕਹਿ ਰਿਹਾ ਹੈ ਕਿ ਜਿਨ੍ਹਾਂ ਦੇ ਹੱਥ ਬੰਗਡੋਰ ਹੈ ,ਉਨ੍ਹਾਂ ਨੂੰ ਰਸਤਾ ਬਣਾਉਣ ਦਿਓ ।
ਭਾਰਤ ਜੋੜੋ ਯਾਤਰਾ ਦਾ ਕੀਤਾ ਜ਼ਿਕਰ
ਹਰੀਸ਼ ਰਾਵਤ ਨੇ ਆਪਣੀ ਪੋਸਟ 'ਚ ਰਾਹੁਲ ਗਾਂਧੀ ਦੀ ਅਗਵਾਈ 'ਚ ਭਾਰਤ ਜੋੜੋ ਯਾਤਰਾ ਦਾ ਵੀ ਜ਼ਿਕਰ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਉਹ ਇਸ ਦੇ ਖਤਮ ਹੋਣ ਤੋਂ ਬਾਅਦ ਆਪਣੀ ਕਾਰਜਪ੍ਰਣਾਲੀ 'ਤੇ ਵਿਚਾਰ ਕਰਨਗੇ। ਰਾਵਤ ਨੇ ਲਿਖਿਆ, 'ਫਿਰ ਭਾਰਤ ਜੋੜੋ ਯਾਤਰਾ ਦਾ ਇੰਨਾ ਵੱਡਾ ਪ੍ਰੋਗਰਾਮ ਹੈ। ਮੈਂ ਆਪਣੇ ਪਿੰਡ ਅਤੇ ਕਾਂਗਰਸੀਆਂ ਲਈ ਹਮੇਸ਼ਾ ਉਪਲਬਧ ਰਹਾਂਗਾ। ਪਾਰਟੀ ਦੀ ਸੇਵਾ ਲਈ ਮੈਂ ਦਿੱਲੀ ਵਿੱਚ ਉੱਤਰਾਖੰਡ ਦੇ ਇੱਕ ਛੋਟੇ ਜਿਹੇ ਪ੍ਰਭਾਵ ਵਾਲੇ ਖੇਤਰ ਵਿੱਚ ਵੀ ਆਪਣੀਆਂ ਸੇਵਾਵਾਂ ਦੇਵਾਂਗਾ। ਜਦੋਂ ਪਾਰਟੀ ਬੁਲਾਵੇਗੀ, ਮੈਂ ਉੱਤਰਾਖੰਡ ਵਿੱਚ ਵੀ ਸੇਵਾ ਕਰਨ ਲਈ ਉਤਸੁਕ ਰਹਾਂਗਾ।
ਨੋਟ : ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।