ਮੁੰਬਈ: ਹੈਲਮੇਟ ਪਹਿਨੇ ਆਪਣੇ ਸਾਥੀ ਦੇ ਨਾਲ ਦੋ ਪਹੀਆ ਵਾਹਨ 'ਤੇ ਸਵਾਰ ਮਹਿਲਾ ਨੇ ਰੋਕੇ ਜਾਣ 'ਤੇ ਪੁਲਿਸ ਕਰਮੀ ਦੀ ਖੂਬ ਕੁੱਟਮਾਰ ਕੀਤੀ। ਇੱਕ ਤਾਂ 'ਚੋਰੀ ਤੇ ਉੱਤੋਂ ਸੀਨਾ ਜ਼ੋਰੀ' ਦਿਖਾਉਂਦਿਆਂ ਭੜਕੀ ਮਹਿਲਾ ਨੇ ਪੁਲਿਸ ਕਰਮੀ ਨੂੰ ਬੁਰੀ ਤਰ੍ਹਾਂ ਕੁੱਟਿਆ। ਮਹਿਲਾ ਮੁੰਬਈ ਦੇ ਕਲਬਾਦੇਵੀ ਸਥਿਤ ਕੌਟਨ ਐਕਸਚੇਂਜ ਨਾਕੇ ਤੇ ਸ਼ਨੀਵਾਰ ਦੀ ਇਹ ਘਟਨਾ ਹੈ। ਇਸ ਦਾ ਵੀਡੀਓ ਟਵਿੱਟਰ ਤੇ ਫੇਸਬੁੱਕ ਤੇ ਵਾਇਰਲ ਹੋ ਗਿਆ ਹੈ।
ਮਹਿਲਾ ਆਪਣੇ ਸਾਥੀ ਦੇ ਨਾਲ ਸਕੂਟੀ 'ਤੇ ਕਿਤੇ ਜਾ ਰਹੀ ਸੀ। ਦੋਵਾਂ ਨੇ ਹੈਲਮੇਟ ਨਹੀਂ ਪਹਿਨਿਆ ਸੀ। ਇਸ ਦੌਰਾਨ ਟ੍ਰੈਫਿਕ ਪੁਲਿਸ ਵਾਲੇ ਨੇ ਰੋਕਿਆ ਤਾਂ ਮਹਿਲਾ ਭੜਕ ਗਈ ਤੇ ਉਸ ਨੂੰ ਕੁੱਟ ਦਿੱਤਾ। ਘਟਨਾ ਤੋਂ ਬਾਅਦ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ ਤੇ ਮਹਿਲਾ ਭੀੜ ਇਕੱਠੀ ਹੋਣ ਮਗਰੋਂ ਵੀ ਪੁਲਿਸ ਕਰਮੀ ਨੂੰ ਕੁੱਟਦੀ ਰਹੀ।
ਇਸ ਦੌਰਾਨ ਆਪਣੀ ਗਲਤੀ ਲੁਕਾਉਣ ਲਈ ਉਸ ਨੇ ਪੁਲਿਸ ਕਰਮੀ 'ਤੇ ਗਾਲਾਂ ਕੱਢਣ ਦਾ ਇਲਜ਼ਾਮ ਲਾਇਆ। ਘਟਨਾ ਦੀ ਸੂਚਨਾ ਮਿਲਣ 'ਤੇ ਮੌਕੇ 'ਤੇ ਵੱਡੀ ਗਿਣਤੀ ਪੁਲਿਸ ਕਰਮੀ ਪਹੁੰਚੇ। ਪੁਲਿਸ ਨੇ ਮੁਲਜ਼ਮ ਮਹਿਲਾ ਤੇ ਉਸ ਦੇ ਸਾਥੀ ਨੂੰ ਹਿਰਾਸਤ 'ਚ ਲੈ ਲਿਆ। ਘਟਨਾ ਦਾ ਨੋਟਿਸ ਲੈਂਦਿਆਂ ਸ਼ਿਵ ਸੈਨਾ ਲੀਡਰ ਸੰਜੇ ਰਾਓਤ ਨੇ ਟਵੀਟ ਕਰਕੇ ਮੁਲਜ਼ਮ ਮਹਿਲਾ ਖਿਲ਼ਾਫ ਤੁਰੰਤ ਕਾਰਵਾਈ ਕਰਨ ਲਈ ਕਿਹਾ। ਉਨ੍ਹਾਂ ਇਹ ਕਾਰਨਾਮਾ ਮੁੰਬਈ ਪੁਲਿਸ ਦੇ ਮਾਨ ਸਨਮਾਣ ਨੂੰ ਠੇਸ ਪਹੁੰਚਾਉਣ ਵਾਲਾ ਦੱਸਿਆ।
ਪੰਜਾਬ ਦੇ ਕਰੀਬ 1000 ਪਿੰਡਾਂ 'ਚ ਹੋਵੇਗਾ ਵਿਲੱਖਣ ਦੁਸਹਿਰਾ, ਇਹ ਹੈ ਕਿਸਾਨਾਂ ਦੀ ਰਣਨੀਤੀ
ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ