CSK vs SRH: 400 T20 ਖੇਡਣ ਵਾਲੇ ਚੌਥੀ ਭਾਰਤੀ ਬਣਨਗੇ MS ਧੋਨੀ, ਦੇਖੋ ਹੁਣ ਤੱਕ ਕਿਹੜੇ ਖਿਡਾਰੀ ਬਣਾ ਚੁੱਕੇ ਆਹ ਅੰਕੜਾ

MS Dhoni 400 T20 Match: ਜਦੋਂ ਚੇਨਈ ਸੁਪਰ ਕਿੰਗਜ਼ ਦੇ ਕਪਤਾਨ ਐਮਐਸ ਧੋਨੀ ਸਨਰਾਈਜ਼ਰਜ਼ ਹੈਦਰਾਬਾਦ ਵਿਰੁੱਧ ਮੈਦਾਨ 'ਚ ਉਤਰਨਗੇ, ਤਾਂ ਉਹ ਆਪਣੇ ਨਾਮ ਇੱਕ ਵੱਡਾ ਰਿਕਾਰਡ ਬਣਾ ਲੈਣਗੇ। ਇਹ ਐਮਐਸ ਧੋਨੀ ਦਾ 400ਵਾਂ ਟੀ-20 ਮੈਚ ਹੋਵੇਗਾ।

MS DHONI

ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਐਮਐਸ ਧੋਨੀ ਇਸ ਸਮੇਂ ਆਈਪੀਐਲ ਵਿੱਚ ਸੀਐਸਕੇ ਦੀ ਅਗਵਾਈ ਕਰ ਰਹੇ ਹਨ। ਅੱਜ, ਜਦੋਂ ਉਹ ਚੇਪੌਕ ਮੈਦਾਨ 'ਤੇ ਸਨਰਾਈਜ਼ਰਜ਼ ਹੈਦਰਾਬਾਦ ਵਿਰੁੱਧ ਖੇਡਣਗੇ, ਤਾਂ ਉਹ ਇੱਕ ਖਾਸ ਲਿਸਟ ਵਿੱਚ ਸ਼ਾਮਲ ਹੋਣਗੇ।

ਇਹ ਐਮਐਸ ਧੋਨੀ ਦਾ 400ਵਾਂ ਟੀ-20 ਮੈਚ ਹੋਵੇਗਾ। ਉਹ ਇਸ ਅੰਕੜੇ ਨੂੰ ਛੂਹਣ ਵਾਲੇ ਚੌਥੇ ਭਾਰਤੀ ਖਿਡਾਰੀ ਬਣ ਜਾਣਗੇ। ਸਭ ਤੋਂ ਵੱਧ ਟੀ-20 ਮੈਚ ਖੇਡਣ ਦੇ ਮਾਮਲੇ ਵਿੱਚ ਉਨ੍ਹਾਂ ਤੋਂ ਅੱਗੇ ਸਿਰਫ਼ 3 ਭਾਰਤੀ ਖਿਡਾਰੀ ਹਨ।

ਐਮਐਸ ਧੋਨੀ ਨੇ 98 ਅੰਤਰਰਾਸ਼ਟਰੀ ਟੀ-20 ਮੈਚ ਖੇਡੇ ਹਨ, ਉਨ੍ਹਾਂ ਦੀ ਕਪਤਾਨੀ ਵਿੱਚ ਟੀਮ ਇੰਡੀਆ ਨੇ 2007 ਦਾ ਵਿਸ਼ਵ ਕੱਪ ਖਿਤਾਬ ਵੀ ਜਿੱਤਿਆ ਸੀ। ਟੀਮ ਇੰਡੀਆ ਤੋਂ ਇਲਾਵਾ, ਧੋਨੀ ਨੇ ਸੀਐਸਕੇ, ਝਾਰਖੰਡ, ਰਾਈਜ਼ਿੰਗ ਪੁਣੇ ਸੁਪਰ ਜਾਇੰਟਸ ਅਤੇ ਰਾਈਜ਼ਿੰਗ ਪੁਣੇ ਸੁਪਰ ਜਾਇੰਟਸ ਲਈ ਟੀ-20 ਕ੍ਰਿਕਟ ਖੇਡਿਆ ਹੈ।

ਐਮਐਸ ਧੋਨੀ ਦੇ ਟੀ-20 ਕਰੀਅਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਹੁਣ ਤੱਕ 399 ਮੈਚਾਂ ਵਿੱਚ 7566 ਦੌੜਾਂ ਬਣਾਈਆਂ ਹਨ। ਇਸ ਵਿੱਚ 28 ਅਰਧ ਸੈਂਕੜੇ ਸ਼ਾਮਲ ਹਨ। ਆਓ ਜਾਣਦੇ ਹਾਂ ਧੋਨੀ ਤੋਂ ਪਹਿਲਾਂ 400 ਮੈਚ ਖੇਡਣ ਵਾਲੇ ਭਾਰਤੀ ਕ੍ਰਿਕਟਰ ਕੌਣ ਹਨ।

ਭਾਰਤ ਲਈ ਸਭ ਤੋਂ ਵੱਧ ਟੀ-20 ਮੈਚ ਖੇਡਣ ਵਾਲੇ ਖਿਡਾਰੀ ਰੋਹਿਤ ਸ਼ਰਮਾ ਹਨ। ਉਹ ਇਸ ਸਮੇਂ ਆਈਪੀਐਲ ਵਿੱਚ ਖੇਡ ਰਹੇ ਹਨ ਜਦੋਂ ਕਿ ਉਹ ਅੰਤਰਰਾਸ਼ਟਰੀ ਟੀ-20 ਤੋਂ ਸੰਨਿਆਸ ਲੈ ਚੁੱਕੇ ਹਨ। ਉਨ੍ਹਾਂ ਨੇ 456 ਮੈਚਾਂ ਵਿੱਚ 12058 ਦੌੜਾਂ ਬਣਾਈਆਂ ਹਨ।

ਦੂਜੇ ਨੰਬਰ 'ਤੇ ਦਿਨੇਸ਼ ਕਾਰਤਿਕ ਹਨ, ਜਿਨ੍ਹਾਂ ਨੇ 408 ਟੀ-20 ਮੈਚਾਂ ਵਿੱਚ 13278 ਦੌੜਾਂ ਬਣਾਈਆਂ ਹਨ। ਕਾਰਤਿਕ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਚੁੱਕੇ ਹਨ, ਉਹ ਵਰਤਮਾਨ ਵਿੱਚ ਆਰਸੀਬੀ ਦੇ ਸਪੋਰਟਿੰਗ ਸਟਾਫ ਦਾ ਹਿੱਸਾ ਹਨ।

ਤੀਜੇ ਨੰਬਰ 'ਤੇ ਵਿਰਾਟ ਕੋਹਲੀ ਹਨ, ਜਿਨ੍ਹਾਂ ਨੇ ਆਈਪੀਐਲ 2025 ਵਿੱਚ ਹੀ ਆਪਣਾ 400ਵਾਂ ਮੈਚ ਖੇਡਿਆ ਸੀ। ਵਿਰਾਟ ਕੋਹਲੀ ਨੇ ਹੁਣ ਤੱਕ 408 ਟੀ-20 ਮੈਚਾਂ ਵਿੱਚ 13278 ਦੌੜਾਂ ਬਣਾਈਆਂ ਹਨ, ਜਿਸ ਵਿੱਚ 9 ਸੈਂਕੜੇ ਸ਼ਾਮਲ ਹਨ।