ਮੋਗੇ ਦੀ ਹਰਮਨ ICC ਟੀਮ 'ਚ ਸ਼ਾਮਲ, ਜਾਣੋ ਹੋਰ ਕੌਣ-ਕੌਣ?
ਆਈਸੀਸੀ ਦੀ ਟੀਮ 'ਚ ਇਸ ਵਾਰ ਆਸਟ੍ਰੇਲੀਆ ਦੀ ਸਿਰਫ਼ ਇੱਕ ਹੀ ਖਿਡਾਰਨ ਨੂੰ ਸ਼ਾਮਲ ਕੀਤਾ ਗਿਆ ਹੈ ਤੇ ਉਹ ਹੈ ਏਲਿਜ਼ਾ ਪੈਰੀ।
ਭਾਰਤੀ ਟੀਮ ਨੂੰ ਦੋ ਵਾਰ ਮਹਿਲਾ ਵਿਸ਼ਵ ਕੱਪ ਦੇ ਫਾਈਨਲ 'ਚ ਪਹੁੰਚਾਉਣ ਵਾਲੀ ਅਨੁਭਵੀ ਕਪਤਾਨ ਮਿਤਾਲੀ ਰਾਜ ਨੂੰ ਆਈਸੀਸੀ ਨੇ ਆਪਣੇ 2017-ਵਿਸ਼ਵ ਕੱਪ ਟੀਮ ਦੀ ਕਪਤਾਨ ਬਣਾਇਆ।
ਖਾਸ ਗੱਲ ਇਹ ਹੈ ਕਿ ਟੂਰਨਾਮੈਂਟ 'ਚ 369 ਦੌੜਾਂ ਬਣਾਉਣ ਵਾਲੀ ਤੇ ਸੱਤਾ ਵਿਕਟ ਹਾਸਿਲ ਕਰਨ ਵਾਲੀ ਇੰਗਲੈਂਡ ਦੀ ਨਤਾਲੀ ਸੀਵਰ ਨੂੰ 12ਵੀਂ ਖਿਡਾਰਨ ਦੇ ਰੂਪ 'ਚ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ।
ਆਈਸੀਸੀ ਦੀ ਟੀਮ 'ਚ ਦੱਖਣੀ ਅਫਰੀਕਾ ਤੋਂ ਤੀਜੀ ਖਿਡਾਰਨ ਉਨ੍ਹਾਂ ਦੀ ਕਪਤਾਨ ਡੇਨ ਵਾਨ ਨੇੲਕੇਰਕ ਜਿਸ ਨੇ ਟੂਰਨਾਮੈਂਟ 'ਚ ਸਭ ਤੋਂ ਜ਼ਿਆਦਾ 15 ਵਿਕਟ ਹਾਸਲ ਕੀਤੇ ਸਨ।
ਦੱਖਣੀ ਅਫਰੀਕਾ ਵੱਲੋਂ ਇਸ ਵਿਸ਼ਵ ਕੱਪ 'ਚ 13 ਵਿਕਟ ਹਾਸਿਲ ਕਰਨ ਵਾਲੀ ਗੇਂਦਬਾਜ਼ ਮਾਰਿਜਾਨੇ ਕੈਪ ਵੀ ਆਈਸੀਸੀ ਦੀ ਇਸ ਟੀਮ ਦਾ ਹਿੱਸਾ ਬਣੀ ਹੈ।
ਆਈਸੀਸੀ ਨੇ ਦੱਖਣੀ ਅਫਰੀਕਾ ਦੀਆਂ ਤਿੰਨ ਖਿਡਾਰਨਾਂ ਨੂੰ ਇਸ ਟੀਮ 'ਚ ਸ਼ਾਮਿਲ ਕੀਤਾ ਹੈ। ਉਨ੍ਹਾਂ 'ਚੋਂ ਹੀ ਇੱਕ ਹੈ ਬੱਲੇਬਾਜ਼ ਲਾਰਾ ਵੋਲਵਾਰਤ।
ਇੰਗਲੈਂਡ ਦੀ ਹੀ ਖੱਬੇ ਹੱਥ ਦੀ ਸਪਿਨ ਗੇਂਦਬਾਜ਼ ਅਲੈਕਸ ਹਾਰਟਲ ਨੂੰ ਵੀ ਆਈ ਸੀ ਸੀ ਦੀ ਟੀਮ 'ਚ ਥਾ ਮਿਲੀ ਹੈ।
ਇੰਗਲੈਂਡ ਦੀ ਵਿਕਟਕੀਪਰ ਸਾਰਾ ਟੇਲਰ ਵੀ ਇਸ ਟੀਮ ਦਾ ਹਿੱਸਾ ਬਣਨ 'ਚ ਸਫਲ ਰਹੀ ਹੈ, ਉਸ ਨੇ ਵਿਸ਼ਵ ਕੱਪ 'ਚ 396 ਦੌੜਾਂ ਬਣਾਈਆਂ ਸਨ।
ਆਈਸੀਸੀ ਦੀ ਇਸ ਟੀਮ 'ਚ ਇੰਗਲੈਂਡ ਦੀਆਂ ਚਾਰ ਖਿਡਾਰਨਾਂ ਥਾਂ ਬਣਾਉਣ 'ਚ ਸਫਲ ਰਹੀਆਂ। ਉਨ੍ਹਾਂ 'ਚੋਂ ਇੱਕ ਹੈ ਅਨਿਆ ਸੁਰਬੋਸੋਲੇ। ਜੋ ਫਾਈਨਲ 'ਚ 6 ਵਿਕਟਾਂ ਲੈ ਕੇ ਪਲੇਅਰ ਆਫ ਦ ਮੈਚ ਬਣੀ ਸੀ।
ਟੂਰਨਾਮੈਂਟ 'ਚ ਸਭ ਤੋਂ ਜ਼ਿਆਦਾ 410 ਦੌੜਾਂ ਬਣਾ ਕੇ ਪਲੇਅਰ ਆਫ ਦ ਟੂਰਨਾਮੈਂਟ ਬਣਨ ਵਾਲੀ ਇੰਗਲੈਂਡ ਦੀ ਖਿਡਾਰਨ ਟੈਸਮਿਨ ਬੇਯੂਮੋਂਅ ਨੂੰ ਵੀ ਇਸ ਟੀਮ 'ਚ ਸ਼ਾਮਲ ਕੀਤਾ ਗਿਆ ਹੈ।
ਭਾਰਤੀ ਟੀਮ ਦੀ ਦਿੱਗਜ ਆਲਰਾਊਂਡਰ ਦੀਪਿਤ ਸ਼ਰਮਾ ਨੂੰ ਵੀ ਟੀਮ 'ਚ ਸ਼ਾਮਲ ਕੀਤਾ ਗਿਆ। ਦੀਪਤੀ ਨੇ ਵਿਸ਼ਵ ਕੱਪ 'ਚ 12 ਵਿਕਟਾਂ ਤੋਂ ਇਲਾਵਾ 216 ਦੌੜਾਂ ਬਣਾਈਆਂ ਸਨ।
ਸੈਮੀਫਾਈਨਲ 'ਚ ਆਸਟ੍ਰੇਲੀਆ ਖਿਲਾਫ਼ 115 ਗੇਂਦਾਂ 'ਤੇ 171 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡਣ ਵਾਲੀ ਮੋਗਾ ਦੀ ਰਹਿਣ ਵਾਲੀ ਬੱਲੇਬਾਜ਼ ਹਰਮਨਪ੍ਰੀਤ ਕੌਰ ਨੂੰ ਵੀ ਆਈਸੀਸੀ ਨੇ ਆਪਣੀ ਟੀਮ 'ਚ ਥਾਂ ਦਿੱਤੀ।
ਆਈਸੀਸੀ ਨੇ ਸੋਮਵਾਰ ਨੂੰ ਆਪਣੀ ਮਹਿਲਾ ਵਿਸ਼ਵ ਕੱਪ 2017 ਟੀਮ ਦਾ ਐਲਾਨ ਕੀਤਾ। ਇਸ 'ਚ ਭਾਰਤ ਵੱਲੋਂ ਕਪਤਾਨ ਮਿਤਾਲੀ ਰਾਜ, ਹਰਮਨਪ੍ਰਤ ਕੌਰ ਤੇ ਦੀਪਤੀ ਸ਼ਰਮਾ ਨੂੰ ਸ਼ਾਮਲ ਕੀਤਾ ਗਿਆ।