ਕਿਰਨਮੀਤ ਕੌਰ ਕਰੇਗੀ ਮਿਸ ਯੂਨੀਵਰਸ ਮੁਕਾਬਲੇ 'ਚ ਮਲੇਸ਼ੀਆ ਦੀ ਪ੍ਰਤੀਨਿਧਤਾ
ਇਸ ਰਾਹੀਂ ਤੁਸੀਂ ਜਾਗਰੂਕਤਾ ਅਤੇ ਕਈ ਕਾਰਨਾਂ 'ਤੇ ਰੌਸ਼ਨੀ ਪਾ ਸਕਦੇ ਹੋ ਜਦਕਿ ਰਣਮੀਤ ਕੌਰ ਦਾ ਕਹਿਣਾ ਹੈ ਕਿ ਸੁੰਦਰਤਾ ਮੁਕਾਬਲਿਆਂ ਨੂੰ ਲੈ ਕੇ ਧਾਰਨਾਵਾਂ ਬਦਲ ਚੁੱਕੀਆਂ ਹਨ।
ਕੁਆਲਾਲੰਪੁਰ : ਭਾਰਤ ਨਾਲ ਸਬੰਧ ਰੱਖਣ ਵਾਲੀ 20 ਸਾਲਾ ਸਿੱਖ ਲੜਕੀ ਕਿਰਨਮੀਤ ਕੌਰ ਜੱਸਲ ਪੁੱਤਰੀ ਬਲਜੀਤ ਸਿੰਘ ਜੱਸਲ ਇਸ ਸਾਲ ਮਿਸ ਯੂਨੀਵਰਸ ਮੁਕਾਬਲੇ 'ਚ ਮਲੇਸ਼ੀਆ ਦੀ ਪ੍ਰਤੀਨਿਧਤਾ ਕਰੇਗੀ।
ਕਿਰਨਮੀਤ ਕੌਰ 2016 'ਚ ਮਿਸ ਯੂਨੀਵਰਸ ਮਲੇਸ਼ੀਆ ਚੁਣੀ ਗਈ। ਉਨ੍ਹਾਂ ਨੂੰ ਮਿਸ ਮਾਈ ਡੈਂਟਿਸਟ ਵਿਨਿੰਗ ਸਮਾਈਲ ਦਾ ਪੁਰਸਕਾਰ ਵੀ ਦਿੱਤਾ ਗਿਆ ਸੀ। ਉਨ੍ਹਾਂ ਦਾ ਪਰਿਵਾਰ ਕਈ ਦਹਾਕੇ ਪਹਿਲੇ ਭਾਰਤ ਤੋਂ ਮਲੇਸ਼ੀਆ ਚਲਿਆ ਗਿਆ ਅਤੇ ਸੇਲਾਂਗਰ ਸੂਬੇ ਦੇ ਸੁਬੰਗ ਜਯਾ ਸ਼ਹਿਰ 'ਚ ਰਹਿੰਦਾ ਹੈ।
ਇਹ ਮੁਕਾਬਲਾ 30 ਜਨਵਰੀ ਨੂੰ ਫਿਲਪੀਨ ਦੀ ਰਾਜਧਾਨੀ ਮਨੀਲਾ 'ਚ ਹੋਏਗਾ। ਜੱਸਲ ਦੇ ਪਰਿਵਾਰ ਦਾ ਸੁੰਦਰਤਾ ਮੁਕਾਬਲੇ ਅਤੇ ਮਾਡਲਿੰਗ ਨਾਲ ਡੂੰਘਾ ਰਿਸ਼ਤਾ ਹੈ। ਉਨ੍ਹਾਂ ਦੀ ਮਾਂ ਰਣਜੀਤ ਕੌਰ ਅਤੇ ਭੈਣ ਵੀ ਸੁੰਦਰਤਾ ਮੁਕਾਬਲੇ ਜਿੱਤ ਚੁੱਕੀ ਹੈ।
ਇੰਟਰਨੈਸ਼ਨਲ ਮੈਡੀਕਲ ਯੂਨੀਵਰਸਿਟੀ ਤੋਂ ਡੈਂਟਿਸਟ ਦੀ ਪੜ੍ਹਾਈ ਕਰ ਰਹੀ ਕਿਰਨਮੀਤ ਕੌਰ ਨੇ ਕਿਹਾ ਕਿ ਸੁੰਦਰਤਾ ਮੁਕਾਬਲਿਆਂ ਦਾ ਇਸਤੇਮਾਲ ਪ੍ਰਸਿੱਧੀ ਹਾਸਿਲ ਕਰਨ ਦੇ ਲਈ ਕੀਤਾ ਜਾ ਸਕਦਾ ਹੈ ਪ੍ਰੰਤੂ ਮੇਰੇ ਖਿਆਲ ਨਾਲ ਕੀ ਇਸ ਦਾ ਇਹ ਸਹੀ ਇਸਤੇਮਾਲ ਹੈ?
ਜੱਸਲ ਭੈਣਾਂ ਮਿਸ ਵਰਲਡ 1994 ਐਸ਼ਵਰਿਆ ਰਾਏ ਅਤੇ ਮਿਸ ਯੂਨੀਵਰਸ 1994 ਸੁਸ਼ਮਿਤਾ ਸੇਨ ਨੂੰ ਆਪਣਾ ਆਦਰਸ਼ ਮੰਨਦੀਆਂ ਹਨ।
ਉਸ ਦੀ ਮਾਂ ਰਣਜੀਤ ਕੌਰ 2015 'ਚ ਕਲਾਸਿਕ ਮਿਸੇਜ ਮਲੇਸ਼ੀਆ ਚੁਣੀ ਗਈ ਸੀ ਜਦਕਿ ਉਨ੍ਹਾਂ ਦੀ ਮਾਡਲ ਭੈਣ ਰਣਮੀਤ ਕੌਰ ਵੀ ਸੁੰਦਰਤਾ ਮੁਕਾਬਲੇ ਜਿੱਤ ਚੁੱਕੀ ਹੈ। ਉਹ ਪੇਸ਼ੇ ਤੋਂ ਡਾਕਟਰ ਹੈ। ਉਸ ਨੇ ਮੈਡੀਕਲ ਦੀ ਪੜ੍ਹਾਈ ਬੈਂਗਲੁਰੂ ਦੇ ਰਾਜੀਵ ਗਾਂਧੀ ਯੂਨੀਵਰਸਿਟੀ ਆਫ ਹੈਲਥ ਸਾਇੰਸਿਜ਼ ਤੋਂ ਕੀਤੀ ਹੈ।