ਬਾਲੀਵੁੱਡ ਵੱਡੀਆਂ ਅਦਾਕਾਰਾਂ ਵੱਲੋਂ ਸਰੀਰਕ ਸੋਸ਼ਣ ਬਾਰੇ ਖੁਲਾਸੇ
ਰਿਚਾ ਨੇ ਦੱਸਿਆ ਕਿ ਪਲ ਭਰ ਲਈ ਉਸ ਨੂੰ ਕਾਫੀ ਬੁਰਾ ਲੱਗਿਆ, ਜਿਵੇਂ ਕਿਸੇ ਨੇ ਉਸ ਨੂੰ ਬੇਵਕੂਫ਼ ਬਣਾਇਆ ਹੋਵੇ। ਪਰ ਉਸ ਸਮੇਂ ਉਹ ਆਪਣੇ ਕਰੀਅਰ ਦੀ ਸ਼ੁਰੂਆਤ ਦੌਰ ਵਿੱਚ ਸੀ ਤੇ ਹੋ ਸਕਦਾ ਸੀ ਕਿ ਇਸ ਨਾਲ ਉਸ ਦਾ ਕਰੀਅਰ ਸੁਖਾਲਾ ਹੋ ਜਾਂਦਾ। ਉਸ ਨੇ ਕਿਹਾ ਕਿ ਉਸ ਨੂੰ ਲੱਗਾ ਕਿ ਇਹ ਉਹ ਰਸਤਾ ਨਹੀਂ ਹੋ ਸਕਦਾ ਕਿਉਂਕਿ ਅਦਾਕਾਰੀ ਇੱਕ ਕਲਾ ਹੈ ਤੇ ਇਸ ਵਿੱਚ ਮਿਲਾਵਟ ਦੀ ਕੋਈ ਗੁੰਜਾਇਸ਼ ਨਹੀਂ ਹੋਵੇਗੀ।
ਖੁੱਲ੍ਹ ਕੇ ਆਪਣੀ ਗੱਲ ਰੱਖਣ ਵਾਲੀ ਰਿਚਾ ਚੱਢਾ ਨੇ ਕਾਸਟਿੰਗ ਕਾਊਚ ਬਾਰੇ ਆਪਣੀ ਬੇਬਾਕ ਰਾਏ ਰੱਖੀ। ਉਸ ਨੇ ਇਹ ਵੀ ਕਹਿ ਦਿੱਤਾ ਕਿ ਕਾਸਟਿੰਗ ਕਾਊਚ ਦਾ ਉਸ ਨੇ ਕਈ ਵਾਰ ਸਾਹਮਣਾ ਕੀਤਾ ਹੋਇਆ ਹੈ।
ਸਵਰਾ ਨੇ ਕਿਹਾ ਕਿ ਜਦ ਉਹ ਬਿਲਕੁਲ ਨਵੀਂ ਸੀ, ਤਾਂ ਨਿਰਦੇਸ਼ਕ ਉਸ ਨੂੰ ਐਸਐਮਐਸ ਰਾਹੀਂ ਰਾਤ ਦੇ ਖਾਣੇ ਦੀ ਪੇਸ਼ਕਸ਼ ਕਰ ਪ੍ਰੇਸ਼ਾਨ ਕਰਦਾ ਸੀ। ਉਹ ਉਸ ਨੂੰ ਦਿਨ ਰਾਤ ਫ਼ੋਨ ਕਰ ਕਰ ਤੰਗ ਕਰਦਾ। ਉਸ ਨੇ ਕਿਹਾ ਕਿ ਨਿਰਮਾਤਾ ਨੇ ਉਸ ਨੂੰ ਨਿਰਦੇਸ਼ਕ ਦੇ ਹੋਟਲ ਵਾਲੇ ਕਮਰੇ ਵਿੱਚ ਜਾਣ ਲਈ ਕਿਹਾ, ਜਿੱਥੇ ਉਹ ਸ਼ਰਾਬ ਪੀ ਰਿਹਾ ਸੀ।
ਬਾਲੀਵੁੱਡ ਅਦਾਕਾਰਾ ਸਵਰਾ ਭਾਸਕਰ ਨੇ ਵੀ ਆਪਣੇ ਨਾਲ ਹੋਏ ਜਿਣਸੀ ਸੋਸ਼ਣ ਬਾਰੇ ਬੋਲਿਆ ਸੀ। ਅਦਾਕਾਰਾ ਨੇ ਮੁੰਬਈ ਮਿਰਰ ਨੂੰ ਦਿੱਤੇ ਇੰਟਰਵਿਊ ਵਿੱਚ ਖੁਲਾਸਾ ਕੀਤਾ ਸੀ ਕਿ 56 ਦਿਨ ਕਿਸੇ ਦੂਰ-ਦੁਰਾਡੇ ਵਾਲੀ ਥਾਂ 'ਤੇ ਸ਼ੂਟਿੰਗ ਦੌਰਾਨ ਇਹ ਘਟਨਾ ਵਾਪਰੀ ਸੀ।
ਰਾਧਿਕਾ ਨੇ ਦੱਸਿਆ ਕਿ ਉਹ ਉਸ ਅਦਾਕਾਰ ਨੂੰ ਪਹਿਲਾਂ ਕਦੇ ਵੀ ਨਹੀਂ ਸੀ ਮਿਲੀ।
ਇਸ ਤੋਂ ਪਹਿਲਾਂ ਅਦਾਕਾਰਾ ਰਾਧਿਕਾ ਆਪਟੇ ਨੇ ਜਿਣਸੀ ਸੋਸ਼ਣ 'ਤੇ ਕਿਹਾ ਸੀ ਕਿ ਜਦ ਦੱਖਣ ਦੇ ਸੁਪਰਸਟਾਰ ਨੇ ਉਸ ਦੀ ਸ਼ੂਟਿੰਗ ਦੇ ਪਹਿਲੇ ਦਿਨ ਹੀ ਉਸ ਨੂੰ ਗ਼ਲਤ ਤਰੀਕੇ ਨਾਲ ਛੋਹਿਆ ਸੀ, ਤਾਂ ਉਸ ਨੇ ਸੁਪਰਸਟਾਰ ਨੂੰ ਥੱਪੜ ਤਕ ਜੜ ਦਿੱਤਾ ਸੀ।
ਅਦਾਕਾਰਾ ਨੇ ਕਿਹਾ ਕਿ ਨਾਨਾ ਨੇ ਉਸ ਦਾ ਹੱਥ ਫੜਿਆ ਤੇ ਆਪਣੇ ਵੱਲ ਖਿੱਚ ਲਿਆ। ਇਸ ਦੇ ਨਾਲ ਹੀ ਕੋਰੀਓਗ੍ਰਾਫ਼ਰ ਨੂੰ ਕਿਹਾ ਕਿ ਉਹ ਪਿੱਛੇ ਹੀ ਰਹੇ ਤੇ ਖ਼ੁਦ ਦੱਸਣ ਲੱਗੇ ਕਿ ਡਾਂਸ ਕਿਵੇਂ ਕਰਨਾ ਹੈ। ਇੱਥੋਂ ਤਕ ਕਿ ਉਹ ਉਸ ਨਾਲ ਫ਼ਿਲਮ ਵਿੱਚ ਇੱਕ ਇੰਟੀਮੇਟ ਸੀਨ ਫ਼ਿਲਮਾਉਣਾ ਚਾਹੁੰਦੇ ਸਨ, ਜਦਕਿ ਉਸ ਦੇ ਇਕਰਾਰਨਾਮੇ ਵਿੱਚ ਸਾਫ਼ ਤੌਰ 'ਤੇ ਲਿਖਿਆ ਸੀ ਕਿ ਉਸ ਦਾ ਡਾਂਸ ਸੀਕੁਅਲ ਇਕੱਲੀ ਦਾ ਹੋਵੇਗਾ।
ਪਿਛਲੇ ਦਿਨਾਂ ਤੋਂ ਅਦਾਕਾਰਾ ਤਨੁਸ਼੍ਰੀ ਦੱਤਾ ਨੇ ਆਪਣੇ ਨਾਲ ਹੋਈ ਘਟਨਾ ਬਾਰੇ ਵੀ ਖੁਲਾਸਾ ਕੀਤਾ ਹੈ। ਉਸ ਨੇ ਦੱਸਿਆ ਕਿ ਸਾਲ 2008 ਵਿੱਚ ਫ਼ਿਲਮ 'ਹਾਰਨ ਓਕੇ ਪਲੀਜ਼' ਦੇ ਡਾਂਸ ਨੰਬਰ ਦੀ ਸ਼ੂਟਿੰਗ ਦੌਰਾਨ ਮਸ਼ਹੂਰ ਅਦਾਕਾਰ ਨਾਨਾ ਪਾਟੇਕਰ ਨੇ ਉਸ ਨਾਲ ਬਦਸਲੂਕੀ ਕੀਤੀ ਸੀ।
ਸੰਨੀ ਲਿਓਨੀ ਨੇ ਦੱਸਿਆ ਕਿ ਉਹ ਆਪਣਾ ਪਹਿਲਾ ਸੰਗੀਤਕ ਵੀਡੀਓ ਸ਼ੂਟ ਕਰ ਰਹੀ ਸੀ, ਉਦੋਂ ਉੱਥੇ ਇੱਕ ਵਿਅਕਤੀ ਆਇਆ ਤੇ ਉਸ ਨੂੰ ਤੰਗ ਪ੍ਰੇਸ਼ਾਨ ਕਰਨ ਲੱਗਾ। ਇਸ ਤੋਂ ਬਾਅਦ ਸੰਨੀ ਨੇ ਨਿਰਮਾਤਾ ਤੇ ਨਿਰਦੇਸ਼ਕ ਕੋਲ ਇਸ ਦੀ ਸ਼ਿਕਾਇਤ ਕੀਤੀ।
ਦੁਨੀਆ ਭਰ ਵਿੱਚ ਅਦਾਕਾਰ ਮੀਟੂ (#MeeToo) ਮੁਹਿੰਮ ਤਹਿਤ ਆਪਣੇ ਨਾਲ ਹੋਏ ਜਿਣਸੀ ਸੋਸ਼ਣ ਖਿਲਾਫ਼ ਖੁੱਲ੍ਹ ਕੇ ਬੋਲ ਰਹੇ ਹਨ। ਇਸੇ ਮੁਹਿੰਮ ਤਹਿਤ ਬਾਲੀਵੁੱਡ ਦੀਆਂ ਕਈ ਅਦਾਕਾਰਾਂ ਨੇ ਹੈਰਾਨ ਕਰਨ ਵਾਲੇ ਖੁਲਾਸੇ ਕੀਤੇ ਹਨ। ਹੁਣ ਇਸ ਕੜੀ ਵਿੱਚ ਅਦਾਕਾਰਾ ਸੰਨੀ ਲਿਓਨੀ ਨੇ ਖੁਲਾਸਾ ਕੀਤਾ ਹੈ। ਸੰਨੀ ਨੇ ਦੱਸਿਆ ਕਿ ਉਸ ਨੂੰ 18 ਸਾਲ ਦੀ ਉਮਰ ਵਿੱਚ ਜਿਣਸੀ ਸੋਸ਼ਣ ਦਾ ਸਾਹਮਣਾ ਕਰਨਾ ਪਿਆ ਸੀ।