ਪੰਜਾਬ ਅਤੇ ਹਰਿਆਣਾ ‘ਚ ਔਰਤਾਂ ਨੇ ਸੰਭਾਲਿਆ ਚੀਫ ਸੈਕ੍ਰੇਟਰੀ ਦਾ ਅਹੁਦਾ

ਇਹ ਪਹਿਲਾ ਮੌਕਾ ਹੈ ਹਰਿਆਣਾ ਅਤੇ ਪੰਜਾਬ ਦੋਵੇਂ ਗੁਆਂਢੀ ਸੂਬਿਆਂ ਦੇ ਮੁੱਖ ਸਕੱਤਰ ਦੇ ਅਹੁਦਿਆਂ 'ਤੇ ਔਰਤਾਂ ਦਾ ਦਬਦਬਾ ਰਿਹਾ ਹੈ। ਇਹ ਆਪਣੇ ਆਪ ਵਿੱਚ ਔਰਤ ਸਸ਼ਕਤੀਕਰਨ ਦੀ ਇੱਕ ਉਦਾਹਰਣ ਵੀ ਹੈ।

ਚੰਡੀਗੜ੍ਹ: ਸ਼ੁੱਕਰਵਾਰ ਨੂੰ ਪੰਜਾਬ (Punjab) ਦੀ ਪਹਿਲੀ ਮੁੱਖ ਸਕੱਤਰ (Chief Secretary) ਵਿਨੀ ਮਹਾਜਨ (Vini Mahajan) ਨੇ ਅਹੁਦਾ ਸੰਭਾਲਿਆ। ਵਿਨੀ ਮਹਾਜਨ 1987 ਬੈਚ ਦੇ ਆਈਏਐਸ ਅਧਿਕਾਰੀ ਹੈ ਅਤੇ ਅਜੇ ਵੀ ਉਹ ਪੰਜਾਬ ਸਰਕਾਰ ਵਿਚ ਵੱਖ-ਵੱਖ ਵਿਭਾਗਾਂ ਦੇ ਵਧੀਕ ਮੁੱਖ ਸਕੱਤਰ ਦਾ ਅਹੁਦਾ ਸੰਭਾਲਦੀ ਹੈ। ਉਸਨੂੰ ਹੁਣ ਪੰਜਾਬ ਸਰਕਾਰ (Punjab Government) ਵਿੱਚ ਮੁੱਖ ਸਕੱਤਰ ਬਣਾਇਆ ਗਿਆ ਹੈ।

ਦੱਸ ਦੇਈਏ ਕਿ ਹਰਿਆਣਾ ਦੀ ਮੁੱਖ ਸਕੱਤਰ ਕੇਸ਼ਨੀ ਆਨੰਦ ਅਰੋੜਾ ਵੀ ਇੱਕ ਔਰਤ ਹੈ। ਕੇਸ਼ਨੀ ਅਤੇ ਉਸ ਦੀਆਂ ਤਿੰਨ ਭੈਣਾਂ ਦੇਸ਼ ਵਿਚ ਅਨੌਖੇ ਮਿਸਾਲ ਹਨ। ਤਿੰਨ ਭੈਣਾਂ, ਤਿੰਨ ਆਈਏਐਸ ਅਧਿਕਾਰੀ ਅਤੇ ਤਿੰਨੋਂ ਹੀ ਹਰਿਆਣਾ ਦੇ ਮੁੱਖ ਸਕੱਤਰ ਰਹਿ ਚੁੱਕਿਆਂ ਹਨ। ਪੰਜਾਬ ਯੂਨੀਵਰਸਿਟੀ ਦੇ ਮਰਹੂਮ ਪ੍ਰੋਫੈਸਰ ਜੇਸੀ ਆਨੰਦ ਦੀਆਂ ਤਿੰਨ ਧੀਆਂ ਇੱਕ-ਇੱਕ ਕਰਕੇ ਆਈਏਐਸ ਅਧਿਕਾਰੀ ਬਣੀਆਂ ਅਤੇ ਫਿਰ ਹਰਿਆਣਾ ਪ੍ਰਸ਼ਾਸਨ ਦੇ ਉੱਚ ਅਹੁਦੇ ’ਤੇ ਪਹੁੰਚਿਆਂ।

ਕੇਸ਼ਨੀ ਦੇ ਨਾਲ-ਨਾਲ ਮੀਨਾਕਸ਼ੀ ਆਨੰਦ ਅਤੇ ਉਰਵਸ਼ੀ ਗੁਲਾਟੀ ਦੋਵੇਂ ਭੈਣਾਂ ਵੀ ਹਰਿਆਣਾ ਦੇ ਮੁੱਖ ਸਕੱਤਰ ਰਹਿ ਚੁੱਕਿਆਂ ਹਨ। ਦੱਸ ਦਈਏ ਕਿ 1966 ਵਿਚ ਹਰਿਆਣਾ-ਪੰਜਾਬ ਤੋਂ ਵੱਖ ਹੋ ਗਿਆ ਸੀ। ਇਸ ਤੋਂ ਬਾਅਦ ਪੰਜਾਬ ਵਿਚ ਇਹ ਪਹਿਲਾ ਮੌਕਾ ਹੈ ਜਦੋਂ ਕਿਸੇ ਔਰਤ ਨੇ ਮੁੱਖ ਸਕੱਤਰ ਦਾ ਅਹੁਦਾ ਸੰਭਾਲਿਆ ਹੈ।

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904