ਮਰੂਤੀ ਸੂਜ਼ੂਕੀ ਦੇ ਨਵੇਂ ਅਵਿਸ਼ਕਾਰ ‘ਬਲੇਨੋ ਆਰ.ਐਸ.’ ਦਾ ਇੰਤਜ਼ਾਰ ਖਤਮ

ਕੰਪਨੀ ਸੂਤਰਾਂ ਨੇ ਇਸ ਨਵੇਂ ਮਾਡਲ ਬਾਰੇ ਕੁਝ ਜਾਣਕਾਰੀਆਂ ਸਾਂਝੀਆਂ ਕੀਤੀਆਂ ਹਨ। ਕੀ ਖਾਸ ਹੋਏਗਾ ਨਵੀਂ ਬਲੇਨੋ ਆਰ.ਐਸ. ‘ਚ- – ਬਲੇਨੋ ਆਰ.ਐਸ. ਫਰਵਰੀ ‘ਚ ਲਾਂਚ ਹੋਵੇਗੀ ਤੇ ਸਿਰਫ ਅਲਫਾ ਵੈਰੀਏਂਟ ‘ਚ ਹੀ ਮਿਲੇਗੀ। – ਬਲੇਨੋ ਆਰ.ਐਸ. ਦਾ ਮੁਕਾਬਲਾ ਫਾਕਸਵੇਗਨ ਪੋਲੋ ਜੀ.ਟੀ. ਟੀ.ਐਸ.ਆਈ. ਨਾਲ ਹੋਵੇਗਾ। ਪੋਲੋ ਜੀ.ਟੀ. ਟੀ.ਐਸ.ਆਈ. ਦੀ ਤਾਕਤ ਉਂਝ ਤਾਂ ਬਲੇਨੋ ਤੋਂ ਵੱਧ ਹੈ ਪਰ ਬਲੇਨੋ, ਪੋਲੋ ਤੋਂ ਘੱਟ ਵਜ਼ਨ ‘ਚ ਹੋਵੇਗੀ।

ਮਰੂਤੀ ਸੂਜ਼ੂਕੀ ਦੀ ਬਲੇਨੋ ਦਾ ਨਵਾਂ ਪਾਵਰਫੁੱਲ ਰੂਪ ‘ਬਲੇਨੋ ਆਰ.ਐਸ.’ ਲਾਂਚ ਹੋਣ ਜਾ ਰਿਹਾ ਹੈ। ਬਲੇਨੋ ਦਾ ਇਹ ਰੂਪ ਲੰਬੇ ਸਮੇਂ ਤੋਂ ਚਰਚਾ ‘ਚ ਹੈ। ਸੂਤਰਾਂ ਮੁਤਾਬਕ ਇਹ ਇੰਤਜ਼ਾਰ ਹੁਣ ਖਤਮ ਹੋਣ ਜਾ ਰਿਹਾ ਹੈ। ਕੰਪਨੀ 3 ਮਾਰਚ ਨੂੰ ‘ਬਲੇਨੋ ਆਰ.ਐਸ.’ ਲਾਂਚ ਕਰ ਸਕਦੀ ਹੈ।

ਬਲੇਨੋ ਆਰ.ਐਸ. ‘ਚ 1.0 ਲੀਟਰ ਦਾ 3 ਸਿਲੰਡਰ ਬੂਸਟਰਜੈੱਟ ਪੈਟਰੋਲ ਇੰਜਣ ਮਿਲੇਗਾ। ਇਹ 102 ਪੀਐਸ ਪਾਵਰ ਤੇ 150 ਐਨ.ਐਮ.ਐਮ. ਦਾ ਦਾਰਕ ਦੇਵੇਗਾ। ਇਸ ‘ਚ ਸਿਰਫ ਮੈਨੂਅਲ ਗੇਅਰ ਟ੍ਰਾਂਸਮੀਸ਼ਨ ਮਿਲੇਗਾ। – ਵਧੀਆ ਤੇ ਦਮਦਾਰ ਬ੍ਰੇਕ ਲਈ ਇਸ ਦੇ ਚਾਰਾਂ ਪਹੀਆਂ ‘ਚ ਡਿਸਕ ਬ੍ਰੇਕ ਹੋਣਗੇ।

ਡਿਜ਼ਾਈਨ ਦੇ ਮਾਮਲੇ ‘ਚ ਇਹ ਮੌਜੂਦਾ ਬਲੇਨੋ ਵਰਗੀ ਹੀ ਹੋਵੇਗੀ, ਹਾਲਾਂਕਿ ਨਵੇਂ ਡਿਜਾਈਨ ਦੇ ਬੰਪਰ ਤੇ ਅਲਾਏ ਵਹੀਲ ਇਸ ਨੂੰ ਸਟੈਂਡਰਡ ਬਲੇਨੋ ਤੋਂ ਵੱਖਰਾ ਬਣਾਉਣਗੇ। ਹੋਰ ਬਦਲਾਅ ‘ਚ ਪਿੱਛੇ ਵੱਲ ਆਰ.ਐਸ. ਬੈਜ਼ਿੰਗ, ਸਟੇਅਰਿੰਗ ਵਹੀਲ, ਗਿਅਰ ਨਾਬ ਤੇ ਸੀਟ ਅਪਹੋਲਸਟ੍ਰੀ ਤੇ ਆਰ.ਐਸ. ਦੀ ਸਟੀਚਿੰਗ ਮਿਲੇਗੀ। ਇਸ ਗੱਡੀ ਦੀ ਕੀਮਤ 8 ਲੱਖ ਰੁਪਏ (ਐਕਸ ਸ਼ੋਅ ਰੂਮ) ਦੇ ਕਰੀਬ ਹੋਣ ਦੀ ਉਮੀਦ ਹੈ। ਇਹ ਸਟੈਂਡਰਡ ਟਾਪ ਵੈਰੀਏਂਟ ਦੇ ਮੁਕਾਬਲੇ 80 ਹਜਾਰ ਤੋਂ 1 ਲੱਖ ਰੁਪਏ ਮਹਿੰਗੀ ਹੋਵੇਗੀ। ਇਸ ਨੂੰ ਵੀ ਐਸ-ਕਰਾਸ ਤੇ ਇਗਨਿਸ ਵਾਂਗ ਨੈਕਸਾ ਡੀਲਰਸ਼ਿਪ ਰਾਹੀਂ ਹੀ ਵੇਚਿਆ ਜਾਵੇਗਾ।