ਲੱਦਾਖ 'ਚ ਪੰਜਾਬ ਦੇ ਲੈਫਟਿਨੈਂਟ ਕਰਨਲ ਅਤੇ ਜਵਾਨ ਸ਼ਹੀਦ: ਭੂਸਖਲਨ ਕਾਰਨ ਆਰਮੀ ਵਾਹਨ 'ਤੇ ਚੱਟਾਨ ਡਿੱਗੀ, ਅੱਜ ਹੋਏਗੀ ਅੰਤਿਮ ਵਿਦਾਈ
ਫੌਜ ਤੋਂ ਪੰਜਾਬ ਦੇ ਲਈ ਮੰਦਭਾਗੀ ਖਬਰ ਸਾਹਮਣੇ ਆਈ ਹੈ। ਜਿੱਥੇ ਦੇਸ਼ ਦੀ ਸੇਵਾ ਕਰਦੇ ਹੋਏ ਪਠਾਨਕੋਟ ਜ਼ਿਲ੍ਹੇ ਦੇ ਲੈਫਟੀਨੈਂਟ ਕਰਨਲ ਭਾਨੂ ਪ੍ਰਤਾਪ ਸਿੰਘ ਤੇ ਗੁਰਦਾਸਪੁਰ ਜ਼ਿਲ੍ਹੇ ਦੇ ਦੀਨਾਨਗਰ ਦੇ ਪਿੰਡ ਸ਼ਮਸ਼ੇਰਪੁਰ ਦੇ ਨਾਇਕ ਦਲਜੀਤ ਸਿੰਘ ਵੀਰਗਤੀ
ਪੰਜਾਬ ਦੇ ਪਠਾਨਕੋਟ ਜ਼ਿਲ੍ਹੇ ਦੇ ਲੈਫਟੀਨੈਂਟ ਕਰਨਲ ਭਾਨੂ ਪ੍ਰਤਾਪ ਸਿੰਘ ਅਤੇ ਗੁਰਦਾਸਪੁਰ ਜ਼ਿਲ੍ਹੇ ਦੇ ਦੀਨਾਨਗਰ ਦੇ ਪਿੰਡ ਸ਼ਮਸ਼ੇਰਪੁਰ ਦੇ ਨਾਇਕ ਦਲਜੀਤ ਸਿੰਘ ਨੇ ਲੱਦਾਖ ਦੀਆਂ ਔਖੀਆਂ ਵਾਦੀਆਂ ਵਿੱਚ ਦੇਸ਼ ਦੀ ਸੇਵਾ ਕਰਦਿਆਂ ਵੀਰਗਤੀ ਪ੍ਰਾਪਤ ਕਰ ਲਈ। ਬੁੱਧਵਾਰ ਸਵੇਰੇ ਲੱਦਾਖ ਵਿੱਚ ਸੈਨਾ ਦਾ ਕਾਫਲਾ ਅਚਾਨਕ ਭੂ-ਸਖਲਣ ਦੀ ਲਪੇਟ ਵਿੱਚ ਆ ਗਿਆ। ਇਸ ਘਟਨਾ ਵਿੱਚ ਵਾਹਨ ਵਿੱਚ ਬੈਠੇ ਤਿੰਨ ਹੋਰ ਜਵਾਨ ਜ਼ਖਮੀ ਹੋ ਗਏ।
ਜਦੋਂ ਹਾਦਸੇ ਦੀ ਖ਼ਬਰ ਮਿਲੀ ਤਾਂ ਪਠਾਨਕੋਟ ਅਤੇ ਪਿੰਡ ਸ਼ਮਸ਼ੇਰਪੁਰ 'ਚ ਸੋਗ ਦੀ ਲਹਿਰ ਦੌੜ ਗਈ। ਫੌਜੀ ਅਧਿਕਾਰੀਆਂ ਵੱਲੋਂ ਪਰਿਵਾਰਾਂ ਨੂੰ ਦੱਸਿਆ ਗਿਆ ਕਿ ਇਹ ਹਾਦਸਾ ਕਰੀਬ ਸਵੇਰੇ 11:30 ਵਜੇ ਹੋਇਆ, ਜਦੋਂ ਫੌਜ ਦਾ ਕਾਫ਼ਿਲਾ ਦੁਰਬੁਕ ਤੋਂ ਚੋਂਗਤਾਸ਼ ਵੱਲ ਜਾ ਰਿਹਾ ਸੀ। ਜਿਵੇਂ ਹੀ ਵਾਹਨ KM 74 ਦੇ ਨੇੜੇ ਪਹੁੰਚਿਆ, ਉਥੇ ਅਚਾਨਕ ਭਾਰੀ ਭੂਸਖਲਨ ਹੋ ਗਿਆ।
ਇਸ ਦੌਰਾਨ ਇੱਕ ਵੱਡੀ ਚੱਟਾਨ ਫੌਜੀ ਵਾਹਨ 'ਤੇ ਆ ਡਿੱਗੀ, ਜਿਸ ਨਾਲ ਵਾਹਨ ਪੂਰੀ ਤਰ੍ਹਾਂ ਨੁਕਸਾਨਗ੍ਰਸਤ ਹੋ ਗਿਆ। ਹਾਦਸੇ ਦੇ ਸਮੇਂ ਨਾਇਕ ਦਲਜੀਤ ਸਿੰਘ ਵਾਹਨ ਚਲਾ ਰਹੇ ਸਨ। ਸਾਰੇ ਜਵਾਨ ਫਾਇਰਿੰਗ ਰੇਂਜ ਵੱਲ ਜਾ ਰਹੇ ਸਨ।
ਹਾਦਸੇ 'ਚ ਤਿੰਨ ਜਵਾਨ ਸ਼ਹੀਦ
ਹਾਦਸੇ ਵਿੱਚ ਤਿੰਨ ਹੋਰ ਜਵਾਨ – ਮੇਜਰ ਮਯੰਕ ਸ਼ੁਭਮ (14 ਸਿੰਧ ਹਾਰਸ), ਮੇਜਰ ਅਮਿਤ ਦੀਕਸ਼ਿਤ ਅਤੇ ਕੈਪਟਨ ਗੌਰਵ (60 ਆਰਮਡ) ਜ਼ਖਮੀ ਹੋਏ ਹਨ। ਉਨ੍ਹਾਂ ਨੂੰ ਲੇਹ ਸਥਿਤ 153 ਜਨਰਲ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ, ਜਿੱਥੇ ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ ਅਤੇ ਉਨ੍ਹਾਂ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ।
ਪਿੰਡ 'ਚ ਛਾਇਆ ਮਾਤਮ, ਲੋਕਾਂ ਦੀਆਂ ਅੱਖਾਂ ਹੋਈਆਂ ਨਮ
ਜਿਵੇਂ ਹੀ ਨਾਇਕ ਦਲਜੀਤ ਸਿੰਘ ਦੀ ਸ਼ਹਾਦਤ ਦੀ ਖ਼ਬਰ ਪਿੰਡ ਸ਼ਮਸ਼ੇਰਪੁਰ ਪਹੁੰਚੀ, ਪਰਿਵਾਰ ਤੇ ਪਿੰਡ ਵਾਸੀਆਂ ਉੱਤੇ ਦੁੱਖ ਦਾ ਪਹਾੜ ਟੁੱਟ ਪਿਆ। ਪਰਿਵਾਰਕ ਮੈਂਬਰਾਂ ਦੀਆਂ ਅੱਖਾਂ 'ਚੋਂ ਹੰਝੂ ਨਹੀਂ ਰੁਕ ਰਹੇ। ਪਿੰਡ 'ਚ ਹਰ ਪਾਸੇ ਸੋਗ ਦਾ ਮਾਹੌਲ ਛਾਇਆ ਹੋਇਆ ਹੈ।
ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਦਲਜੀਤ ਸਿੰਘ ਬਚਪਨ ਤੋਂ ਹੀ ਦੇਸ਼ ਭਗਤੀ ਦੀ ਭਾਵਨਾ ਨਾਲ ਭਰਪੂਰ ਸੀ ਅਤੇ ਫੌਜ 'ਚ ਭਰਤੀ ਹੋ ਕੇ ਦੇਸ਼ ਦੀ ਸੇਵਾ ਕਰਨਾ ਉਸਦਾ ਸੁਪਨਾ ਸੀ। ਉਹ ਕਈ ਸਾਲਾਂ ਤੋਂ ਫੌਜ 'ਚ ਸੇਵਾ ਦੇ ਰਹੇ ਸਨ ਅਤੇ ਲੱਦਾਖ 'ਚ ਤਾਇਨਾਤ ਸਨ।
ਉੱਥੇ ਹੀ, ਪਠਾਨਕੋਟ ਦੇ ਭਾਨੂ ਪ੍ਰਤਾਪ ਸਿੰਘ ਨੂੰ ਜੂਨ ਮਹੀਨੇ 'ਚ ਹੀ ਤਰੱਕੀ ਮਿਲੀ ਸੀ ਅਤੇ ਉਹ ਲੈਫਟਿਨੈਂਟ ਕਰਨਲ ਬਣੇ ਸਨ।
ਸੈਨਾ ਦੇ ਸਨਮਾਨ ਨਾਲ ਅੱਜ ਹੋਏਗੀ ਵਿਦਾਈ
ਅੱਜ ਦੋਵੇਂ ਸ਼ਹੀਦਾਂ ਦੇ ਪਾਰਥਿਕ ਸਰੀਰ ਪੰਜਾਬ ਲਿਆਉਂਦੇ ਜਾਣਗੇ। ਪਠਾਨਕੋਟ 'ਚ ਸ਼ਹੀਦ ਭਾਨੂ ਪ੍ਰਤਾਪ ਸਿੰਘ ਅਤੇ ਗੁਰਦਾਸਪੁਰ 'ਚ ਦਲਜੀਤ ਸਿੰਘ ਨੂੰ ਆਖ਼ਰੀ ਵਿਦਾਈ ਦਿੱਤੀ ਜਾਵੇਗੀ। ਲੱਦਾਖ ਤੋਂ ਦੋਵੇਂ ਸ਼ਹੀਦਾਂ ਦੇ ਸਰੀਰ ਅੱਜ ਪਠਾਨਕੋਟ ਏਅਰਬੇਸ 'ਤੇ ਲਿਆਉਂਦੇ ਜਾਣਗੇ।
ਸ਼ਹੀਦ ਹਵਲਦਾਰ ਦਲਜੀਤ ਸਿੰਘ ਦਾ ਪਾਰਥਿਕ ਸਰੀਰ ਉਨ੍ਹਾਂ ਦੇ ਜ਼ੱਦੀ ਪਿੰਡ ਅਤੇ ਸ਼ਹੀਦ ਭਾਨੂ ਪ੍ਰਤਾਪ ਸਿੰਘ ਨੂੰ ਉਨ੍ਹਾਂ ਦੇ ਘਰ ਲਿਆਂਦਾ ਜਾਵੇਗਾ, ਜਿੱਥੇ ਪੂਰੇ ਸੈਨਿਕ ਸਨਮਾਨ ਨਾਲ ਅੰਤਿਮ ਸੰਸਕਾਰ ਕੀਤਾ ਜਾਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
