ਇਸਰੋ ਦਾ ਕਮਾਲ, ਇਕੱਠੇ ਦਾਗੇ 104 ਉਪਗ੍ਰਹਿ

ਇਸਰੋ ਕਰਮਚਾਰੀਆਂ ਮੁਤਾਬਕ ਇਨਾਂ ਵਿੱਚੋਂ ਇੱਕ ਸੈਟੇਲਾਈਟ ਦਾ ਵਜ਼ਨ 730 ਕਿੱਲੋ ਜਦੋਂਕਿ ਦੋ ਦਾ ਵਜ਼ਨ 19-19 ਕਿੱਲੋਗ੍ਰਾਮ ਹੈ ਬਾਕੀਆਂ ਦਾ ਭਾਰ ਵੱਖਰਾ-ਵੱਖਰਾ ਹੈ। ਇੱਕ ਅੰਦਾਜ਼ੇ ਮੁਤਾਬਕ ਵਿਦੇਸ਼ੀ ਸੇਟੈਲਾਈਟਾਂ ਨੂੰ ਲਾਂਚ ਕਰਨ ਬਦਲੇ ਇਸਰੋ ਨੂੰ 100 ਕਰੋੜ ਤੋਂ ਵੱਧ ਦੀ ਆਮਦਨੀ ਹੋਈ ਹੈ।

ਇਸਤੋਂ ਪਹਿਲਾਂ ਇਸਰੋ ਨੇ 2016 ਵਿੱਚ ਸ੍ਰੀਹਰੀਕੋਟਾ ਤੋਂ 26 ਮਿੰਟ ਵਿੱਚ ਇੱਕ ਦੂਜੇ ਤੋਂ ਬਾਅਦ ਇਕੱਠੇ 20 ਉਪਗ੍ਰਹਿ ਲਾਂਚ ਕੀਤੇ ਸਨ। ਵਿਸ਼ਵ ਭਰ ਵਿੱਚ ਇਸਤੋਂ ਪਹਿਲਾਂ ਸਭ ਤੋਂ ਵੱਧ ਸੈਟੇਲਾਈਟ ਇਕੱਠੇ ਪੁਲਾੜ ਭੇਜਣ ਦਾ ਰਿਕਾਰਡ 37 ਸੀ। ਅੱਜ ਦਾਗੇ ਗਏ 107 ਉਪਗ੍ਰਹਿਾਂ ਵਿੱਚ 3 ਭਾਰਤ ਦੇ ਹਨ ਜਦੋਂਕਿ ਬਾਕੀ ਦੇ 101 ਸੇਟੈਲਾਈਟ ਇਜ਼ਰਾਈਲ, ਨੀਦਰਲੈਂਡ, ਸਵਿਟਜ਼ਰਲੈਂਡ ਅਤੇ ਅਮਰੀਕਾ ਦੇ ਹਨ।

ਭਾਰਤੀ ਪੁਲਾੜ ਖੋਜ ਸੰਸਥਾ ਯਾਨਿ ਇਸਰੋ ਨੇ ਅੱਜ ਸ੍ਰੀਹਰੀਕੋਟਾ ਤੋਂ 104 ਸੈਟੇਲਾਈਟ ਇਕੱਟੇ ਲਾਂਚ ਕਰਕੇ ਵਿਗਿਆਨ ਦੀ ਦੁਨੀਆ ਵਿੱਚ ਇਤਿਹਾਸ ਸਿਰਜ ਦਿੱਤਾ ਹੈ। ਅੱਜ ਤੋਂ ਪਹਿਲਾਂ ਕਦੇ ਵੀ ਪੁਲਾੜ ਵਿਗਿਆਨ ਦੇ ਇਤਿਹਾਸ ਵਿੱਚ ਇੰਨੇ ਉਪਗ੍ਰਹਿ ਇਕੱਠੇ ਨਹੀਂ ਦਾਗੇ ਗਏ।