Heart Attack: ਮਸ਼ਹੂਰ ਹਸਤੀ ਦੀ ਹਾਰਟ ਅਟੈਕ ਨਾਲ ਮੌਤ, ਗਮ 'ਚ ਡੁੱਬੇ ਫਿਲਮੀ ਸਿਤਾਰੇ; ਸਦਮੇ 'ਚ ਪਰਿਵਾਰ...

Who Was Diego Borella: ਮਨੋਰੰਜਨ ਜਗਤ ਤੋਂ ਲਗਾਤਾਰ ਦੂਜੀ ਵੱਡੀ ਮੰਦਭਾਗੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਮਸ਼ਹੂਰ ਵੈੱਬ ਸੀਰੀਜ਼ 'ਐਮਿਲੀ ਇਨ ਪੈਰਿਸ' ਦੇ ਸਹਾਇਕ ਨਿਰਦੇਸ਼ਕ ਡਿਏਗੋ ਬੋਰੇਲਾ ਦੀ ਅਚਾਨਕ ਮੌਤ ਹੋ ਗਈ।

Who Was Diego Borella:

ਡਿਏਗੋ ਬੋਰੇਲਾ ਦੀ ਮੌਤ ਦੀ ਖ਼ਬਰ ਤੋਂ ਹਰ ਕੋਈ ਹੈਰਾਨ ਅਤੇ ਪਰੇਸ਼ਾਨ ਹੈ। ਨਾਲ ਹੀ, ਸੀਰੀਜ਼ ਦੇ ਪੰਜਵੇਂ ਸੀਜ਼ਨ ਦੀ ਸ਼ੂਟਿੰਗ ਵੀ ਰੋਕ ਦਿੱਤੀ ਗਈ ਹੈ। ਆਓ ਜਾਣਦੇ ਹਾਂ ਡਿਏਗੋ ਬੋਰੇਲਾ ਕੌਣ ਸੀ?

ਕੌਣ ਸੀ ਡਿਏਗੋ ਬੋਰੇਲਾ ? ਡਿਏਗੋ ਬੋਰੇਲਾ ਬਾਰੇ ਗੱਲ ਕਰੀਏ ਤਾਂ ਉਹ ਵੇਨਿਸ ਵਿੱਚ ਪੈਦਾ ਹੋਇਆ ਸੀ। ਡਿਏਗੋ ਨੇ ਫਿਲਮ ਅਤੇ ਟੀਵੀ ਵਿੱਚ ਬਹੁਤ ਕੰਮ ਕੀਤਾ ਹੈ। ਡਿਏਗੋ ਸਭ ਤੋਂ ਵੱਧ ਉਡੀਕੀ ਜਾਣ ਵਾਲੀ ਵੈੱਬ ਸੀਰੀਜ਼ 'ਐਮਿਲੀ ਇਨ ਪੈਰਿਸ' ਦੇ ਸਹਾਇਕ ਨਿਰਦੇਸ਼ਕ ਸਨ। ਇਟਲੀ ਆਉਣ ਤੋਂ ਪਹਿਲਾਂ, ਡਿਏਗੋ ਰੋਮ, ਲੰਡਨ ਅਤੇ ਨਿਊਯਾਰਕ ਵਿੱਚ ਕੰਮ ਕਰ ਚੁੱਕੇ ਹਨ। ਇਤਾਲਵੀ ਆਉਟਲੈਟ ਨੇ ਰਿਪੋਰਟ ਦਿੱਤੀ ਹੈ ਕਿ ਹਾਲ ਹੀ ਵਿੱਚ ਉਨ੍ਹਾਂ ਨੇ ਕਵਿਤਾ, ਪਰੀਆਂ ਦੀਆਂ ਕਹਾਣੀਆਂ ਅਤੇ ਬੱਚਿਆਂ ਦੀਆਂ ਕਹਾਣੀਆਂ ਲਿਖਣ ਵਿੱਚ ਆਪਣੀ ਐਨਰਜੀ ਲਗਾਈ ਹੈ।

ਡਿਏਗੋ ਬੋਰੇਲਾ ਦੀ ਮੌਤ ਕਿਵੇਂ ਹੋਈ? ਰਿਪੋਰਟਾਂ ਮੁਤਾਬਕ, 47 ਸਾਲਾ ਡਿਏਗੋ ਬੋਰੇਲਾ ਸ਼ੂਟਿੰਗ ਦੌਰਾਨ ਅਚਾਨਕ ਬੇਹੋਸ਼ ਹੋ ਗਏ। ਮੌਕੇ 'ਤੇ ਮੌਜੂਦ ਮੈਡੀਕਲ ਟੀਮ ਨੇ ਡਿਏਗੋ ਦੀ ਮਦਦ ਕੀਤੀ, ਪਰ ਉਨ੍ਹਾਂ ਦੀ ਮੌਤ ਹੋ ਗਈ। ਸਥਾਨਕ ਡਾਕਟਰਾਂ ਦੇ ਟੈਸਟਾਂ ਤੋਂ ਬਾਅਦ ਇਸਦੀ ਪੁਸ਼ਟੀ ਹੋਈ ਹੈ। ਡਾਕਟਰ ਦਾ ਕਹਿਣਾ ਹੈ ਕਿ ਉਸਦੀ ਮੌਤ ਅਚਾਨਕ ਦਿਲ ਦਾ ਦੌਰਾ ਪੈਣ ਨਾਲ ਹੋਈ। ਡਿਏਗੋ ਦੀ ਮੌਤ ਕਾਰਨ ਹਰ ਪਾਸੇ ਸੋਗ ਦੀ ਲਹਿਰ ਹੈ।

ਸੀਰੀਜ਼ ਦੀ ਸ਼ੂਟਿੰਗ ਬੰਦ ਹੋ ਗਈ ਧਿਆਨ ਦੇਣ ਯੋਗ ਹੈ ਕਿ ਇਨ੍ਹੀਂ ਦਿਨੀਂ ਲਿਲੀ ਕੋਲਿਨਜ਼ ਸਟਾਰਰ ਵੈੱਬ ਸੀਰੀਜ਼ 'ਐਮਿਲੀ ਇਨ ਪੈਰਿਸ' ਦੇ ਪੰਜਵੇਂ ਸੀਜ਼ਨ ਦੀ ਸ਼ੂਟਿੰਗ ਇਟਲੀ ਵਿੱਚ ਹੋ ਰਹੀ ਸੀ, ਪਰ ਡਿਏਗੋ ਦੀ ਮੌਤ ਤੋਂ ਬਾਅਦ, ਸੀਰੀਜ਼ ਦੀ ਸ਼ੂਟਿੰਗ ਰੋਕ ਦਿੱਤੀ ਗਈ ਹੈ। ਇੰਨਾ ਹੀ ਨਹੀਂ, ਸੀਰੀਜ਼ ਦੇ ਨਿਰਮਾਤਾਵਾਂ ਵੱਲੋਂ ਇੱਕ ਅਧਿਕਾਰਤ ਬਿਆਨ ਵੀ ਜਾਰੀ ਕੀਤਾ ਗਿਆ ਹੈ। ਪੂਰੀ ਟੀਮ ਡਿਏਗੋ ਦੀ ਮੌਤ ਕਾਰਨ ਸਦਮੇ ਵਿੱਚ ਹੈ। ਮੁੱਖ ਅਦਾਕਾਰਾ ਨੇ ਅਜੇ ਤੱਕ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਹੈ।