ਪੁਲਿਸ ਮੁਤਾਬਕ ਅਭਿਨਵ ਨਾਮੀ ਇੱਕ ਸ਼ਖਸ ਚੰਡੀਗੜ੍ਹ ਦੇ ਇੰਡਸਟਰੀ ਏਰੀਆ 'ਚ ਨਕਲੀ ਨੋਟ ਛਾਪਣ ਦੀ ਕਾਰਵਾਈ ਨੂੰ ਅੰਜਾਮ ਦੇ ਰਿਹਾ ਸੀ। ਇਹ 500 ਤੇ 1000 ਦੇ ਪੁਰਾਣੇ ਨੋਟਾਂ ਬਦਲੇ ਨਵੀਂ ਕਰੰਸੀ ਦੇਣ ਦਾ ਲਾਲਚ ਦੇ ਕੇ ਲੋਕਾਂ ਨੂੰ ਠੱਗ ਰਿਹਾ ਸੀ। ਪਿਛਲੇ 20 ਦਿਨਾਂ 'ਚ ਇਸ ਨੇ ਇਸ ਗੋਰਖਧੰਦੇ ਰਾਹੀਂ ਕਰੀਬ 2 ਕਰੋੜ ਦਾ ਲੈਣ-ਦੇਣ ਕਰ ਪੁਰਾਣੇ ਨੋਟਾਂ ਬਦਲੇ ਨਕਲੀ ਨੋਟ ਦਿੱਤੇ ਸੀ।
ਕੱਲ੍ਹ ਅਭਿਨਵ ਆਪਣੀ ਭੈਣ ਵਿਸ਼ਾਖਾ ਤੇ ਇੱਕ ਵਿਚੋਲੀਏ ਸੁਮਨ ਨਾਲ ਕਰੰਸੀ ਦੀ ਡਲਿਵਰੀ ਦੇਣ ਜਾ ਰਿਹਾ ਸੀ। ਇਹ ਔਡੀ ਗੱਡੀ 'ਤੇ ਸਵਾਰ ਹੋ ਲਾਲ ਬੱਤੀ ਲਗਾ ਕੇ ਜਾ ਰਹੇ ਸਨ। ਰਾਸਤੇ ਪੁਲਿਸ ਨੇ ਚੈਕਿੰਗ ਦੌਰਾਨ ਇਹਨਾਂ ਨੂੰ 42 ਲੱਕ ਦੇ ਨਵੇਂ ਨਕਲੀ 2000 ਦੇ ਨੋਟਾਂ ਨਾਲ ਗ੍ਰਿਫਤਾਰ ਕਰ ਲਿਆ ਹੈ। ਫਿਲਹਾਲ ਪੁਲਿਸ ਇਹਨਾਂ ਤੋਂ ਪੁੱਛਗਿੱਛ ਕਰ ਰਹੀ ਹੈ।