ਹਾਕੀ 'ਚ ਭਾਰਤ ਨੇ ਆਇਰਲੈਂਡ ਨੂੰ ਹਰਾਇਆ

1

2

ਟੂਰਨਾਮੈਂਟ ਦੇ ਪਹਿਲੇ ਮੈਚ 'ਚ ਭਾਰਤ ਨੂੰ ਜਰਮਨੀ ਨੇ 4-0 ਦੇ ਫਰਕ ਨਾਲ ਮਾਤ ਦਿੱਤੀ ਸੀ। ਹੁਣ ਭਾਰਤ ਦਾ ਅਗਲਾ ਮੈਚ 30 ਜੂਨ ਨੂੰ ਨਿਊਜ਼ੀਲੈਂਡ ਖਿਲਾਫ ਹੋਣਾ ਹੈ।

3

ਭਾਰਤੀ ਹਾਕੀ ਟੀਮ ਨੇ 6 ਦੇਸ਼ਾਂ ਦੇ ਇਨਵੀਟੇਸ਼ਨ ਟੂਰਨਾਮੈਂਟ ਦੇ ਦੂਜੇ ਮੈਚ 'ਚ ਜਿੱਤ ਦਰਜ ਕੀਤੀ। ਇਸ ਮੈਚ 'ਚ ਭਾਰਤ ਨੇ ਆਇਰਲੈਂਡ ਨੂੰ 2-1 ਨਾਲ ਹਰਾਇਆ। ਮੈਚ 'ਚ ਭਾਰਤ ਲਈ ਤਲਵਿੰਦਰ ਸਿੰਘ ਅਤੇ ਸਰਦਾਰ ਸਿੰਘ ਨੇ ਗੋਲ ਕੀਤੇ।

4

ਇਸ ਮੈਚ ਦੀ ਸ਼ੁਰੂਆਤ 'ਚ ਆਇਰਲੈਂਡ ਨੇ ਦਮਦਾਰ ਅੰਦਾਜ਼ 'ਚ ਅਟੈਕ ਕੀਤਾ ਅਤੇ ਚੌਥੇ ਮਿਨਟ 'ਚ ਹੀ ਲੀਡ ਹਾਸਿਲ ਕਰ ਲਈ। ਆਇਰਲੈਂਡ ਲਈ ਮੈਚ ਦੇ ਸ਼ੁਰੂਆਤੀ ਮਿਨਟਾਂ 'ਚ ਕਾਈਲ ਗੁਡ ਨੇ ਗੋਲ ਕੀਤਾ। ਟੀਮ ਇੰਡੀਆ ਨੇ ਜਲਦੀ ਹੀ ਮੈਚ 'ਚ ਵਾਪਸੀ ਕੀਤੀ ਅਤੇ ਲਗਾਤਾਰ ਵਿਰੋਧੀ ਟੀਮ 'ਤੇ ਅਟੈਕ ਕਰਨੇ ਜਾਰੀ ਰਖੇ।

5

ਮੈਚ ਦੇ 19ਵੇਂ ਮਿਨਟ 'ਚ ਭਾਰਤੀ ਟੀਮ ਨੇ ਬਰਾਬਰੀ ਹਾਸਿਲ ਕੀਤੀ। ਭਾਰਤ ਲਈ ਤਲਵਿੰਦਰ ਸਿੰਘ ਨੇ ਰਿਬਾਊਂਡ 'ਤੇ ਗੋਲ ਕਰ ਸਕੋਰ ਨੂੰ 1-1 ਦੀ ਬਰਾਬਰੀ 'ਤੇ ਲਿਆ ਖੜਾ ਕੀਤਾ।

6

ਇਸਤੋਂ ਬਾਅਦ 32ਵੇਂ ਮਿਨਟ 'ਚ ਕਪਤਾਨ ਸਰਦਾਰ ਸਿੰਘ ਨੇ ਗੋਲ ਕੀਤਾ ਅਤੇ ਭਾਰਤ ਨੇ ਲੀਡ ਹਾਸਿਲ ਕਰ ਲਈ। ਭਾਰਤ ਨੇ ਅਟੈਕ ਕਰਨਾ ਜਾਰੀ ਰਖਿਆ ਪਰ ਟੀਮ ਹੋਰ ਗੋਲ ਕਰਨ 'ਚ ਨਾਕਾਮ ਰਹੀ। ਭਾਰਤ ਨੇ ਮੈਚ 2-1 ਦੇ ਫਰਕ ਨਾਲ ਜਿੱਤ ਲਿਆ।