ਭਾਰਤ ਪਰਤੀ ਉਜ਼ਮਾ, ਆਖਿਆ ਪਾਕਿਸਤਾਨ ਨਰਕ
ਵਿਦੇਸ਼ ਮੰਤਰੀ ਨੇ ਉਜ਼ਮਾ ਨਾਲ ਪ੍ਰੈੱਸ ਕਾਨਫ਼ਰੰਸ ਕਰਨ ਦਾ ਐਲਾਨ ਵੀ ਕੀਤਾ ਹੈ। ਪਾਕਿਸਤਾਨ ਅਦਾਲਤ ਨੇ ਉਜ਼ਮਾ ਨੂੰ ਵਾਹਗਾ ਸਰਹੱਦ ਤੱਕ ਸੁਰੱਖਿਆ ਮੁਹੱਈਆ ਕਰਵਾਉਣ ਦਾ ਆਦੇਸ਼ ਦਿੱਤਾ ਸੀ। ਮਹਿਲਾ ਨੇ ਇਲਜ਼ਾਮ ਲਾਇਆ ਸੀ ਕਿ ਪਤੀ ਤਾਹਿਰ ਅਲੀ ਨੇ ਉਸ ਨਾਲ ਪਾਕਿਸਤਾਨ ਵਿੱਚ ਬੰਦੂਕ ਦੀ ਨੋਕ ਉੱਤੇ ਵਿਆਹ ਕੀਤਾ ਸੀ।
ਇਸ ਤੋਂ ਬਾਅਦ ਉਜ਼ਮਾ ਨੇ ਇਸਲਾਮਾਬਾਦ ਸਥਿਤ ਭਾਰਤੀ ਹਾਈ ਕਮਿਸ਼ਨ ਵਿੱਚ ਪਨਾਹ ਲੈ ਲਈ ਸੀ।
ਉਜ਼ਮਾ ਦੇ ਭਰਾ ਵਸੀਮ ਅਹਿਮਦ ਨੇ ਆਖਿਆ ਹੈ ਕਿ ਉਸ ਦੀ ਭੈਣ ਘਰ ਆ ਰਹੀ ਹੈ। ਇਸ ਤੋਂ ਵੱਡੀ ਉਸ ਦੇ ਲਈ ਕੋਈ ਖ਼ੁਸ਼ਖ਼ਬਰੀ ਨਹੀਂ ਹੋ ਸਕਦੀ। ਉਨ੍ਹਾਂ ਨੇ ਮਦਦ ਲਈ ਵਿਦੇਸ਼ ਮੰਤਰੀ ਸੁਸ਼ਮਾ ਦਾ ਸ਼ੁਕਰੀਆ ਵੀ ਆਖਿਆ ਹੈ।
ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਨੇ ਆਖਿਆ, ”ਉਜ਼ਮਾ ਵੈੱਲਕਮ ਹੋਮ ਭਾਰਤ ਦੀ ਬੇਟੀ, ਤੁਹਾਨੂੰ ਜਿਨ੍ਹਾਂ ਹਾਲਤਾਂ ਵਿੱਚ ਗੁਜ਼ਰਨਾ ਪਿਆ, ਇਸ ਦਾ ਮੈਨੂੰ ਦੁੱਖ ਹੈ।”
ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਨਾਲ ਮੁਲਾਕਾਤ ਦੌਰਾਨ ਉਜ਼ਮਾ।
ਇਸਲਾਮਾਬਾਦ ਹਾਈਕੋਰਟ ਦੇ ਆਦੇਸ਼ ਉੱਤੇ ਭਾਰਤੀ ਮਹਿਲਾ ਉਜ਼ਮਾ ਅੱਜ ਦੇਸ਼ ਪਰਤ ਆਈ। ਪਾਕਿਸਤਾਨੀ ਅਫ਼ਸਰਾਂ ਨੇ ਉਸ ਨੂੰ ਵਾਹਗਾ ਸਰਹੱਦ ਉੱਤੇ ਬੀਐਸਐਫ ਦੇ ਹਵਾਲੇ ਕੀਤਾ।