ਮਨੀਮਾਜਰਾ ਨੂੰ ਸੈਕਟਰ-13 ਬਣਾ ਦਿੱਤਾ ਗਿਆ, ਜਿਸ ਤੋਂ ਬਾਅਦ ਲੋਕਾਂ ਵਲੋਂ ਇਸ 'ਤੇ ਇਤਰਾਜ਼ ਜਤਾਉਣ ਤੋਂ ਬਾਅਦ ਹੁਣ ਪ੍ਰਸ਼ਾਸਨ ਨੇ ਸੈਕਟਰ-13 ਦੇ ਨਾਲ ਮਨੀਮਾਜਰਾ ਵੀ ਜੋੜ ਦਿੱਤਾ ਹੈ। ਹੁਣ ਇਹ ਸੈਕਟਰ-13 (ਮਨੀਮਾਜਰਾ) ਦੇ ਨਾਂ ਨਾਲ ਜਾਣਿਆ ਜਾਵੇਗਾ। ਨੋਟੀਫਿਕੇਸ਼ਨ ਜਾਰੀ ਹੋਣ ਤੋਂ ਬਾਅਦ ਕਾਗਜ਼ਾਂ 'ਤੇ ਨਵੇਂ ਨਾਂਵਾਂ ਦਾ ਜ਼ਿਕਰ ਹੋਵੇਗਾ।
ਚੰਡੀਗੜ੍ਹ ਦੇ ਸੈਕਟਰ-13 (ਮਨੀਮਾਜਰਾ) ਤੋਂ ਇਲਾਵਾ ਸੈਕਟਰ-12 ਵੈਸਟ, 14 ਵੈਸਟ, 39 ਵੈਸਟ, 56 ਦੇ ਨਾਲ ਬਿਜ਼ਨਸ ਅਤੇ ਇੰਡਸਟਰੀਅਲ ਪਾਰਕ-1, 2 ਤੇ 3 ਮਿਲ ਗਏ ਹਨ। ਤਿੰਨ ਜਨਵਰੀ ਨੂੰ ਸੈਕਟਰ-9 ਸਥਿਤ ਯੂਟੀ ਸਕੱਤਰੇਤ 'ਚ ਪ੍ਰਸ਼ਾਸਕ ਵੀਪੀ ਸਿੰਘ ਬਦਨੌਰ ਦੀ ਪ੍ਰਧਾਨਗੀ 'ਚ ਹੋਈ ਅਧਿਕਾਰੀਆਂ ਦੀ ਬੈਠਕ 'ਚ ਇਸ ਪ੍ਰਸਤਾਵ ਨੂੰ ਆਖਿਰੀ ਮਨਜ਼ੂਰੀ ਦਿੱਤੀ ਗਈ ਸੀ।