National Hugging Day 2023: ਕਿਸੇ ਨੂੰ ਜੱਫੀ ਪਾਉਣਾ ਜਾਂ ਗਲ ਲਗਾਉਣਾ ਇੱਕ ਬਹੁਤ ਹੀ ਮਿੱਠਾ ਅਤੇ ਜਾਦੂਈ ਪਲ ਹੈ ਅਤੇ ਪਿਆਰ ਦਾ ਇੱਕ ਸੰਪੂਰਨ ਪ੍ਰਗਟਾਵਾ ਵੀ ਹੈ। ਬਾਲੀਵੁੱਡ ਦੀਆਂ ਕਈ ਫਿਲਮਾਂ ਵਿੱਚ ਆਈਕਾਨਿਕ ਹਗ ਸੀਨਜ਼ ਕੀਤੇ ਗਏ ਹਨ, ਚਾਹੇ ਉਹ 'ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ' ਵਿੱਚ ਕਾਜੋਲ ਅਤੇ ਸ਼ਾਹਰੁਖ ਦੀ ਜੱਫੀ ਹੋਵੇ ਜਾਂ ਫਿਲਮ 'ਸਿਲਸਿਲਾ' ਵਿੱਚ ਅਮਿਤਾਭ ਬੱਚਨ ਅਤੇ ਰੇਖਾ ਦੀ ਜੱਫੀ ਦਾ ਦ੍ਰਿਸ਼। ਹਰ ਕੋਈ ਯਾਦਗਾਰੀ ਛਾਪ ਛੱਡ ਗਿਆ ਹੈ। ਆਉ ਅਸੀਂ ਇੱਥੇ ਬਾਲੀਵੁੱਡ ਫਿਲਮਾਂ ਦੇ ਕੁਝ ਵਧੀਆ ਗਲ ਲਗਾਉਣ (ਹਗ) ਵਾਲੇ ਦ੍ਰਿਸ਼ਾਂ ਨੂੰ ਯਾਦ ਕਰਕੇ ਨੈਸ਼ਨਲ ਹੱਗ ਡੇ 2023 ਦਾ ਜਸ਼ਨ ਮਨਾਈਏ।
'DDLJ' 'ਚ ਸ਼ਾਹਰੁਖ ਤੇ ਕਾਜੋਲ ਦੇ ਇੱਕ ਦੂਜੇ ਨੂੰ ਗਲ ਲਗਾਉਣ ਦਾ ਸੀਨ
ਫਿਲਮ 'DDLJ' ਵਿੱਚ ਹਮੇਸ਼ਾ ਲਈ ਰੋਮਾਂਟਿਕ ਔਨ-ਸਕਰੀਨ ਜੋੜੇ ਸ਼ਾਹਰੁਖ ਖਾਨ ਅਤੇ ਕਾਜੋਲ ਦੇ ਵਿੱਚ ਇੱਕ ਜੱਫੀ ਦਾ ਦ੍ਰਿਸ਼ ਸ਼ੂਟ ਕੀਤਾ ਗਿਆ ਸੀ। ਫਿਲਮ 'ਚ ਸ਼ਾਹਰੁਖ ਅਤੇ ਕਾਜੋਲ ਸਰ੍ਹੋਂ ਦੇ ਖੇਤ 'ਚ ਇਕ-ਦੂਜੇ ਨੂੰ ਜੱਫੀ ਪਾਉਂਦੇ ਨਜ਼ਰ ਆ ਰਹੇ ਹਨ।ਇਸ ਸੀਨ ਨੂੰ ਕਾਫੀ ਪਸੰਦ ਕੀਤਾ ਗਿਆ ਸੀ।
ਫਿਲਮ 'ਤਾਰੇ ਜ਼ਮੀਨ ਪਰ' 'ਚ ਆਮਿਰ ਖਾਨ ਅਤੇ ਦਰਸ਼ੀਲ ਦਾ ਸੀਨ
ਫਿਲਮ 'ਤਾਰੇ ਜ਼ਮੀਨ ਪਰ' ਨੂੰ ਕਾਫੀ ਪਸੰਦ ਕੀਤਾ ਗਿਆ ਸੀ। ਇਸ ਫਿਲਮ ਵਿੱਚ ਭਾਵਨਾਵਾਂ ਨੂੰ ਬਿਆਨ ਕਰਨ ਲਈ ਸਭ ਤੋਂ ਵਧੀਆ ਦ੍ਰਿਸ਼ ਉਦੋਂ ਸੀ ਜਦੋਂ ਡਿਸਲੈਕਸੀਆ ਨਾਲ ਜੂਝ ਰਹੇ ਈਸ਼ਾਨ ਆਪਣੇ ਅਧਿਆਪਕ ਆਮਿਰ ਖਾਨ ਨੂੰ ਗਲੇ ਲਗਾਉਂਦੇ ਹਨ। ਇਸ ਜੱਫੀ ਨੇ ਯਕੀਨੀ ਤੌਰ 'ਤੇ ਦਰਸ਼ਕਾਂ ਦੇ ਦਿਲਾਂ ਨੂੰ ਪਿਘਲਾ ਦਿੱਤਾ।
'ਬਜਰੰਗੀ ਭਾਈਜਾਨ' ਦਾ ਹਗ ਸੀਨ ਤੁਹਾਡਾ ਦਿਲ ਪਿਘਲਾ ਦੇਵੇਗਾ
ਇਹ ਸਲਮਾਨ ਖਾਨ ਦੀਆਂ ਸਭ ਤੋਂ ਪਿਆਰੀਆਂ ਫਿਲਮਾਂ ਵਿੱਚੋਂ ਇੱਕ ਹੈ। ਇਸ ਫਿਲਮ ਦੇ ਇੱਕ ਸੀਨ ਵਿੱਚ ਪਾਕਿਸਤਾਨ ਦੀ ਇੱਕ ਗੁੰਮ ਹੋਈ ਕੁੜੀ ਮੁੰਨੀ ਬਜਰੰਗੀ (ਸਲਮਾਨ ਖਾਨ) ਨੂੰ ਜੱਫੀ ਪਾਉਂਦੀ ਹੈ। ਇਹ ਨਜ਼ਾਰਾ ਦੇਖ ਕੇ ਹਰ ਕਿਸੇ ਦੀਆਂ ਅੱਖਾਂ 'ਚ ਹੰਝੂ ਆ ਜਾਂਦੇ ਹਨ। ਇਹ ਫਿਲਮ ਦੇ ਸਭ ਤੋਂ ਦਿਲ ਦਹਿਲਾਉਣ ਵਾਲੇ ਦ੍ਰਿਸ਼ਾਂ ਵਿੱਚੋਂ ਇੱਕ ਹੈ।
ਫਿਲਮ 'ਸਿਲਸਿਲਾ' 'ਚ ਅਮਿਤਾਭ ਅਤੇ ਰੇਖਾ ਦਾ ਯਾਦਗਾਰ ਸੀਨ
ਜੱਫੀ ਦੀ ਗੱਲ ਕਰੀਏ ਤਾਂ 'ਸਿਲਸਿਲਾ' 'ਚ ਅਮਿਤਾਭ ਬੱਚਨ ਅਤੇ ਰੇਖਾ ਦੇ ਇਕ-ਦੂਜੇ ਨੂੰ ਜੱਫੀ ਪਾਉਣ ਦੇ ਸ਼ਾਨਦਾਰ ਦ੍ਰਿਸ਼ ਨੂੰ ਕੌਣ ਭੁੱਲ ਸਕਦਾ ਹੈ। ਇਹ ਜੋੜੀ ਉਸ ਸਮੇਂ ਸਭ ਤੋਂ ਵੱਧ ਪਸੰਦ ਕੀਤੀ ਜਾਣ ਵਾਲੀ ਆਨ-ਸਕਰੀਨ ਜੋੜੀ ਸੀ।
ਫਿਲਮ 'ਮੁਹੱਬਤੇਂ' 'ਚ ਸ਼ਾਹਰੁਖ ਤੇ ਐਸ਼ਵਰਿਆ ਦਾ ਸੀਨ
ਯਸ਼ ਚੋਪੜਾ ਦੀ ਇਸ ਫਿਲਮ 'ਚ ਜੱਫੀ ਪਾਉਣ ਦੇ ਕੁਝ ਵਧੀਆ ਸੀਨ ਹਨ। ਸ਼ਾਹਰੁਖ ਖਾਨ ਅਤੇ ਐਸ਼ਵਰਿਆ ਰਾਏ ਬੱਚਨ ਦੀ ਜੱਫੀ ਅਤੇ ਉਨ੍ਹਾਂ ਦੀ ਕੈਮਿਸਟਰੀ ਨੇ ਇੱਕ ਵਿਲੱਖਣ ਤਾਜ਼ਗੀ ਦਾ ਸੰਚਾਰ ਕੀਤਾ ਅਤੇ ਇਸ ਨੇ ਫਿਲਮ 'ਮੁਹੱਬਤੇਂ' ਦੇ ਪਲਾਟ ਨੂੰ ਹੋਰ ਮਨੋਰੰਜਕ ਬਣਾ ਦਿੱਤਾ।