ਸ਼ਾਇਦ ਤੁਸੀਂ ਨਹੀਂ ਜਾਣਦੇ ਟਰੰਪ ਦੀ ਧੀ ਇਵਾਂਕਾ ਬਾਰੇ ਇਹ ਗੱਲਾਂ!
ਇਵਾਂਕਾ ਯੂਨੀਵਰਸਿਟੀ ਆਫ਼ ਪੈਂਸਿਲਵੇਨੀਆ ਦੇ ਵਹਾਰਟਨ ਸਕੂਲ ਆਫ਼ ਬਿਜ਼ਨੈਸ ਤੋਂ ਗ੍ਰੈਜੂਏਟ ਹੈ।
ਅਮਰੀਕਾ ਦੇ ਰਾਸ਼ਟਰਪਤੀ ਦੀ ਸੀਨੀਅਰ ਸਲਾਹਕਾਰ ਹੋਣ ਦੇ ਨਾਤੇ ਇਵਾਂਕਾ ਕੋਈ ਤਨਖ਼ਾਹ ਨਹੀਂ ਲੈਂਦੀ।
ਇਵਾਂਕਾ ਰਾਸ਼ਟਰਪਤੀ ਦੀ ਬੇਟੀ ਤੋਂ ਇਲਾਵਾ ਇੱਕ ਕਾਰੋਬਾਰੀ ਔਰਤ ਵੀ ਹੈ। ਇਵਾਂਕਾ ਮਹਿਜ਼ 36 ਸਾਲ ਦੀ ਹੈ ਤੇ ਆਪਣੇ ਪਿਤਾ ਦਾ ਕਾਰੋਬਾਰ ਸੰਭਾਲ ਰਹੀ ਹੈ। ਇਵਾਂਕਾ, ਡੋਨਾਲਡ ਟਰੰਪ ਦੀ ਸੀਨੀਅਰ ਸਲਾਹਕਾਰ ਵੀ ਹੈ।
2009 'ਚ ਇਵਾਂਕਾ ਨੇ ਜਰੇਦ ਕੁਸ਼ਨਰ ਨਾਲ ਵਿਆਹ ਕੀਤਾ ਤੇ ਉਨ੍ਹਾਂ ਦੀ ਬੇਟੀ ਤੇ ਬੇਟਾ ਹੈ।
ਇਵਾਂਕਾ ਟਰੰਪ 2014 ਤੋਂ 'ਔਰਤਾਂ ਜਿਹੜੀਆਂ ਕੰਮ ਕਰਦੀਆਂ ਹਨ' ਮੁਹਿੰਮ ਚਲਾ ਰਹੀ ਹੈ। ਇਸੇ ਵਿਸ਼ੇ 'ਤੇ ਉਨ੍ਹਾਂ ਨੇ ਇੱਕ ਕਿਤਾਬ 'ਵੂਮੈਨ ਹੂ ਵਰਕ: ਰੀਰਾਈਟਿੰਗ ਦ ਰੂਲਜ਼ ਫ਼ਾਰ ਸਕਸੈਸ' ਲਿਖੀ ਹੈ।
ਇਸ ਦੇ ਬਾਵਜੂਦ ਵਾਈਟ ਹਾਊਸ ਦੀ ਰਿਪੋਰਟ ਮੁਤਾਬਕ ਇਵਾਂਕਾ 30 ਕਰੋੜ ਡਾਲਰ ਯਾਨੀ 1935 ਕਰੋੜ ਰੁਪਏ ਦੀ ਮਾਲਕਨ ਹੈ।
ਉਹ ਟਰੰਪ ਸੰਸਥਾ 'ਚ ਕਾਰਜਕਾਰੀ ਉਪ ਪ੍ਰਧਾਨ ਤੇ ਟਰੰਪ ਹੋਟਲਸ ਦੀ ਸਹਿ-ਸੰਸਥਾਪਕ ਵੀ ਹੈ। 2007 'ਚ ਇਵਾਂਕਾ ਨੇ ਗਹਿਣੇ ਵੇਚਣ ਦਾ ਕਾਰੋਬਾਰ, 2011 'ਚ ਇਵਾਂਕਾ ਨਾਮ ਤੋਂ ਹੀ ਰਿਟੇਲ ਫੈਸ਼ਨ ਲਾਈਨ ਸ਼ੁਰੂ ਕੀਤੀ। ਇਸ ਤਹਿਤ ਆਨਲਾਈਨ ਤੇ ਰਿਟੇਲ ਸਟੋਰਾਂ 'ਚ ਗਹਿਣੇ, ਕੱਪੜੇ, ਹੈਂਡਬੈਗ, ਜੁੱਤਿਆਂ ਤੇ ਹੋਰ ਸਾਜੋ-ਸਾਮਾਨ ਵੇਚਿਆ ਜਾਂਦਾ ਹੈ।
ਨਵੀਂ ਦਿੱਲੀ: ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਬੇਟੀ ਇਵਾਂਕਾ ਟਰੰਪ ਹੈਦਰਾਬਾਦ 'ਚ 28 ਤੋਂ 30 ਨਵਬੰਰ ਤੱਕ ਹੋ ਰਹੇ ਵਿਸ਼ਵ ਉਦਮਤਾ ਸੰਮੇਲਨ 'ਚ ਹਿੱਸਾ ਲੈਣ ਲਈ ਭਾਰਤ ਪਹੁੰਚੀ ਹੋਈ ਹੈ। ਤੁਹਾਨੂੰ ਇਵਾਂਕਾ ਬਾਰੇ ਅਜਿਹੀਆਂ ਗੱਲਾਂ ਦੱਸਦੇ ਹਾਂ ਜਿੰਨਾ ਬਾਰੇ ਤੁਸੀਂ ਸ਼ਾਇਦ ਹੀ ਜਾਣਦੇ ਹੋਵੋ।