ਬੰਬ ਧਮਾਕਿਆਂ ਨਾਲ ਦਹਿਲਿਆ ਇੰਡੋਨੇਸ਼ੀਆ

ਪੁਲਿਸ ਨੇ ਕਿਹਾ ਕਿ ਚਰਚ 'ਤੇ ਹਮਲੇ ਦੇ ਕੁਝ ਘੰਟਿਆ ਬਾਅਦ ਹੀ ਓਸੇ ਸ਼ਹਿਰ 'ਚ ਇੱਕ ਅਪਾਰਟਮੈਂਟ ਦੇ ਇੱਕ ਹਿੱਸੇ 'ਚ ਹੋਏ ਧਮਾਕੇ 'ਚ ਤਿੰਨ ਲੋਕ ਮਾਰੇ ਗਏ ਜਦਕਿ ਦੋ ਜ਼ਖਮੀ ਹੋ ਗਏ। ਪੁਲਿਸ ਨੇ ਕਿਹਾ ਕਿ ਚਰਚ ਤੇ ਹੋਏ ਹਮਲੇ ਤੇ ਸਿਜਾਦਰੇ 'ਚ ਹੋਏ ਦੋਵਾਂ ਹਮਲਿਆਂ 'ਚ ਇਕ ਹੀ ਪਰਿਵਾਰ ਦੇ ਜੀਅ ਸ਼ਾਮਲ ਸਨ।

ਉਨ੍ਹਾਂ ਕਿਹਾ ਦੋ ਲੋਕ ਮੋਟਰਸਾਈਕਲ 'ਤੇ ਸੀ ਤੇ ਇੱਕ ਮਹਿਲਾ ਉਨ੍ਹਾਂ ਦੇ ਪਿੱਛੇ ਬੈਠੀ ਸੀ। ਸੁਰਾਬਾਇਆ 'ਚ ਤਿੰਨ ਚਰਚਾਂ ਤੇ ਹੋਏ ਹਮਲੇ ਨੂੰ ਅੰਜ਼ਾਮ ਸੀਰੀਆ ਤੋਂ ਪਰਤੇ ਪਰਿਵਾਰ ਦੇ ਛੇ ਜੀਆਂ ਨੇ ਦਿੱਤਾ ਸੀ। ਇਸ ਦੀ ਜ਼ਿੰਮੇਵਾਰੀ ਇਸਲਾਮਿਕ ਸਟੇਟ ਨੇ ਲੈ ਲਈ ਹੈ। ਰਾਸ਼ਟਰੀ ਪੁਲਿਸ ਮੁਖੀ ਟਿਟੋ ਕਰਨਾਵਿਯਨ ਨੇ ਕਿਹਾ ਕਿ ਇਹ ਪਰਿਵਾਰ ਆਈਐਸ ਪ੍ਰੇਰਿਤ ਇੱਕ ਨੈੱਟਵਰਕ ਜੇਮਾਹ ਅੰਸ਼ਰੂਤ ਦੌਲਾ ਨਾਲ ਜੁੜਿਆ ਸੀ।

ਜਾਕਾਰਤਾ ਪੋਸਟ ਮੁਤਾਬਕ ਪੂਰਬੀ ਜਾਵਾ ਦੇ ਪੁਲਿਸ ਬੁਲਾਰੇ ਫਰਾਂਸ ਬਾਰੂ ਗ ਮੰਗੇਰਾ ਨੇ ਪੁਲਿਸ ਦਫਤਰ 'ਤੇ ਹਮਲਾ ਹੋਣ ਦੀ ਪੁਸ਼ਟੀ ਕੀਤੀ ਹੈ। ਹਾਲਾਕਿ ਉਨ੍ਹਾਂ ਹਮਲੇ 'ਚ ਕਿਸੇ ਦੇ ਜ਼ਖਮੀ ਹੋਣ ਜਾਂ ਨੁਕਸਾਨ ਪਹੁੰਚਣ ਦੀ ਕੋਈ ਜਾਣਕਾਰੀ ਨਹੀਂ ਦਿੱਤੀ। ਜਦਕਿ ਐਤਵਾਰ ਨੂੰ ਤਿੰਨ ਚਰਚਾਂ 'ਤੇ ਹੋਏ ਹਮਲੇ 'ਚ 13 ਲੋਕ ਮਾਰੇ ਗਏ ਤੇ 40 ਲੋਕ ਜ਼ਖਮੀ ਹੋ ਗਏ। ਸੀਸੀਟੀਵੀ ਫੁਟੇਜ਼ ਦੇ ਹਵਾਲੇ ਨਾਲ ਮੰਗੇਰਾ ਨੇ ਦੱਸਿਆ ਕਿ ਸੁਰੱਖਿਆ ਜਾਂਚ ਚੌਕੀ ਤੇ ਮੋਟਰਸਾਈਕਲ ਸਵਾਰ ਆਦਮੀ ਤੇ ਮਹਿਲਾ ਆ ਕੇ ਰੁਕੇ ਤੇ ਫਿਰ ਧਮਾਕਾ ਹੋ ਗਿਆ।

ਇੰਡੋਨੇਸ਼ੀਆ ਦੇ ਸੁਰਾਬਾਇਆ ਸ਼ਹਿਰ ਦੇ ਪੁਲਿਸ ਦਫਤਰ 'ਚ ਸੋਮਵਾਰ ਨੂੰ ਦੋ ਮੋਟਰਸਾਈਕਲ ਸਵਾਰ ਅੱਤਵਾਦੀਆਂ ਨੇ ਆਪਣੇ-ਆਪ ਨੂੰ ਉਡਾ ਲਿਆ। ਇਸ ਦੀ ਵਜ੍ਹਾ ਨਾਲ ਇੱਕ ਪੁਲਿਸ ਕਰਮੀ ਦੀ ਮੌਤ ਹੋ ਗਈ। ਸੁਰਾਬਾਇਆ ਪੁਲਿਸ ਹੈੱਡ ਆਫਿਸ 'ਤੇ ਇਹ ਹਮਲਾ ਐਤਵਾਰ ਦੇਰ ਸ਼ਾਮ ਪੂਰਬੀ ਜਾਵਾ ਦੇ ਸਿਦੋਜਰੇ 'ਚ ਇੱਕ ਬੰਬ ਫਟਣ ਤੇ ਸਵੇਰੇ ਸ਼ਹਿਰ ਦੇ ਤਿੰਨ ਚਰਚਾਂ ਵਿੱਚ ਹੋਏ ਆਤਮਘਾਤੀ ਧਮਾਕਿਆਂ ਦੇ ਕੁਝ ਘੰਟਿਆਂ ਬਾਅਦ ਹੀ ਹੋਇਆ ਹੈ।