Trending Video: ਫਲੋਰੀਡਾ (Florida) ਵਿੱਚ ਪੁਲਿਸ ਨੇ ਇੱਕ ਦਿਨ ਪਹਿਲਾਂ ਲਾਪਤਾ (Missing) ਇੱਕ ਬਜ਼ੁਰਗ ਵਿਅਕਤੀ ਨੂੰ ਲੱਭ ਲਿਆ। ਉਸ ਦੇ ਇੱਕ ਦਿਨ ਪਹਿਲਾਂ ਲਾਪਤਾ ਹੋਣ ਦੀ ਰਿਪੋਰਟ ਤੋਂ ਬਾਅਦ, ਇੱਕ ਬਜ਼ੁਰਗ ਆਦਮੀ ਨੂੰ ਫਲੋਰੀਡਾ ਦੇ ਪੱਛਮੀ ਔਰੇਂਜ ਕਾਉਂਟੀ ਵਿੱਚ ਇੱਕ ਛੱਪੜ ਵਿੱਚੋਂ ਕੱਢਿਆ ਗਿਆ, ਓਰੇਂਜ ਕਾਉਂਟੀ ਸ਼ੈਰਿਫ ਦੇ ਦਫਤਰ (Orange County Sherrif Office) ਦੁਆਰਾ ਸਾਂਝੀ ਕੀਤੀ ਗਈ ਫੁਟੇਜ ਸਾਹਮਣੇ ਆਈ ਹੈ।
ਅਧਿਕਾਰੀਆਂ ਮੁਤਾਬਕ 81 ਸਾਲਾ ਡੇਨੀਅਲ ਬਚਾਅ ਤੋਂ ਇੱਕ ਦਿਨ ਪਹਿਲਾਂ ਬਿਨਾਂ ਦਵਾਈ ਦੇ ਆਪਣੇ ਘਰ ਛੱਡ ਗਿਆ ਸੀ। ਫੁਟੇਜ ਵਿੱਚ ਡਿਪਟੀ ਸਟੀਵਨ ਜੋਨਸ ਇੱਕ ਬੇਹੋਸ਼ ਆਦਮੀ ਨੂੰ ਲੱਭਦਾ ਹੈ ਅਤੇ ਉਸ ਨੂੰ ਗੰਦੇ ਪਾਣੀ ਵਿੱਚੋਂ ਬਾਹਰ ਕੱਢਦੇ ਹੋਏ ਦਿਖਾਇਆ ਗਿਆ ਹੈ।
'ਬਜ਼ੁਰਗ ਹੌਲੀ-ਹੌਲੀ ਹੋ ਰਿਹੈ ਠੀਕ'
ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਸ 81 ਸਾਲਾ ਵਿਅਕਤੀ ਨੂੰ ਬਚਾਅ ਤੋਂ ਬਾਅਦ ਸਿੱਧੇ ਸਥਾਨਕ ਹਸਪਤਾਲ ਲਿਜਾਇਆ ਗਿਆ। ਸ਼ੈਰਿਫ ਦਫਤਰ ਦੇ ਅਨੁਸਾਰ, ਬਜ਼ੁਰਗ ਵਿਅਕਤੀ ਹੌਲੀ-ਹੌਲੀ ਠੀਕ ਹੋ ਰਿਹਾ ਹੈ ਅਤੇ ਡਾਕਟਰੀ ਇਲਾਜ ਤੋਂ ਬਾਅਦ ਜਲਦੀ ਹੀ ਠੀਕ ਹੋ ਜਾਵੇਗਾ। ਡੈਨੀਅਲ ਦੇ ਪਾਣੀ ਵਿੱਚੋਂ ਬਾਹਰ ਆਉਣ ਤੋਂ ਬਾਅਦ, ਡਿਪਟੀ ਜੋਨਸ ਨੇ ਕਿਹਾ, 'ਅਸੀਂ ਤੁਹਾਨੂੰ ਲੱਭ ਰਹੇ ਹਾਂ, ਦੋਸਤ। ਮੈਨੂੰ ਖੁਸ਼ੀ ਹੈ ਕਿ ਅਸੀਂ ਤੁਹਾਨੂੰ ਲੱਭ ਲਿਆ।'
ਬਚਾਅ ਕਾਰਜ ਦੀ ਵੀਡੀਓ
ਜ਼ਿਕਰਯੋਗ ਹੈ ਕਿ ਇਸ ਤੋਂ ਇੱਕ ਦਿਨ ਪਹਿਲਾਂ ਇੱਕ 81 ਸਾਲਾ ਵਿਅਕਤੀ ਲਾਪਤਾ ਹੋ ਗਿਆ ਸੀ। ਪੁਲਿਸ ਨੇ ਸ਼ਲਾਘਾਯੋਗ ਕੰਮ ਕਰਦੇ ਹੋਏ ਇਸ ਬਜ਼ੁਰਗ ਵਿਅਕਤੀ ਨੂੰ ਛੱਪੜ ਵਿੱਚੋਂ ਬਚਾਇਆ। ਇਸ ਬਚਾਅ ਮੁਹਿੰਮ ਦਾ ਵੀਡੀਓ ਔਰੇਂਜ ਕਾਊਂਟੀ ਸ਼ੈਰਿਫ ਦਫਤਰ ਨੇ ਆਪਣੇ ਯੂਟਿਊਬ ਚੈਨਲ 'ਤੇ ਪੋਸਟ ਕੀਤਾ ਹੈ।
ਮਾਲ 'ਚ ਸਾਰਿਆਂ ਸਾਹਮਣੇ ਜੰਗਲੀ ਬਿੱਲੀਆਂ ਵਾਂਗ ਭਿੜੀਆਂ ਦੋ ਕੁੜੀਆਂ, ਪਾੜੇ ਇੱਕ-ਦੂਜੇ ਦੇ ਕੱਪੜੇ, Video Viral