ਚੰਡੀਗੜ੍ਹ: ਕਾਂਗਰਸੀ ਵਿਧਾਇਕਾਂ ਪਰਗਟ ਸਿੰਘ ਤੇ ਸੁਖਪਾਲ ਸਿੰਘ ਖਹਿਰਾ (Sukhpal Singh Khaira) ਨੇ ਮੁੱਖ ਮੰਤਰੀ ਭਗਵੰਤ ਮਾਨ (Punjab CM Bhagwant Mann) ਦੇ ਵੱਡੇ ਹਵਾਈ ਖ਼ਰਚੇ 'ਤੇ ਸਵਾਲ ਚੁੱਕੇ ਹਨ। ਪਰਗਟ ਸਿੰਘ ਨੇ ਸੋਮਵਾਰ ਨੂੰ ਟਵੀਟ ਕੀਤਾ, ਸੀਐਮ ਨੇ ਦੋ ਦਿਨਾਂ ਦੀ ਹਵਾਈ ਯਾਤਰਾ 'ਤੇ 56 ਲੱਖ ਖਰਚ ਕੀਤੇ। ਮਾਨ ਨੂੰ ਟੈਗ ਕਰਦੇ ਹੋਏ ਪਰਗਟ ਸਿੰਘ (Pargat Singh) ਨੇ ਲਿਖਿਆ, 'ਇਹ ਪੈਸਾ ਪੰਜਾਬ ਦੇ ਲੋਕਾਂ ਦੇ ਟੈਕਸ ਦਾ ਹੈ, ਜੋ ਤੁਸੀਂ ਆਪਣੇ ਤੇ ਦਿੱਲੀ ਦੇ ਮਾਲਕਾਂ 'ਤੇ ਖਰਚ ਕਰ ਰਹੇ ਹੋ। ਪੰਜਾਬ 'ਤੇ ਕੁਝ ਰਹਿਮ ਕਰੋ।
ਇਸ ਦੇ ਨਾਲ ਹੀ ਸੁਖਪਾਲ ਸਿੰਘ ਖਹਿਰਾ ਨੇ ਆਰਟੀਆਈ ਤੋਂ ਮਿਲੀ ਜਾਣਕਾਰੀ ਦਾ ਹਵਾਲਾ ਦਿੰਦੇ ਹੋਏ ਟਵੀਟ ਕੀਤਾ, 'ਸਾਬਕਾ ਸੀਐਮ ਚੰਨੀ 'ਤੇ ਸਰਕਾਰੀ ਹੈਲੀਕਾਪਟਰ ਦੀ ਦੁਰਵਰਤੋਂ ਦਾ ਦੋਸ਼ ਲਗਾਉਣ ਵਾਲੇ ਭਗਵੰਤ ਮਾਨ ਨੇ ਮੁੱਖ ਮੰਤਰੀ ਦੀ ਸਹੁੰ ਚੁੱਕਣ ਤੋਂ ਪਹਿਲਾਂ ਤੇ ਬਾਅਦ ਵਿਚ 2 ਦਿਨਾਂ ਲਈ ਹਵਾਈ ਯਾਤਰਾ 'ਤੇ 55.44 ਲੱਖ ਖਰਚ ਕੀਤੇ। ਕੀ 3 ਲੱਖ ਕਰੋੜ ਰੁਪਏ ਦੇ ਕਰਜ਼ੇ ਦੀ ਮਾਰ ਝੱਲ ਰਿਹਾ ਪੰਜਾਬ ਸੁੱਖ-ਸਹੂਲਤਾਂ ਦਾ ਇੰਨਾ ਖਰਚਾ ਝੱਲ ਸਕਦਾ ਹੈ?
ਇਹ ਵੀ ਪੜ੍ਹੋ: Sangrur Lok Sabha by-election: ਸੰਗਰੂਰ 'ਚ ਅੱਜ ਥਮ ਜਾਏਗਾ ਚੋਣ ਪ੍ਰਚਾਰ, ਸ਼ਾਮ 6 ਵਜੇ ਮਗਰੋਂ ਲਾਗੂ ਹੋਏਗੀ ਧਾਰਾ 144