Shocking Incident: ਕਿਸੇ ਦੀ ਵੱਢੀ ਗਈ ਲੱਤ, ਕਿਸੇ ਦਾ ਧੜ੍ਹ ਨਾਲੋਂ ਵੱਖ ਹੋਇਆ ਸਿਰ; 12 ਲੋਕਾਂ ਦੀ ਮੌਤ 'ਤੇ 40 ਜ਼ਖਮੀ, ਮੰਜ਼ਰ ਵੇਖ ਕੰਬ ਜਾਏਗੀ ਰੂਹ...

Pushpak Express Incident: ਮਹਾਰਾਸ਼ਟਰ ਦੇ ਜਲਗਾਓਂ ਵਿੱਚ ਬੁੱਧਵਾਰ ਸ਼ਾਮ 4.45 ਤੇ ਇੱਕ ਵੱਡਾ ਰੇਲ ਹਾਦਸਾ ਵਾਪਰਿਆ। ਇਸ ਵਿੱਚ 12 ਲੋਕਾਂ ਦੀ ਮੌਤ ਹੋ ਗਈ। ਹਾਦਸੇ ਦਾ ਕਾਰਨ ਟ੍ਰੇਨ ਵਿੱਚ ਅੱਗ ਲੱਗਣ ਦੀ ਅਫਵਾਹ ਸੀ।

Pushpak Express Incident

ਮਹਾਰਾਸ਼ਟਰ ਦੇ ਜਲਗਾਓਂ ਵਿੱਚ ਬੁੱਧਵਾਰ ਸ਼ਾਮ 4.45 ਵਜੇ ਹੋਏ ਰੇਲ ਹਾਦਸੇ ਵਿੱਚ 12 ਲੋਕਾਂ ਦੀ ਮੌਤ ਦੀ ਪੁਸ਼ਟੀ ਹੋਈ ਹੈ। ਇਸ ਦੇ ਨਾਲ ਹੀ 40 ਲੋਕ ਜ਼ਖਮੀ ਹੋਏ ਹਨ। ਇਸ ਦੁਖਦਾਈ ਹਾਦਸੇ ਦੀਆਂ ਜੋ ਤਸਵੀਰਾਂ ਹੁਣ ਸਾਹਮਣੇ ਆ ਰਹੀਆਂ ਹਨ, ਉਹ ਡਰਾਉਣੀਆਂ ਹਨ।

ਤਸਵੀਰਾਂ ਵਿੱਚ, ਕਿਤੇ ਕਿਸੇ ਦੀ ਲੱਤ ਕੱਟੀ ਹੋਈ ਪਈ ਹੈ ਅਤੇ ਕਿਤੇ ਕਿਸੇ ਦਾ ਹੱਥ। ਕੁਝ ਥਾਵਾਂ 'ਤੇ, ਕਿਸੇ ਦਾ ਧੜ ਪੂਰੀ ਤਰ੍ਹਾਂ ਚਕਨਾਚੂਰ ਪਿਆ ਦਿਖਾਈ ਦਿੱਤਾ। ਹਾਲਾਤ ਅਜਿਹੇ ਸਨ ਕਿ ਲਾਸ਼ਾਂ ਦੀ ਪਛਾਣ ਕਰਨਾ ਵੀ ਮੁਸ਼ਕਲ ਸੀ।

ਹਾਦਸੇ ਦਾ ਕਾਰਨ ਇੱਕ ਅਫਵਾਹ ਸੀ। ਜਦੋਂ ਰੇਲਗੱਡੀ ਪਾਚੋਰਾ ਸਟੇਸ਼ਨ ਦੇ ਨੇੜੇ ਮਾਹੇਜੀ ਅਤੇ ਪਰਧਾੜੇ ਦੇ ਵਿਚਕਾਰ ਸੀ, ਤਾਂ ਇੱਕ ਅਫਵਾਹ ਫੈਲ ਗਈ ਕਿ ਰੇਲਗੱਡੀ ਨੂੰ ਅੱਗ ਲੱਗ ਗਈ ਹੈ। ਇਸ ਦੌਰਾਨ ਕਿਸੇ ਨੇ ਚੇਨ ਖਿੱਚ ਦਿੱਤੀ ਅਤੇ ਟ੍ਰੇਨ ਰੁਕ ਗਈ।

ਅੱਗ ਤੋਂ ਡਰਦੇ ਅਤੇ ਘਬਰਾਏ ਹੋਏ ਯਾਤਰੀਆਂ ਨੇ ਰੇਲਗੱਡੀ ਤੋਂ ਛਾਲ ਮਾਰਨੀ ਸ਼ੁਰੂ ਕਰ ਦਿੱਤੀ। ਇਸ ਦੌਰਾਨ, ਦੂਜੇ ਟਰੈਕ 'ਤੇ ਆ ਰਹੀ ਕਰਨਾਟਕ ਐਕਸਪ੍ਰੈਸ ਨੇ ਕਈ ਯਾਤਰੀਆਂ ਨੂੰ ਕੁਚਲ ਦਿੱਤਾ।

ਰੇਲਵੇ ਦੇ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਪੁਸ਼ਪਕ ਐਕਸਪ੍ਰੈਸ ਦੇ ਇੱਕ ਡੱਬੇ ਦੇ ਅੰਦਰ 'ਗਰਮ ਐਕਸਲ' ਜਾਂ 'ਬ੍ਰੇਕ-ਬਾਈਡਿੰਗ' ਕਾਰਨ ਚੰਗਿਆੜੀ ਪੈਦਾ ਹੋਈ ਸੀ ਅਤੇ ਕੁਝ ਯਾਤਰੀ ਘਬਰਾ ਗਏ। ਕਿਸੇ ਨੇ ਚੇਨ ਖਿੱਚ ਦਿੱਤੀ ਅਤੇ ਫਿਰ ਯਾਤਰੀ ਹੇਠਾਂ ਛਾਲ ਮਾਰਨ ਲੱਗ ਪਏ।

ਕੇਂਦਰੀ ਰੇਲਵੇ ਦੇ ਭੁਸਾਵਲ ਡਿਵੀਜ਼ਨ ਦੇ ਅਧਿਕਾਰਤ ਸੂਤਰਾਂ ਅਨੁਸਾਰ, ਜਿੱਥੇ ਟ੍ਰੇਨ ਖੜ੍ਹੀ ਸੀ, ਉੱਥੇ ਇੱਕ ਸ਼ਾਰਪ ਮੋੜ ਸੀ। ਸ਼ਾਇਦ ਇਸੇ ਲਈ ਛਾਲ ਮਾਰਨ ਵਾਲੇ ਯਾਤਰੀਆਂ ਨੂੰ ਇਹ ਅਹਿਸਾਸ ਨਹੀਂ ਹੋਇਆ ਕਿ ਇੱਕ ਰੇਲਗੱਡੀ ਦੂਜੇ ਟਰੈਕ 'ਤੇ ਆ ਰਹੀ ਹੈ।