ਉਸ ਨੇ ਪੁਲਿਸ ਸਾਹਮਣੇ ਆਪਣੇ ਜ਼ੁਰਮ ਦਾ ਕਬੂਲਨਾਮਾ ਕੀਤਾ ਹੈ। ਪੁਲਿਸ ਨੇ ਐਫਆਈਆਰ ਦਰਜ ਕਰ ਉਸ ਨੂੰ ਜੇਲ੍ਹ ਭੇਜ ਦਿੱਤਾ ਹੈ। ਇਹ ਮਾਮਲਾ ਉਦੋਂ ਸਾਹਮਣੇ ਆਇਆ ਜਦੋਂ ਬੱਚੀ ਦਾ ਵਧਿਆ ਹੋਇਆ ਢਿੱਡ ਦੇਖ ਕੇ ਸਕੂਲ ਟੀਚਰ ਨੇ ਉਸ ਦੀ ਜਾਂਚ ਕਰਵਾਈ। ਜਾਂਚ ‘ਚ ਪਤਾ ਲੱਗਿਆ ਬੱਚੀ 7 ਮਹੀਨੇ ਦੀ ਗਰਭਵਤੀ ਹੈ। ਇਸ ਤੋਂ ਬਾਅਦ ਹੁਣ ਦੇਰ ਰਾਤ ਬੱਚੀ ਨੇ ਚੰਡੀਗੜ੍ਹ ਦੇ ਜੀਐਮਸੀਐਚ-32 ‘ਚ ਬੇਟੇ ਨੂੰ ਜਨਮ ਦਿੱਤਾ।
ਪੀੜਤਾ ਦੀ ਹਾਲਤ ਨਾਜੁਕ ਹੈ ਜਦਕਿ ਬੱਚਾ ਤੰਦਰੁਸਤ ਹੈ। ਪੀੜਤਾ ਦੀ ਉਮਰ ਘੱਟ ਹੋਣ ਕਾਰਨ ਉਸ ਨੂੰ ਡਿਲੀਵਰੀ ਤੋਂ ਇੱਕ ਹਫਤਾ ਪਹਿਲਾਂ ਹੀ ਹਸਤਪਾਲ ਦਾਖਲ ਕਰਵਾ ਦਿੱਤਾ ਗਿਆ ਸੀ ਜਿੱਥੇ ਉਸ ਦਾ ਸਿਜ਼ੇਰੀਅਨ ਰਾਹੀਂ ਜਣੇਪਾ ਕਰਾਇਆ ਗਿਆ।
ਬੱਚੀ ਦੀ ਉਮਰ ਘੱਟ ਹੋਣ ਕਾਰਨ ਬੱਚਾ ਉਸ ਨੂੰ ਨਹੀਂ ਦਿੱਤਾ ਜਾਵੇਗਾ। ਉਸ ਦਾ ਪਾਲਣ ਕਿਸੇ ਚਾਈਲਡ ਸੰਗਠਨ ‘ਚ ਕੀਤਾ ਜਾਵੇਗਾ। ਪੀੜਤਾ ਕਿੱਥੇ ਰਹੇਗੀ, ਇਸ ਦਾ ਫੈਸਲਾ ਹੋਣਾ ਅਜੇ ਬਾਕੀ ਹੈ।