Ludhiana News: ਲੋਕਾਂ ਨੇ ਪੀਤੀ ਤੁਪਕਾ ਤੁਪਕਾ...ਆਪ ਨੇ ਪੀਤੀ ਬਾਟੇ ਨਾਲ...ਅਕਾਲੀ ਦਲ ਦੇ ਸੀਨੀਅਰ ਲੀਡਰ ਬਿਕਰਮ ਮਜੀਠੀਆ ਦੇ ਇਸ ਤਨਜ ਨਾਲ ਆਮ ਆਦਮੀ ਪਾਰਟੀ ਦੇ ਲੁਧਿਆਣਾ ਤੋਂ ਉਮੀਦਵਾਰ ਅਸ਼ੋਕ ਪਰਾਸ਼ਰ ਪੱਪੀ ਭੜਕ ਗਏ ਹਨ। ਉਨ੍ਹਾਂ ਨੇ ਕਿਹਾ ਹੈ ਕਿ ਮਜੀਠੀਆ ਆਪਣੀ ਮੰਜੀ ਹੇਠ ਝਾੜੂ ਮਾਰ ਕੇ ਵੇਖਣ ਕਿਤੇ ਕੋਈ ਪੁੜੀ ਤਾਂ ਨਹੀਂ ਡਿੱਗੀ ਪਈ? ਉਨ੍ਹਾਂ ਨੇ ਕਿਹਾ ਕਿ ਮਜੀਠੀਆ ਨੂੰ ਆਪਣੇ ਅੰਦਰ ਝਾਤੀ ਮਾਰਨ ਦੀ ਲੋੜ ਹੈ।
ਦਰਅਸਲ ਲੰਘੇ ਦਿਨ ਮੀਜੀਠੀਆ ਨੇ ਐਕਸ ਉਪਰ ਆਪ ਉਮੀਦਵਾਰ ਅਸ਼ੋਕ ਪਰਾਸ਼ਰ ਪੱਪੀ ਦੀ ਫੋਟੋ ਸ਼ੇਅਰ ਕਰਦਿਆਂ ਲਿਖਿਆ ਸੀ ਲੋਕਾਂ ਨੇ ਪੀਤੀ ਤੁਪਕਾ ਤੁਪਕਾ...AAP ਨੇ BLENDER PRIDE 🥃🥃ਪੀਤੀ ਬਾਟੇ ਨਾਲ।
👉 @BhagwantMann ਦੇ ਕੋਟੇ ਦੀ ਟਿੱਕਟ ਲੱਗਦੀ।
👉 ਲੋਕ ਤਾਂ ਲੱਡੂਆਂ ਨਾਲ ਤੋਲਦੇ
ਬਦਲਾਅ ਵਾਲੇ ਦਾਰੂ ਨਾਲ।
👉 AAP ਲੁਧਿਆਣਾ ਲੋਕ ਸਭਾ ਉਮੀਦਵਾਰ ਪੱਪੀ ਪਰਾਸ਼ਰ।
ਇਸ ਮਗਰੋਂ ਲੁਧਿਆਣਾ 'ਚ ਸ਼ੁੱਕਰਵਾਰ ਸ਼ਾਮ ਨੂੰ ਆਮ ਆਦਮੀ ਪਾਰਟੀ ਦੇ ਲੋਕ ਸਭਾ ਉਮੀਦਵਾਰ ਅਸ਼ੋਕ ਪਰਾਸ਼ਰ ਪੱਪੀ ਨੇ ਅਕਾਲੀ ਆਗੂ ਬਿਕਰਮ ਸਿੰਘ ਮਜੀਠੀਆ ਨੂੰ ਘੇਰਿਆ। ਅਸ਼ੋਕ ਪਰਾਸ਼ਰ ਨੇ ਕਿਹਾ ਕਿ ਲੋਕ ਹੁਣ ਬਿਕਰਮ ਮਜੀਠੀਆ ਦੀਆਂ ਗੱਲਾਂ ਨੂੰ ਨਜ਼ਰਅੰਦਾਜ਼ ਕਰਨ ਲੱਗ ਪਏ ਹਨ। ਲੋਕ ਹੁਣ ਮਜੀਠੀਆ ਨੂੰ ਕਹਿਣ ਲੱਗੇ ਹਨ ਕਿ ਝੂਠੀ ਰਾਜਨੀਤੀ ਨਾ ਕਰੋ।
ਪੱਪੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਲੋਕਾਂ ਦੀ ਸੇਵਾ ਲਈ ਰਾਜਨੀਤੀ ਕਰਨੀ ਚਾਹੀਦੀ ਹੈ। ਆਮ ਆਦਮੀ ਪਾਰਟੀ ਲੋਕਾਂ ਦੀ ਸੇਵਾ ਦੀ ਰਾਜਨੀਤੀ ਕਰਦੀ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਮਜੀਠੀਆ ਨੂੰ ਆਪਣੀ ਮੰਜੀ ਹੇਠਾਂ ਝਾੜੂ ਮਾਰਨਾ ਚਾਹੀਦਾ ਹੈ। ਕਿਤੇ ਕੋਈ ਪੁੜੀ ਨਾ ਡਿੱਗ ਪਈ ਹੋਏ? ਪੱਪੀ ਨੇ ਕਿਹਾ ਕਿ ਮਜੀਠੀਆ ਨੂੰ ਆਪਣੇ ਅੰਦਰ ਝਾਤੀ ਮਾਰਨ ਦੀ ਲੋੜ ਹੈ।
ਦਰਅਸਲ ਅਕਾਲੀ ਦਲ ਦੇ ਸੀਨੀਅਰ ਆਗੂ ਬਿਕਰਮ ਮਜੀਠੀਆ ਨੇ ਲੁਧਿਆਣਾ ਤੋਂ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਅਸ਼ੋਕ ਪਰਾਸ਼ਰ ਪੱਪੀ 'ਤੇ ਚੁਟਕੀ ਲਈ ਸੀ। ਮਜੀਠੀਆ ਨੇ ਇੱਕ ਵੀਡੀਓ ਸ਼ੇਅਰ ਕੀਤੀ ਸੀ, ਜਿਸ 'ਚ ਉਨ੍ਹਾਂ ਲਿਖਿਆ ਸੀ- ਲੋਕ ਨੇ ਪੀਤੀ ਤੁਪਕਾ ਤੁਪਕਾ, ਆਪ ਨੇ ਬਲੈਂਡਰ ਪ੍ਰਾਈਡ ਪੀਤੀ ਬਾਟੇ ਨਾਲ।
ਮਜੀਠੀਆ ਨੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ 'ਤੇ ਵੀ ਨਿਸ਼ਾਨਾ ਸਾਧਦਿਆਂ ਲਿਖਿਆ ਕਿ ਪਰਾਸ਼ਰ ਦੀ ਟਿਕਟ ਭਗਵੰਤ ਸਿੰਘ ਮਾਨ ਦੇ ਕੋਟੇ 'ਚੋਂ ਆਈ ਲੱਗਦੀ ਹੈ। ਮਜੀਠੀਆ ਨੇ ਲਿਖਿਆ ਕਿ ਲੋਕ ਲੱਡੂਆਂ ਨਾਲ ਤੋਲਦੇ ਹਨ ਪਰ ਬਦਲਾਵ ਵਾਲੇ (ਆਪ) ਦੇ ਲੋਕ ਸ਼ਰਾਬ ਨਾਲ ਤੋਲ ਰਹੇ ਹਨ।