ਮੋਹਾਲੀ 'ਚ ਟੈਕਸੀ ਡਰਾਈਵਰ ਗੱਡੀ ਸਮੇਤ ਗਾਇਬ; ਪਰਿਵਾਰ ਨੂੰ ਦੱਸਿਆ ਸੀ ਕਿ ਚੰਡੀਗੜ੍ਹ ਸਵਾਰੀ ਛੱਡਣ ਜਾ ਰਿਹਾ...ਇਲਾਕੇ 'ਚ ਖੌਫ ਦਾ ਮਾਹੌਲ
ਮੋਹਾਲੀ ਤੋਂ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਟੈਕਸੀ ਟੈਕਸੀ ਡਰਾਈਵਰ ਗੱਡੀ ਸਮੇਤ ਗਾਇਬ ਹੋ ਗਿਆ। ਪਰਿਵਾਰ ਨਾਲ ਜਦੋਂ ਆਖਰੀ ਵਾਰ ਗੱਲ ਹੋਈ ਸੀ ਤਾਂ ਉਸ ਨੇ ਕਿਹਾ ਸੀ ਸਵਾਰੀ ਨੂੰ ਚੰਡੀਗੜ੍ਹ ਰੇਲਵੇ ਸਟੇਸ਼ਨ ਛੱਡ ਉਹ ਘਰ ਵਾਪਿਸ..
ਮੋਹਾਲੀ ਦੇ ਨਵਾਂਗਾਓ ਦਾ ਰਹਿਣ ਵਾਲਾ ਇੱਕ ਵਿਅਕਤੀ ਸ਼ੁੱਕਰਵਾਰ ਦੇਰ ਸ਼ਾਮ ਤੋਂ ਲਾਪਤਾ ਹੈ। ਉਹ ਪੇਸ਼ੇ ਨਾਲ ਟੈਕਸੀ ਚਾਲਕ ਹੈ। ਅਜੇ ਤੱਕ ਉਸਦਾ ਕੋਈ ਪਤਾ ਨਹੀਂ ਲੱਗ ਸਕਿਆ। ਲਾਪਤਾ ਚਾਲਕ ਦੀ ਪਛਾਣ ਅਨਿਲ (32) ਵਜੋਂ ਹੋਈ ਹੈ। ਉਹ ਵਿਆਹਿਆ ਹੋਇਆ ਹੈ ਅਤੇ ਉਸਦਾ ਇੱਕ ਪੁੱਤਰ ਹੈ।
ਪਰਿਵਾਰ ਦੇ ਮੁਤਾਬਕ, ਅਨਿਲ ਨੇ ਸ਼ੁੱਕਰਵਾਰ ਰਾਤ ਕਰੀਬ 10 ਵਜੇ ਆਖਰੀ ਵਾਰ ਘਰ 'ਤੇ ਫੋਨ ਕੀਤਾ ਸੀ। ਉਸ ਸਮੇਂ ਉਸਨੇ ਦੱਸਿਆ ਸੀ ਕਿ ਉਹ ਖਰੜ ਇਲਾਕੇ ਤੋਂ ਸਵਾਰੀ ਲੈ ਕੇ ਚੰਡੀਗੜ੍ਹ ਰੇਲਵੇ ਸਟੇਸ਼ਨ ਜਾ ਰਿਹਾ ਹੈ। ਉਸਨੇ ਇਹ ਵੀ ਕਿਹਾ ਸੀ ਕਿ ਇਹ ਉਸਦੀ ਦਿਨ ਦੀ ਆਖਰੀ ਬੁਕਿੰਗ ਹੈ ਅਤੇ ਇਸ ਤੋਂ ਬਾਅਦ ਉਹ ਸਿੱਧਾ ਘਰ ਆ ਕੇ ਖਾਣਾ ਖਾਏਗਾ। ਪਰ ਇਸ ਤੋਂ ਬਾਅਦ ਤੋਂ ਉਸਦਾ ਪਰਿਵਾਰ ਨਾਲ ਕੋਈ ਸੰਪਰਕ ਨਹੀਂ ਹੋਇਆ ਅਤੇ ਉਸਦਾ ਮੋਬਾਈਲ ਫੋਨ ਵੀ ਬੰਦ ਆ ਰਿਹਾ ਹੈ।
ਰੇਲਵੇ ਸਟੇਸ਼ਨ ਦੀ ਬਜਾਏ ਕਾਰ ਰੂਪਨਗਰ ਵੱਲ ਚਲੀ ਗਈ
ਜਦੋਂ ਅਨਿਲ ਦਾ ਕੋਈ ਪਤਾ ਨਹੀਂ ਲੱਗਾ ਤਾਂ ਪਰਿਵਾਰ ਨੇ ਆਪਣੇ ਪੱਧਰ 'ਤੇ ਜਾਂਚ ਸ਼ੁਰੂ ਕੀਤੀ। ਜਾਂਚ ਦੌਰਾਨ ਪਤਾ ਲੱਗਾ ਕਿ ਰਾਤ ਕਰੀਬ 11:45 ਵਜੇ ਉਸਦੀ ਕਾਰ ਕੁਰਾਲੀ ਟੋਲ ਪਲਾਜ਼ਾ ਤੋਂ ਗੁਜ਼ਰੀ ਸੀ। ਕਾਰ ਦੇ ਨੰਬਰ ਤੋਂ ਇਸਦੀ ਪਛਾਣ ਹੋਈ। ਪਰਿਵਾਰ ਨੇ ਟੋਲ ਪਲਾਜ਼ਾ ਦਾ ਸੀਸੀਟੀਵੀ ਫੁਟੇਜ ਵੇਖਿਆ, ਜਿਸ ਵਿੱਚ ਕਾਰ ਨੂੰ ਇੱਕ ਅਣਜਾਣ ਵਿਅਕਤੀ ਚਲਾ ਰਿਹਾ ਸੀ ਅਤੇ ਉਸਦੀ ਨਾਲ ਵਾਲੀ ਸੀਟ 'ਤੇ ਦੂਜਾ ਸ਼ਖ਼ਸ ਬੈਠਾ ਸੀ। ਕਾਰ ਚਾਲਕ ਨੇ ਆਪਣੇ ਮੂੰਹ ਨੂੰ ਕਾਲੇ ਕਪੜੇ ਨਾਲ ਢੱਕਿਆ ਹੋਇਆ ਸੀ।
ਅਨਿਲ ਨਾਲ ਅਣਹੋਣੀ ਦਾ ਖਦਸ਼ਾ
ਪਰਿਵਾਰ ਨੂੰ ਡਰ ਹੈ ਕਿ ਅਨਿਲ ਨਾਲ ਕੋਈ ਅਣਹੋਣੀ ਵਾਪਰੀ ਹੋ ਸਕਦੀ ਹੈ। ਜਾਣਕਾਰੀ ਅਨੁਸਾਰ, ਕੁਰਾਲੀ ਤੋਂ ਬਾਅਦ ਅਨਿਲ ਦੀ ਕਾਰ ਰਾਤ 12:03 ਵਜੇ ਰੋਪੜ ਵੱਲ ਜਾਣ ਵਾਲੇ ਰਸਤੇ 'ਤੇ ਪੈਂਦੇ ਇੱਕ ਹੋਰ ਟੋਲ ਪਲਾਜ਼ਾ ਤੋਂ ਲੰਘੀ। ਇਸ ਤੋਂ ਬਾਅਦ ਇਹ ਕਾਰ ਰਾਤ ਕਰੀਬ 1:02 ਵਜੇ ਬਹਿਰਾਮ ਟੋਲ ਪਲਾਜ਼ਾ 'ਤੇ ਦਿਖਾਈ ਦਿੱਤੀ। ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਕੁਰਾਲੀ ਤੋਂ ਬਹਿਰਾਮ ਟੋਲ ਪਲਾਜ਼ਾ ਤੱਕ ਪਹੁੰਚਣ ਵਿੱਚ ਆਮ ਤੌਰ 'ਤੇ 40 ਤੋਂ 45 ਮਿੰਟ ਦਾ ਸਮਾਂ ਲੱਗਦਾ ਹੈ, ਪਰ ਅਨਿਲ ਦੀ ਕਾਰ ਨੂੰ ਲਗਭਗ 1 ਘੰਟਾ ਲੱਗਿਆ। ਇਸ ਕਾਰਨ ਪਰਿਵਾਰ ਨੂੰ ਸ਼ੱਕ ਹੈ ਕਿ ਰਸਤੇ ਵਿੱਚ ਕਰੀਬ 15 ਮਿੰਟ ਗੱਡੀ ਰੋਕ ਕੇ ਅਨਿਲ ਨਾਲ ਕੋਈ ਵਾਰਦਾਤ ਵਾਪਰੀ ਹੋ ਸਕਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
