ਖ਼ਬਰਦਾਰ! ਹੁਣ ਲੱਗੇਗਾ ਮੋਟਾਪਾ ਟੈਕਸ
ਯੂਰੋਮੋਨੀਟਰ ਇੰਟਰਨੈਸ਼ਨਲ ਦੀ ਨਿਊਟ੍ਰੀਸ਼ਨ ਐਨਾਲਿਸਟ ਸਾਰਾ ਪੀਟਰਸਨ ਦਾ ਕਹਿਣਾ ਹੈ ਕਿ ਸ਼ੂਗਰ ਦਾ ਫੋਕਸ ਕਰਨ ਨਾਲ ਮੋਟਾਪਾ ਵਧਣ ਹੋਰ ਕਾਰਨ ਨਜ਼ਰਅੰਦਾਜ਼ ਹੋ ਜਾਣਗੇ।
ਦੱਸਣਯੋਗ ਹੈ ਕਿ ਬ੍ਰਿਟੇਨ ਵਿੱਚ 2 ਤੋਂ 15 ਸਾਲ ਦੀ ਉਮਰ ਦੇ ਬੱਚੇ ਜਾਂ ਤਾਂ ਮੋਟੇ ਹਨ ਜਾਂ ਫਿਰ ਓਵਰਵੇਟ ਹੈ।
ਬ੍ਰਿਟੇਨ ਵਿੱਚ ਸ਼ੂਗਰ ਟੈਕਸ ਲੱਗਣ ਨਾਲ ਇਹ ਬੈਲਜ਼ੀਅਮ, ਫਰਾਂਸ ਤੇ ਹੰਗਰੀ ਦੇ ਕਲੱਬ ਵਿੱਚ ਸ਼ਾਮਲ ਹੋ ਜਾਵੇਗਾ। ਇਨ੍ਹਾਂ ਦੇਸ਼ਾਂ ਵਿੱਚ ਸ਼ੂਗਰਯੁਕਤ ਪੇਅ ਪਦਾਰਥਾਂ ਤੇ ਅਲੱਗ-ਅਲੱਗ ਤਰ੍ਹਾਂ ਦਾ ਟੈਕਸ ਲਾਇਆ ਜਾਂਦਾ ਹੈ। ਇਨ੍ਹਾਂ ਹੀ ਨਹੀਂ ਸਵੀਡਨ, ਡੈਨਮਾਰਕ ਤੇ ਨਾਰਵੇ ਵਿੱਚ ਕਈ ਸਾਲਾਂ ਤੋਂ ਇਸ ਤਰ੍ਹਾਂ ਦਾ ਟੈਕਸ ਵਸੂਲਿਆ ਜਾ ਰਿਹਾ ਹੈ।
ਬ੍ਰਿਟੇਨ ਦੀ ਸਰਕਾਰ ਨੇ ਹਾਲ ਹੀ ਵਿੱਚ ਵੀਰਵਾਰ ਨੂੰ ਉਨ੍ਹਾਂ ਕੰਪਨੀਆਂ 'ਤੇ ਟੈਕਸ ਲਾਉਣ ਦਾ ਐਲਾਨ ਕੀਤਾ ਹੈ ਜੋ ਸ਼ੁਗਰੀ ਸਾਫਟ ਡ੍ਰਿੰਕਸ ਬਣਾਉਂਦੀਆਂ ਹਨ। ਇਸ ਟੈਕਸ ਨੂੰ ਬ੍ਰਿਟਿਸ਼ ਸਕੂਲ ਦੇ ਬੱਚਿਆ ਦੇ ਹੈਲਥ ਪ੍ਰੋਗਰਾਮ ਵਿੱਚ ਲਾਇਆ ਜਾਵੇਗਾ। ਜਦਕਿ ਅਲੋਚਕਾਂ ਦਾ ਕਹਿਣਾ ਹੈ ਕਿ ਇੱਕ ਲੰਬੇ ਸਮੇਂ ਤੋਂ ਉਡੀਕੀ ਜਾ ਰਹੀ ਇਹ ਰਣਨੀਤੀ ਬੱਚਿਆਂ ਦਾ ਮੋਟਾਪਾ ਘੱਟ ਕਰਨ ਲਈ ਕਮਜ਼ਰ ਹੈ।
ਬ੍ਰਿਟਿਸ਼ ਦੇ ਸਿਹਤ ਵਿਭਾਗ ਦਾ ਕਹਿਣਾ ਹੈ ਕਿ ਬੱਚਿਆਂ ਦੇ ਲਈ ਸ਼ੂਗਰੀ ਡ੍ਰਿੰਕਸ ਇੱਕਲਾ ਅਜਿਹਾ ਉਤਪਾਦ ਹੈ, ਜਿਸ ਵਿੱਚ ਸਭ ਤੋਂ ਜ਼ਿਆਦਾ ਸ਼ੂਗਰ ਹੁੰਦੀ ਹੈ। ਬੱਚੇ ਜ਼ਰੂਰਤ ਤੋਂ ਜ਼ਿਆਦਾ ਸ਼ੂਗਰ ਦਾ ਸੇਵਨ ਇੱਕ ਕੋਲਾ ਦੀ ਕੈਨ ਦੇ ਜ਼ਰੀਏ ਕਦੇ ਹਨ। ਇੱਕ ਕੋਲਾ ਕੈਨ ਵਿੱਚ ਤਕਰੀਬਨ 9 ਚਮਚੇ ਖੰਡ ਹੁੰਦੀ ਹੈ।
ਬ੍ਰਿਟਿਸ਼ ਸਾਫਟ ਡ੍ਰਿੰਕਸ ਐਸੋਸੀਏਸ਼ਨ ਦੇ ਨਿਦੇਸ਼ਕ ਗੋਵਿਨ ਦਾ ਕਹਿਣਾ ਹੈ ਕਿ ਟੈਕਸ ਕੰਪਨੀਆਂ ਨੂੰ ਸਜ਼ਾ ਹੈ। ਇਸ ਨਾਲ ਹਜ਼ਾਰਾਂ ਲੋਕਾਂ ਦੀਆਂ ਨੌਕਰੀਆਂ ਚਲੀਆਂ ਜਾਣਗੀਆਂ ਤੇ ਮੋਟਾਪਾ ਘੱਟ ਕਰਨ ਦੇ ਪੱਧਰ ਵਿੱਚ ਕੁਝ ਖਾਸ ਫਰਕ ਨਹੀਂ ਪਏਗਾ।
ਉੱਥੇ ਹੀ ਡ੍ਰਿੰਕਸ ਕੰਪਨੀਆਂ ਵੀ ਇਸ ਯੋਜਨਾ ਨਾਲ ਗੁੱਸੇ ਵਿੱਚ ਹਨ ਜਿਸ ਵਿੱਚ ਬੱਚਿਆਂ ਲਈ ਬਣਾਏ ਜਾ ਰਹੇ ਉਤਪਾਦਾਂ ਵਿੱਚ ਸ਼ੂਗਰ ਦੀ ਮਾਤਰਾ ਮਿਣਤੀ ਜ਼ਿਆਦਾ ਹੋਣ 'ਤੇ ਟੈਕਸ ਲਾਉਣ ਦੀ ਗੱਲ ਕਹੀ ਜਾ ਰਹੀ ਹੈ।
ਸਹਿਤ ਵਿਭਾਗ ਦਾ ਕਹਿਣਾ ਹੈ ਕਿ ਕੰਪਨੀਆਂ ਨੂੰ ਬੱਚਿਆਂ ਦੇ ਪੰਸਦੀਦਾ ਸ਼ੂਗਰੀ ਡ੍ਰਿੰਕਸ ਵਿੱਚ 20 ਫੀਸਦੀ ਤੱਕ ਸ਼ੂਗਰ ਘਟਾਉਣਈ ਚਾਹੀਦੀ ਹੈ।
ਟੈਕਸ ਲਾਉਣ ਦੀ ਪ੍ਰਤੀਕਿਰਆ ਵਿੱਚ 100 ਐਮ.ਐਲ. ਤੱਕ ਦੀ ਡ੍ਰਿੰਕਸ ਵਿੱਚ 5 ਗ੍ਰਾਮ ਤੋਂ ਜ਼ਿਆਦਾ ਸ਼ੂਗਰ ਹੋਣ 'ਤੇ ਟੈਕਸ ਲੱਗੇਗਾ। ਜਿਵੇਂ-ਜਿਵੇਂ ਸ਼ੂਗਰ ਦੀ ਮਿਣਤੀ ਪੀਣ ਵਾਲੀਆਂ ਚੀਜ਼ਾਂ ਵਿੱਚ ਵਧੇਗੀ, ਉਸ ਤਰ੍ਹਾਂ ਹੀ ਟੈਕਸ ਦਾ ਅਨੁਪਾਤ ਵੀ ਵਧੇਗਾ।
ਬ੍ਰਿਟੇਨ ਦੀ ਜੂਨੀਅਰ ਵਿੱਤ ਮੰਤਰੀ ਜੇਨ ਐਲੀਸਨ ਨੇ ਯੋਜਨਾ ਦੀ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਹਰ ਸਾਲ ਮੋਟਾਪੇ 'ਤੇ ਬ੍ਰਿਟੇਨ ਦੀ ਨੈਸ਼ਨਲ ਹੈਲਥ ਸਰਵਿਸ ਤੋਂ ਬਿਲੀਅਨ ਪਾਊਂਡ ਖਰਚ ਹੋ ਜਾਂਦੇ ਹਨ। ਮੋਟਾਪਾ ਦੇਸ਼ ਦੀ ਸਭ ਤੋਂ ਵੱਡੀ ਸਮੱਸਿਆ ਹੈ। ਇਸ ਲਈ ਹੀ ਸਰਕਾਰ ਨੇ ਇਹ ਯੋਜਨਾ ਬਣਾਈ ਹੈ। ਐਕਸ਼ਨ ਆਨ ਸ਼ੂਗਰ ਕੰਪੇਨ ਗਰੁੱਪ ਦੇ ਚੇਅਰਮੈਨ ਤੇ ਕਾਰਡੀਓਵਸਕੁਲਰ ਮੈਡੀਸਨ ਦੇ ਪ੍ਰੋਫੈਸਰ ਗ੍ਰਾਹਮ ਮੈਕਗ੍ਰੇਗੋਰ ਦਾ ਕਹਿਣਾ ਹੈ ਸਰਕਾਰ ਦੀ ਇਹ ਯੋਜਨਾ ਬ੍ਰਿਟੇਨ ਵਿੱਚ ਮੋਟਾਪੇ ਤੇ ਸ਼ੂਗਰ ਦੀ ਸਮੱਸਿਆ ਤੇ ਅਪਮਾਣਜਨਕ ਪ੍ਰਤੀਕਿਰਆ ਹੈ।