ਦੱਸ ਦਈਏ ਕਿ ਟਾਪ ਦੇ ਸੈਨਿਕ ਜਨਰਲ ਕਾਸੀਮ ਸੁਲੇਮਾਨੀ ਦੇ ਕਤਲ ਤੋਂ ਬਾਅਦ ਇਰਾਨ ਨੇ ਇਰਾਕ 'ਚ ਅਮਰੀਕੀ ਸੈਨਾ ਵੱਲੋਂ ਵਰਤੀ ਜਾਂਦੀ ਦੋ ਏਅਰਬੇਸਾਂ 'ਤੇ ਕਰੀਬ ਇੱਕ ਦਰਜਨ ਮਿਜ਼ਾਈਲਾਂ ਦਾਗੀਆਂ। ਇਨ੍ਹਾਂ ਮਿਜ਼ਾਈਲਾਂ ਦੇ ਹਮਲਿਆਂ ਦੀ ਇੱਕ ਵੀਡੀਓ ਸਥਾਨਕ ਲੋਕਾਂ ਨੇ ਆਪਣੇ ਮੋਬਾਈਲ ਫੋਨਾਂ ਤੋਂ ਸ਼ੂਟ ਕੀਤੀ ਹੈ। ਵੀਡੀਓ 'ਚ ਲਾਈਟ ਦੀ ਲਕੀਰ ਰਾਤ ਦੇ ਹਨੇਰੇ 'ਚ ਅਸਮਾਨ 'ਤੇ ਦਿਖਾਈ ਦਿੰਦੀ ਹੈ ਅਤੇ ਫਿਰ ਇੱਕ ਅੱਗ ਦੇ ਗੋਲੇ ਦੀ ਸ਼ਕਲ 'ਚ ਜ਼ਮੀਨ ਨਾਲ ਟਕਰਾਉਂਦੀ ਹੈ। ਜਦੋਂ ਮਿਜ਼ਾਈਲਾਂ ਜ਼ਮੀਨ 'ਤੇ ਆਉਂਦੀਆਂ ਹਨ ਤਾਂ ਉੱਚੀ ਆਵਾਜ਼ ਆਉਂਦੀ ਹੈ। ਲੋਕ ਚੀਖਣਾ ਸ਼ੁਰੂ ਕਰ ਦਿੰਦੇ ਹਨ ਅਤੇ ਉੱਥੋਂ ਭੱਜਣਾ ਸ਼ੁਰੂ ਕਰ ਦਿੰਦੇ ਹਨ।
ਦੱਸ ਦੇਈਏ ਕਿ ਇਰਾਨ ਨੇ ਇਹ ਮਿਜ਼ਾਈਲ ਇਰਾਕ ਦੇ ਅਮਰੀਕੀ ਸੈਨਿਕ ਕੈਂਪ ਅਲ-ਅਸਦ ਅਤੇ ਇਰਬਿਲ ‘ਤੇ ਚਲਾਈ ਹੈ। ਹਾਲਾਂਕਿ, ਅਜੇ ਤੱਕ ਇਨ੍ਹਾਂ ਹਮਲਿਆਂ ‘ਚ ਕਿਸੇ ਜਾਨੀ ਨੁਕਸਾਨ ਦੀ ਖ਼ਬਰ ਨਹੀਂ ਹੈ। ਇਸ ਦੇ ਨਾਲ ਹੀ ਅਮਰੀਕੀ ਰੱਖਿਆ ਮੰਤਰਾਲੇ ਪੈਂਟਾਗਨ ਨੇ ਵੀ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਇਹ ਮਿਜ਼ਾਈਲ ਇਰਾਨ ਵੱਲੋਂ ਇਰਾਕ ‘ਚ ਉਸ ਦੇ ਦੋ ਫੌਜੀ ਕੈਂਪਾਂ ‘ਤੇ ਚਲਾਈ ਗਈ ਹੈ।