ਮੁੱਕੇਬਾਜ਼ ਨੇ ਵਿਜੇਂਦਰ ਨੂੰ ਧਮਕਾਇਆ

ਪ੍ਰੋਫੈਸ਼ਨਲ ਮੁੱਕੇਬਾਜ਼ੀ 'ਚ ਭਾਰਤ ਦੇ ਵਿਜੇਂਦਰ ਸਿੰਘ ਦੀ ਜਿੱਤ ਦਾ ਸਿਲਸਿਲਾ ਜਾਰੀ ਹੈ। 13 ਮਈ ਨੂੰ ਵਿਜੇਂਦਰ ਨੇ ਪੋਲੈਂਡ ਦੇ ਮੁੱਕੇਬਾਜ਼ ਨੂੰ ਮਾਤ ਦਿੱਤੀ। ਇਹ ਮੁੱਕੇਬਾਜ਼ ਖੁਦ ਨੂੰ 'ਹਾਰਰ ਸ਼ੋਅ ਦਸਦਾ ਸੀ, ਪਰ ਪੋਲੈਂਡ ਦਾ ਮੁੱਕੇਬਾਜ਼ ਸੋਲਡਰਾ ਹਰਿਆਣਵੀ ਮੁੱਕੇ ਸਾਹਮਣੇ ਚਿੱਤ ਹੋ ਗਿਆ।

ਵਿਜੇਂਦਰ ਸਿੰਘ ਨੇ ਇਹ ਮੈਚ 3 ਰਾਉਂਡ 'ਚ ਹੀ ਜਿੱਤ ਲਿਆ। ਖਾਸ ਗੱਲ ਇਹ ਹੈ ਕਿ ਵਿਜੇਂਦਰ ਦਾ ਅਗਲਾ ਮੁਕਾਬਲਾ ਹੁਣ ਭਾਰਤ 'ਚ ਹੋਵੇਗਾ। ਹੁਣ ਵਿਜੇਂਦਰ ਦਿੱਲੀ 'ਚ WBA ਏਸ਼ੀਆ ਟਾਈਟਲ ਦੇ ਲਈ ਮੁਕਾਬਲਾ ਕਰਨ ਉਤਰੇਗਾ।

ਕੈਰੀ ਹੋਪ ਨੂੰ ਪ੍ਰੋਫੈਸ਼ਨਲ ਮੁੱਕੇਬਾਜ਼ੀ ਨਾਲ ਜੁੜੇ 12 ਸਾਲ ਹੋ ਗਏ ਹਨ ਅਤੇ ਇਸ ਮੁੱਕੇਬਾਜ਼ ਦਾ ਕਹਿਣਾ ਹੈ ਕਿ ਵਿਜੇਂਦਰ ਉਸਦੇ ਸਾਹਮਣੇ ਨਹੀ ਟਿਕ ਸਕੇਗਾ।

ਸਾਬਕਾ ਯੂਰੋਪੀਅਨ ਚੈਂਪੀਅਨ ਕੈਰੀ ਹੋਪ ਨੂੰ ਹਰਾਉਣਾ ਵਿਜੇਂਦਰ ਲਈ ਆਸਾਨ ਨਹੀ ਹੋਵੇਗਾ। ਇਸ ਫਾਈਟ ਨੂੰ ਵਿਜੇਂਦਰ ਦੇ ਹੁਣ ਤਕ ਦੇ ਕਰੀਅਰ ਦੀ ਸਭ ਤੋਂ ਵੱਡੀ ਫਾਈਟ ਵੀ ਮੰਨਿਆ ਜਾ ਰਿਹਾ ਹੈ।

ਦਰਅਸਲ ਵਿਜੇਂਦਰ ਸਿੰਘ ਦੀ ਪ੍ਰੋਫੈਸ਼ਨਲ ਮੁੱਕੇਬਾਜ਼ੀ 'ਚ ਅਗਲੀ ਟੱਕਰ 16 ਜੁਲਾਈ ਨੂੰ ਹੋਣੀ ਹੈ। ਵਿਜੇਂਦਰ ਦੀ ਇਹ ਟੱਕਰ ਆਸਟ੍ਰੇਲੀਆ ਦੇ ਮੁੱਕੇਬਾਜ਼ ਕੈਰੀ ਹੋਪ ਨਾਲ ਹੋਵੇਗੀ। ਲਗਾਤਾਰ ਜਿੱਤ ਦਰਜ ਕਰ ਰਹੇ ਵਿਜੇਂਦਰ ਹੁਣ ਆਪਣੇ ਅਗਲੇ ਮੈਚ 'ਚ ਆਸਟ੍ਰੇਲੀਆ ਦੇ ਮੁੱਕੇਬਾਜ਼ ਹੋਪ ਨੂੰ ਮਾਤ ਦੇਣ ਦੀ ਕੋਸ਼ਿਸ਼ ਕਰਨਗੇ। ਇਸ ਬਾਉਟ ਦਾ ਐਲਾਨ 6 ਜੂਨ ਨੂੰ ਨਵੀਂ ਦਿੱਲੀ 'ਚ ਕੀਤਾ ਗਿਆ ਸੀ।

ਭਾਰਤ ਦਾ ਦਿੱਗਜ ਮੁੱਕੇਬਾਜ਼ ਵਿਜੇਂਦਰ ਸਿੰਘ ਹੁਣ ਆਸਟ੍ਰੇਲੀਆ ਦੇ 'Hope' ਨੂੰ ਤੋੜਨ ਦੀ ਤਿਆਰੀ ਕਰ ਰਿਹਾ ਹੈ। ਪਰ ਵਿਜੇਂਦਰ ਸਿੰਘ ਨੂੰ ਆਸਟ੍ਰੇਲੀਆ ਦੇ ਮੁੱਕੇਬਾਜ਼ ਨੇ ਧਮਕਾਇਆ ਹੈ। ਵਿਜੇਂਦਰ ਸਿੰਘ ਨੂੰ ਉਨ੍ਹਾਂ ਦੇ ਵਿਰੋਧੀ ਕੈਰੀ ਹੋਪ ਨੇ ਕਿਹਾ ਹੈ ਕਿ ਵਿਜੇਂਦਰ ਅਜੇ ਪ੍ਰੋ ਬਾਕਸਿੰਗ ਨੂੰ ਸਮਝ ਨਹੀਂ ਸਕਿਆ ਹੈ ਅਤੇ ਇਸਦਾ ਅਸਲੀ ਮਤਲਬ ਉਸਨੂੰ ਜਲਦੀ ਹੀ ਪਤਾ ਲਗੇਗਾ।