Punjab News: ਗੋਇੰਦਵਾਲ ਜੇਲ੍ਹ 'ਚ ਗੈਂਗ ਵਾਰ ਤੋਂ ਬਾਅਦ ਹੁਣ ਗੈਂਗਸਟਰ ਜੱਗੂ ਭਗਵਾਨਪੁਰੀਆ ਦਾ ਇੱਕ ਹੋਰ ਪੋਸਟਰ ਸਾਹਮਣੇ ਆਇਆ ਹੈ। ਜੱਗੂ ਨੇ ਖਾਸ ਤੌਰ 'ਤੇ ਵਿਦੇਸ਼ ਬੈਠੇ ਗੋਲਡੀ ਬਰਾੜ ਲਈ ਇਹ ਪੋਸਟ ਲਿਖੀ ਹੈ। ਇਸ ਪੋਸਟ 'ਚ ਜੱਗੂ ਨੇ ਗੋਲਡੀ ਬਰਾੜ 'ਤੇ ਵੀ ਉਹੀ ਦੋਸ਼ ਲਾਏ ਹਨ, ਜੋ ਗੋਲਡੀ ਵੱਲੋਂ ਉਸ ਉੱਤੇ ਲਾਏ ਗਏ ਸੀ, ਦੋਵੇਂ ਇੱਕ ਦੂਜੇ ਉੱਤੇ ਮੁਖਬਰੀ ਦੇ ਇਲਜ਼ਾਮ ਲਾ ਰਹੇ ਹਨ। ਹਾਲਾਂਕਿ ਪੁਲਿਸ ਵੱਲੋਂ ਇਸ ਪੋਸਟ ਦੀ ਪੁਸ਼ਟੀ ਨਹੀਂ ਕੀਤੀ ਗਈ ਹੈ।
ਜੱਗੂ ਨੇ ਆਪਣੀ ਪੋਸਟ 'ਚ ਗੋਲਡੀ 'ਤੇ ਸਿੱਧਾ ਨਿਸ਼ਾਨਾ ਸਾਧਿਆ ਹੈ। ਇਸ ਮਾਮਲੇ ਵਿੱਚ ਜੱਗੂ ਦੀ ਇਹ ਦੂਜੀ ਪੋਸਟ ਹੈ। ਪੋਸਟ ਵਿੱਚ ਦੋਵਾਂ ਗਰੋਹਾਂ ਦੀ ਢੰਗ-ਤਰੀਕੇ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ। ਇੱਕ ਦੂਜੇ ਦੇ ਪਰਛਾਵੇਂ ਬਣ ਕੇ ਕਤਲ ਵਰਗੀਆਂ ਵਾਰਦਾਤਾਂ ਨੂੰ ਅੰਜਾਮ ਦੇਣ ਵਾਲੇ ਇਹ ਦੋਵੇਂ ਗੈਂਗ ਹੁਣ ਇੱਕ ਦੂਜੇ ਦੇ ਖੂਨ ਦੇ ਪਿਆਸੇ ਹੋ ਗਏ ਹਨ।
ਜੱਗੂ ਨੇ ਪੋਸਟ 'ਚ ਲਿਖਿਆ ਕਿ ਹਰ ਕੋਈ ਜਾਣਦਾ ਹੈ ਕਿ ਮੁਖਬਰ ਕੌਣ ਹੈ। ਤੁਸੀਂ ਸਵੇਰੇ ਜੁਰਮ ਕਰਦੇ ਹੋ, ਸ਼ਾਮ ਨੂੰ ਤੁਹਾਡੇ ਬੰਦੇ ਫੜੇ ਜਾਂਦੇ ਹਨ। ਤੁਸੀਂ 100 ਲੋਕਾਂ ਨੂੰ ਦਿੱਲੀ ਪੁਲਿਸ ਨੇ ਗ੍ਰਿਫਤਾਰ ਕੀਤਾ ਸੀ। ਸਾਡੇ ਭਗੌੜੇ 4-4 ਸਾਲਾਂ ਬਾਅਦ ਫੜੇ ਜਾਂਦੇ ਹਨ, ਤੂਫਾਨ ਵੀ ਸਾਡਾ ਭਰਾ ਸੀ, ਅਜਿਹਾ ਨਹੀਂ ਹੈ ਕਿ ਉਹ ਸਵੇਰੇ ਕੋਈ ਵਾਰਦਾਤ ਕਰਦਾ ਹੈ ਅਤੇ ਸ਼ਾਮ ਨੂੰ ਫੜਿਆ ਜਾਂਦਾ ਹੈ।
ਹਰ ਵਿਅਕਤੀ, ਪੁਲਿਸ ਅਤੇ ਗੈਂਗਸਟਰਾਂ ਨੂੰ ਪਤਾ ਹੈ ਕਿ ਮੁਖਬਰ ਕੌਣ ਹੈ। ਮੁਖਬਰ ਤੁਸੀਂ ਹੋ ਤੇ ਤੁਸੀਂ ਹੀ ਰਹੋਗੇ। ਜਿੱਥੋਂ ਤੱਕ ਮਨੂ ਅਤੇ ਰੂਪਾ ਦਾ ਸਬੰਧ ਹੈ, ਉਹ ਵੀ ਸਾਡੇ ਭਰਾ ਸਨ ਅਤੇ ਰਹਿਣਗੇ। ਉਹ ਕਿਸੇ ਹੋਰ ਦੇ ਨਹੀਂ ਹੋ ਸਕਦੇ। ਮਨੂ 8 ਸਾਲ ਬਿਤਾਉਣ ਤੋਂ ਬਾਅਦ ਜੇਲ੍ਹ ਗਿਆ। ਉਹ ਇੰਨਾ ਜਵਾਕ ਨਹੀਂ ਸੀ ਕਿ ਮੈਂ ਬੁਲਾਉਂਦਾ ਤੇ ਉਹ ਆ ਜਾਂਦਾ, ਜੇ ਮੈਂ ਜੇਲ੍ਹ ਵਿੱਚ ਹੁੰਦਾ ਤੇ ਰੂਪਾ ਦਾ ਨੁਕਸਾਨ ਹੁੰਦਾ ਤੇ ਤੂੰ ਗੱਲ਼ਾਂ ਕਰਦਾ ਵੀ ਵਧੀਆ ਲਗਦਾ।
ਤੁਸੀਂ ਅਮਰੀਕਾ-ਕੈਨੇਡਾ ਵਿੱਚ ਬੈਠ ਕੇ ਰਾਜਨੀਤੀ ਕਰ ਰਹੇ ਹੋ, ਤੁਹਾਡੇ ਵੱਸ ਵਿੱਚ ਕੁਝ ਨਹੀਂ ਹੈ। 2014-15 ਵਿੱਚ ਪੰਮਾ ਗਰੁੱਪ ਨੇ ਲਾਰੈਂਸ ਦੇ ਭਰਾ ਦੀ ਹੱਤਿਆ ਕਰ ਦਿੱਤੀ ਸੀ। ਫਿਰ ਉਦੋਂ ਤੂੰ ਵੀਜ਼ਾ ਲੈ ਕੇ ਕੈਨੇਡਾ ਭੱਜ ਗਿਆ ਸੀ। ਬੰਦਾ ਹੁੰਦਾ ਤਾਂ ਲੜਦਾ। ਜੇਕਰ ਅਸੀਂ ਮੁਖਬਰ ਹੁੰਦੇ ਤਾਂ 2016 'ਚ ਦਵਿੰਦਰ ਨੇ ਅਕੁਲ ਨੂੰ ਚੁੱਕ ਲਿਆ ਸੀ। ਅਸੀਂ ਲੜੇ ਅਤੇ ਆਪਣੇ ਬੰਦੇ ਨੂੰ ਆਜ਼ਾਦ ਕਰਵਾਇਆ। ਸਾਨੂੰ ਦੋ ਦਿਨ ਪਹਿਲਾਂ ਪਤਾ ਲੱਗਾ ਸੀ। ਜੇ ਮੁਖਬਰ ਹੁੰਦੇ ਤਾਂ ਦਵਿੰਦਰ ਨੂੰ ਪੁਲਿਸ ਨੂੰ ਫੜਾ ਦਿੰਦੇ। 2007 ਤੋਂ ਸਾਨੂੰ ਪੁਲਿਸ ਨਾਲ ਸਮੱਸਿਆਵਾਂ ਆ ਰਹੀਆਂ ਹਨ। ਸਾਡੀ ਜ਼ਮੀਰ ਅਜੇ ਮਰੀ ਨਹੀਂ।
ਅਸੀਂ ਕਿਸੇ ਦੀ ਮੁਖਬਰੀ ਨਹੀਂ ਕੀਤੀ। 2020 ਵਿੱਚ ਤੇਰਾ ਭਰਾ ਮਰਿਆ ਤੁਸੀਂ ਅਜੇ ਤੱਕ ਬਦਲਾ ਨਹੀਂ ਲਿਆ, ਨਜਾਇਜ਼ ਬੰਦੇ ਮਾਰ ਕੇ ਤੂੰ ਬਦਮਾਸ਼ ਬਣ ਰਿਹਾ, ਤੇਰੇ ਤੋਂ ਨਾ ਚਮਕਾ, ਨਾ ਬੇਅੰਤ ਨਾ ਲੱਕੀ ਮਰਿਆ, ਝੂਠੀਆਂ ਜ਼ਿੰਮੇਵਾਰੀਆਂ ਲੈ ਕੇ ਤੂੰ ਪਾਗਲ ਹੋ ਗਿਆ।
10 ਰੁਪਏ ਦਾ ਸਮਾਨ ਲੈ ਕੇ ਤੂੰ ਅਮਰੀਕਾ ਦੇ ਇੱਕ ਕਮਰੇ ਵਿੱਚ ਬੈਠਾ ਰਹਿੰਦਾ ਹੈ ਬਾਹਰ ਨਿਕਲ ਕੇ ਘੁੰਮਿਆ ਕਰ, ਤੈਨੂੰ ਕਿਹੜਾ ਅਮਰੀਕਾ ਦੀ ਪੁਲਿਸ ਨੇ ਫੜ੍ਹ ਲੈਣਾ ਹੈ।
ਜਦੋਂ ਮੰਨੂੰ-ਰੁਪੇ ਨੂੰ ਸਾਂਭਣਾ ਸੀ ਤਾਂ ਉਨ੍ਹਾਂ ਦੀ ਜੇਬ ਵਿੱਚ 600 ਤੇ 1000 ਰੁਪਇਆ ਨਿਕਲਿਆ, ਕੰਮ ਕਰਵਾ ਕੇ AK 47 ਵੀ ਵਾਪਸ ਮੰਗੀ ਗਈ ਇਸ ਤੋਂ ਇਲਾਵਾ ਉਨ੍ਹਾਂ ਨਾਲ ਕੋਈ ਗੱਲ ਨਹੀਂ ਕੀਤੀ, ਜਦੋਂ ਸਿੱਧੂ ਦੇ ਕਤਲ ਦੇ ਪੈਸੇ ਲੈਣ ਲਈ ਭੇਜਿਆ ਤਾਂ ਪੁਲਿਸ ਪਿੱਛੇ ਪੈ ਗਈ। ਸੀਸੀਟੀਵੀ ਵਿੱਚ ਉਨ੍ਹਾਂ ਦੇ ਚੇਹਰੇ ਆ ਗਏ।
ਜਿੱਥੋਂ ਤੱਕ ਤੂਫਾਨ ਅਤੇ ਮੋਹਨੇ ਦੀ ਗੱਲ ਹੈ, ਦੋਵੇਂ ਸਾਡੇ ਭਰਾ ਸਨ। ਸੌਂ ਰਹੇ ਵਿਅਕਤੀ ਨੂੰ ਨੁਕਸਾਨ ਪਹੁੰਚਾਉਣਾ ਤੁਹਾਡੀ ਆਦਤ ਬਣ ਗਈ ਹੈ। ਭੋਲੇ ਨੂੰ ਰੋਟੀ ਖੁਆ ਕੇ ਮਾਰ ਦਿੱਤਾ। ਭੋਲੇ ਨੇ ਤੇਰਾ ਕੀ ਬੁਰਾ ਕੀਤਾ? ਇੱਕ ਗੱਲ ਸੁਣ, ਅਸੀਂ ਤੈਨੂੰ ਖੋਖਲਾ ਬਨਾਉਣ ਜਾ ਰਹੇ ਹਾਂ। ਤੁਸੀਂ ਸਾਡੇ ਹੀ ਵਿਰੋਧੀ ਰਿੰਦਾ ਤੇ ਲੰਡੇ ਅੱਗੇ ਝੁਕ ਗਏ। ਤੂੰ ਸਾਡੇ ਹੀ ਸਿਰ ਤੇ ਬਦਮਾਸ਼ ਬਣ ਕੇ ਸਾਡੇ ਹੀ ਸਿਰ ਉੱਤੇ ਸੁਆਹ ਪਾ ਦਿੱਤੀ।