Sonam Bajwa: ਸੋਨਮ ਬਾਜਵਾ ਨੇ ਸਾਰਾ ਅਲੀ ਖਾਨ ਦਾ ਨਾਂ ਲੈਕੇ ਸ਼ੁਭਮਨ ਗਿੱਲ ਦੀਆਂ ਖਿੱਚੀਆਂ ਲੱਤਾਂ, ਟਵੀਟ ਵਾਇਰਲ

Sonam Bajwa On Shubman Gill: ਸੋਨਮ ਬਾਜਵਾ ਨੇ ਸ਼ੁਬਮਨ ਗਿੱਲ ਨਾਲ ਡੇਟਿੰਗ ਦੀਆਂ ਅਫਵਾਹਾਂ ਦਾ ਜਵਾਬ ਦਿੱਤਾ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਸਾਰਾ ਅਲੀ ਖਾਨ ਦਾ ਨਾਂ ਲੈ ਕੇ ਕ੍ਰਿਕਟਰ ਦੀ ਲੱਤ ਖਿੱਚ ਲਈ ਹੈ।

ਸੋਨਮ ਬਾਜਵਾ, ਸ਼ੁਭਮਨ ਗਿੱਲ, ਸਾਰਾ ਅਲੀ ਖਾਨ

Sonam Bajwa On Shubman Gill: ਭਾਰਤੀ ਕ੍ਰਿਕਟਰ ਸ਼ੁਬਮਨ ਗਿੱਲ ਇਨ੍ਹੀਂ ਦਿਨੀਂ ਆਪਣੀ ਲਵ ਲਾਈਫ ਨੂੰ ਲੈ ਕੇ ਚਰਚਾ 'ਚ ਹੈ। ਬਾਲੀਵੁੱਡ ਅਦਾਕਾਰਾ ਸਾਰਾ ਅਲੀ ਖਾਨ ਅਤੇ ਸਚਿਨ ਤੇਂਦੁਲਕਰ ਦੀ ਬੇਟੀ ਸਾਰਾ ਤੇਂਦੁਲਕਰ ਨਾਲ ਸ਼ੁਭਮਨ ਦੇ ਅਫੇਅਰ ਦੀ ਖਬਰ ਵਾਇਰਲ ਹੋ ਗਈ ਹੈ।

ਇਸ ਦੌਰਾਨ ਕੁਝ ਲੋਕਾਂ ਨੇ ਸ਼ੁਭਮਨ ਗਿੱਲ ਦਾ ਨਾਂ ਅਦਾਕਾਰਾ-ਮਾਡਲ ਸੋਨਮ ਬਾਜਵਾ ਨਾਲ ਵੀ ਜੋੜਿਆ। ਹਾਲਾਂਕਿ ਜਦੋਂ ਸੋਨਮ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਸ ਨੇ ਸਾਰਾ ਸੱਚ ਦੱਸ ਦਿੱਤਾ।

ਦਰਅਸਲ, ਇਕ ਯੂਜ਼ਰ ਨੇ ਟਵਿਟਰ 'ਤੇ ਸੋਨਮ ਬਾਜਵਾ ਅਤੇ ਸ਼ੁਭਮਨ ਗਿੱਲ ਦੀ ਇਕ ਫੋਟੋ ਪੋਸਟ ਕੀਤੀ ਹੈ, ਜਿਸ 'ਚ ਦੋਵੇਂ ਇਕ-ਦੂਜੇ ਨਾਲ ਹੱਥ ਮਿਲਾਉਂਦੇ ਹੋਏ ਅਤੇ ਇਕ-ਦੂਜੇ ਨੂੰ ਦੇਖਦੇ ਨਜ਼ਰ ਆ ਰਹੇ ਹਨ।

ਇਸ ਦੇ ਕੈਪਸ਼ਨ 'ਚ ਯੂਜ਼ਰ ਨੇ ਲਿਖਿਆ, 'ਗਿੱਲ ਦੇ ਇੱਕ ਤੋਂ ਬਾਅਦ ਇੱਕ ਸੈਂਕੜੇ ਲਗਾਉਣ ਦਾ ਕਾਰਨ'। ਯੂਜ਼ਰਸ ਇਸ ਟਵੀਟ 'ਤੇ ਜਵਾਬ ਦੇ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, 'ਇਹ ਸੋਨਮ ਬਾਜਵਾ ਹੀ ਹੈ।' ਇੱਕ ਹੋਰ ਨੇ ਟਿੱਪਣੀ ਕੀਤੀ, 'ਅੱਗ ਲਾ ਦਿੱਤੀ।'

ਹੁਣ ਸੋਨਮ ਬਾਜਵਾ ਨੇ ਇਸ ਟਵੀਟ ਨੂੰ ਦੁਬਾਰਾ ਸ਼ੇਅਰ ਕਰਕੇ ਜਵਾਬ ਦਿੱਤਾ ਹੈ। ਉਨ੍ਹਾਂ ਲਿਖਿਆ, 'ਇਹ ਸਾਰੇ ਦਾ ਸਾਰਾ ਝੂਠ ਹੈ।' ਹੁਣ ਯੂਜ਼ਰਸ ਇਸ 'ਤੇ ਜਵਾਬ ਦੇ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, 'ਏਪਿਕ ਰਿਪਲਾਈ'।

ਇਕ ਹੋਰ ਯੂਜ਼ਰ ਨੇ ਲਿਖਿਆ, 'ਇੰਨਾਂ ਸਾਰਾ ਸਾਰਾ ਯੂਜ਼ ਕਰ ਲਿਆ।' ਇਸ ਦੇ ਨਾਲ ਹੀ ਇਕ ਹੋਰ ਯੂਜ਼ਰ ਨੇ ਲਿਖਿਆ, 'ਇਸ਼ਾਰੇ ਨੂੰ ਸਮਝੋ'। ਸੋਨਮ ਬਾਜਵਾ ਨੇ ਕੈਪਸ਼ਨ 'ਚ 'ਸਾਰਾ' ਦਾ ਨਾਂ ਲਿਖ ਕੇ ਸਾਰਾ ਅਲੀ ਵੱਲ ਇਸ਼ਾਰਾ ਕੀਤਾ ਹੈ ਅਤੇ ਸ਼ੁਭਮਨ ਗਿੱਲ ਦੀ ਲੱਤ ਖਿੱਚੀ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਕੁਝ ਸਮਾਂ ਪਹਿਲਾਂ ਕ੍ਰਿਕਟਰ ਸ਼ੁਭਮਨ ਗਿੱਲ ਸੋਨਮ ਬਾਜਵਾ ਦੇ ਟਾਕ ਸ਼ੋਅ 'ਚ ਪਹੁੰਚੇ ਸਨ, ਜਿੱਥੇ ਉਨ੍ਹਾਂ ਨੂੰ ਸਾਰਾ ਅਲੀ ਖਾਨ ਨੂੰ ਡੇਟ ਕਰਨ ਬਾਰੇ ਸਵਾਲ ਪੁੱਛਿਆ ਗਿਆ ਸੀ।

ਟਾਕ ਸ਼ੋਅ 'ਚ ਸੋਨਮ ਨੇ ਸ਼ੁਭਮਨ ਤੋਂ ਪੁੱਛਿਆ ਕਿ ਬਾਲੀਵੁੱਡ 'ਚ ਸਭ ਤੋਂ ਫਿੱਟ ਅਦਾਕਾਰਾ ਕੌਣ ਹੈ, ਜਿਸ 'ਤੇ ਉਨ੍ਹਾਂ ਨੇ ਸਾਰਾ ਅਲੀ ਖਾਨ ਦਾ ਨਾਂ ਲਿਆ। ਇਸ ਤੋਂ ਬਾਅਦ ਸੋਨਮ ਨੇ ਪੁੱਛਿਆ ਕਿ ਕੀ ਤੁਸੀਂ ਸਾਰਾ ਨੂੰ ਡੇਟ ਕਰ ਰਹੇ ਹੋ, ਤਾਂ ਸ਼ੁਭਮਨ ਨੇ ਕਿਹਾ- ਹੋ ਸਕਦਾ ਹੈ। ਇਸ ਤੋਂ ਬਾਅਦ ਸੋਨਮ ਹੱਸਣ ਲੱਗਦੀ ਹੈ। ਉਹ ਪੰਜਾਬੀ ਵਿੱਚ ਪੁੱਛਦੀ ਹੈ, ‘ਸਾਰਾ ਕਾ ਸਾਰਾ ਸੱਚ ਬੋਲੋ’। ਇਸ ਦੇ ਜਵਾਬ 'ਚ ਸ਼ੁਭਮਨ ਗਿੱਲ ਕਹਿੰਦੇ ਹਨ, 'ਮੈਂ ਪੂਰਾ ਸੱਚ ਬੋਲ ਰਿਹਾ ਹਾਂ।'