ਇੰਗਲੈਂਡ ਦੀ ਖਿਡਾਰਨ ਕਰ ਰਹੀ ਹੈ ਕਮਾਲ

1

2

ਇੰਗਲੈਂਡ ਦੀ ਮਹਿਲਾ ਕ੍ਰਿਕਟ ਟੀਮ ਨੇ ਪਾਕਿਸਤਾਨ ਖਿਲਾਫ ਵਨਡੇ ਸੀਰੀਜ਼ 3-0 ਨਾਲ ਕਲੀਨ ਸਵੀਪ ਕਰ ਲਈ। ਟੈਮੀ ਬੇਓਮੌਂਟ ਦੀ ਰਿਕਾਰਡ ਤੋੜ ਪਰੀਆਂ ਦੇ ਆਸਰੇ ਇੰਗਲੈਂਡ ਨੇ ਵਨਡੇ ਸੀਰੀਜ਼ ਜਿੱਤਣ ਤੋਂ ਬਾਅਦ ਟੀ-20 'ਚ ਵੀ ਜੇਤੂ ਆਗਾਜ਼ ਕੀਤਾ।

3

ਇੰਗਲੈਂਡ ਅਤੇ ਪਾਕਿਸਤਾਨ ਦੇ ਆਖਰੀ ਵਨਡੇ ਮੈਚ 'ਚ ਟੈਮੀ ਬੇਓਮੌਂਟ 168 ਰਨ ਬਣਾ ਕੇ ਨਾਬਾਦ ਰਹੀ। ਬੇਓਮੌਂਟ ਨੇ 144 ਗੇਂਦਾਂ 'ਤੇ 166 ਰਨ ਬਣਾਏ ਅਤੇ ਆਪਣੀ ਪਾਰੀ ਦੌਰਾਨ 20 ਚੌਕੇ ਠੋਕੇ।

4

ਬੇਓਮੌਂਟ ਇੰਗਲੈਂਡ ਦੀ ਪਹਿਲੀ ਮਹਿਲਾ ਬੱਲੇਬਾਜ਼ ਬਣ ਗਈ ਜਿਸਨੇ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਲਗਾਤਾਰ ਸੈਂਕੜੇ ਜੜੇ।

5

ਖਾਸ ਗੱਲ ਇਹ ਰਹੀ ਕਿ ਬੇਓਮੌਂਟ ਨੇ ਪੂਰੀ ਸੀਰੀਜ਼ ਦੌਰਾਨ ਧਮਾਕੇਦਾਰ ਖੇਡ ਵਿਖਾਈ। ਬੇਓਮੌਂਟ ਨੇ ਪਹਿਲੇ ਵਨਡੇ ਮੈਚ 'ਚ 70, ਦੂਜੇ 'ਚ 104 ਅਤੇ ਤੀਜੇ ਮੈਚ 'ਚ 168* ਰਨ ਬਣਾਏ। ਕੁਲ ਮਿਲਾਕੇ ਬੇਓਮੌਂਟ ਨੇ ਵਨਡੇ ਸੀਰੀਜ਼ 'ਚ 342 ਰਨ ਬਣਾਏ ਅਤੇ ਉਸਦੀ ਔਸਤ 171.00 ਦੀ ਰਹੀ।

6

ਇਹ ਸਿਲਸਿਲਾ ਅੱਗੇ ਵਧਾਉਂਦਿਆਂ ਬੇਓਮੌਂਟ ਨੇ ਟੀ-20 ਸੀਰੀਜ਼ ਦੇ ਪਹਿਲੇ ਮੈਚ 'ਚ ਵੀ ਧਮਾਕਾ ਕਰ ਦਿੱਤਾ। ਟੈਮੀ ਬੇਓਮੌਂਟ ਨੇ 53 ਗੇਂਦਾਂ 'ਤੇ 82 ਰਨ ਦੀ ਪਾਰਿ ਖੇਡੀ। ਬੇਓਮੌਂਟ ਦੀ ਪਾਰੀ 'ਚ 10 ਚੌਕੇ ਅਤੇ 2 ਛੱਕੇ ਸ਼ਾਮਿਲ ਸਨ। ਬੇਓਮੌਂਟ ਨੂੰ ਦਮਦਾਰ ਪ੍ਰਦਰਸ਼ਨ ਸਦਕਾ ਪਲੇਅਰ ਆਫ ਦ ਮੈਚ ਵੀ ਚੁਣਿਆ ਗਿਆ।

7

ਪਾਕਿਸਤਾਨ ਖਿਲਾਫ ਖੇਡੇ ਤੀਜੇ ਵਨਡੇ 'ਚ ਬਣਾਇਆ ਬੇਓਮੌਂਟ ਦਾ ਸਕੋਰ ਵਨਡੇ ਇਤਿਹਾਸ 'ਚ ਮਹਿਲਾਵਾਂ ਦੀ ਖੇਡ 'ਚ ਬਣਿਆ ਚੌਥਾ ਸਭ ਤੋਂ ਵੱਡਾ ਸਕੋਰ ਹੈ।

8

ਇਹ ਇੰਗਲੈਂਡ ਦੀ ਕਿਸੇ ਵੀ ਬੱਲੇਬਾਜ਼ ਦਾ ਬਣਾਇਆ ਦੂਜਾ ਸਭ ਤੋਂ ਵੱਡਾ ਸਕੋਰ ਹੈ। ਵਨਡੇ 'ਚ ਕਮਾਲ ਕਰਨ ਤੋਂ ਬਾਅਦ ਹੁਣ ਬੇਓਮੌਂਟ ਟੀ-20 'ਚ ਧਮਾਕਾ ਕਰਨ ਲਈ ਤਿਆਰ ਹੈ।