ਰੇਸਿੰਗ ਟੋਆਏ ਕਾਰ ਵਿੱਚ ਵਾਲ ਫਸਣ ਨਾਲ ਔਰਤ ਦੀ ਹੋਈ ਮੌਤ
ਪੁਲਿਸ ਨੇ ਪੋਸਟਮਾਰਟਮ ਲਈ ਲਾਸ਼ ਪੰਚਕੂਲਾ ਹਸਪਤਾਲ ਦੀ ਮੋਰਚਰੀ 'ਚ ਰਖਵਾ ਦਿੱਤੀ ਹੈ। ਰਾਈਡ ਲੈਣ ਤੋਂ ਪਹਿਲਾਂ ਪੁਨੀਤ ਨੇ ਆਪਣੇ ਦੋ ਸਾਲਾ ਬੇਟੇ ਨੂੰ ਆਪਣੀ ਸੱਸ ਕਰਮਜੀਤ ਕੌਰ ਨੂੰ ਫੜਾ ਦਿੱਤਾ ਸੀ, ਜਿਸ ਕਾਰਨ ਉਸ ਦਾ ਬਚਾਅ ਗਿਆ।
ਉਸ ਨੂੰ ਪਿੰਜੌਰ ਦੇ ਪ੍ਰਾਈਵੇਟ ਹਸਪਤਾਲ 'ਚ ਲਿਜਾਇਆ ਗਿਆ, ਜਿਥੋਂ ਉਸ ਨੂੰ ਡਾਕਟਰਾਂ ਨੇ ਗੰਭੀਰ ਹਾਲਤ 'ਚ ਪੰਚਕੂਲਾ ਹਸਪਤਾਲ ਰੈਫਰ ਕਰ ਦਿੱਤਾ ਪਰ ਹਸਪਤਾਲ ਪਹੁੰਚਣ ਤੋਂ ਪਹਿਲਾਂ ਹੀ ਪੁਨੀਤ ਨੇ ਦਮ ਤੋੜ ਦਿੱਤਾ।
ਅਮਨਦੀਪ ਨੇ ਦੱਸਿਆ ਕਿ ਰੇਸਿੰਗ ਦਾ ਇੱਕ ਗੇੜਾ ਵੀ ਪੂਰਾ ਨਹੀਂ ਹੋਇਆ ਸੀ ਕਿ ਹੈਲਮੇਟ ਪਾਇਆ ਹੋਣ ਦੇ ਬਾਵਜੂਦ ਹਵਾ 'ਚ ਉਡਦੀ ਪੁਨੀਤ ਦੀ ਗੁੱਤ ਰੇਸਿੰਗ ਟੋਆਏ ਕਾਰ ਦੇ ਖੱਬੇ ਪਾਸੇ ਦੇ ਪਿਛਲੇ ਟਾਇਰ 'ਚ ਫਸ ਗਈ। ਪੁਨੀਤ ਦੇ ਸਿਰ ਦੇ ਵਾਲ ਉਸ ਟਾਇਰ 'ਚ ਫਸਣ ਕਾਰਨ ਪੁਨੀਤ ਲਹੂ-ਲੁਹਾਨ ਹੋ ਕੇ ਉਥੇ ਹੀ ਡਿੱਗ ਗਈ।
ਕੱਲ੍ਹ ਸਵੇਰੇ ਉਹ ਆਪਣੇ ਰਿਸ਼ਤੇਦਾਰ ਨਾਲ ਪਿੰਜੌਰ ਗਾਰਡਨ 'ਚ ਵੈਲੇਨਟਾਈਨ ਡੇਅ ਮਨਾਉਣ ਤੇ ਘੁੰਮਣ ਲਈ ਆਏ ਸਨ। ਜਦੋਂ ਉਹ ਐਕਵਾ ਵਿਲੇਜ ਵਾਟਰ ਪਾਰਕ 'ਚ ਗਏ ਤਾਂ ਉਥੇ ਚੱਲਣ ਵਾਲੀ ਰੇਸਿੰਗ ਕਾਰ 'ਚ ਰਾਈਡ ਲੈਣ ਲਈ ਟਿਕਟ ਖਰੀਦੀ। ਰੇਸਿੰਗ ਟੋਆਏ ਕਾਰ ਅਮਨਦੀਪ ਚਲਾ ਰਿਹਾ ਸੀ ਤੇ ਨਾਲ ਪੁਨੀਤ ਕੌਰ ਬੈਠੀ ਸੀ।
ਚੰਡੀਗੜ੍ਹ: ਪਿੰਜੌਰ ਸਥਿਤ ਯਾਦਵਿੰਦਰਾ ਗਾਰਡਨ 'ਚ ਰੇਸਿੰਗ ਟੋਆਏ ਕਾਰ 'ਚ ਬੈਠੀ ਔਰਤ ਦੇ ਵਾਲ ਪਹੀਏ 'ਚ ਫਸਣ ਕਾਰਨ ਉਸ ਦੀ ਦਰਦਨਾਕ ਮੌਤ ਹੋ ਗਈ। ਪੁਨੀਤ ਕੌਰ (28) ਨਾਮ ਦੀ ਇਹ ਔਰਤ ਬਠਿੰਡਾ ਤੋਂ ਆਪਣੇ ਪਰਿਵਾਰ ਨਾਲ ਵੈਲੇਨਟਾਈਨ ਡੇਅ ਮਨਾਉਣ ਆਈ ਸੀ।
ਥਾਣਾ ਪਿੰਜੌਰ ਦੇ ਸਬ ਇੰਸਪੈਕਟਰ ਰਾਜਪਾਲ ਨੇ ਦੱਸਿਆ ਕਿ ਮ੍ਰਿਤਕਾ ਪੁਨੀਤ ਕੌਰ (28) ਦੇ ਪਤੀ ਅਮਨਦੀਪ ਸਿੰਘ ਵਾਸੀ ਪਿੰਡ ਰਾਮਪੁਰਾ ਫੂਲ ਬਠਿੰਡਾ ਵਿੱਚ ਖੇਤੀਬਾੜੀ ਕਰਦਾ ਹੈ। ਉਸ ਦਾ ਵਿਆਹ ਤਿੰਨ ਸਾਲ ਪਹਿਲਾਂ ਪੁਨੀਤ ਕੌਰ ਨਾਲ ਹੋਇਆ ਸੀ। ਉਸ ਦਾ ਦੋ ਸਾਲ ਦਾ ਬੇਟਾ ਰਣਵੀਰ ਹੈ। ਮੰਗਲਵਾਰ ਨੂੰ ਉਹ ਆਪਣੀ ਪਤਨੀ ਪੁਨੀਤ ਕੌਰ ਤੇ ਮਾਂ ਕਰਮਜੀਤ ਕੌਰ ਨਾਲ ਆਪਣੀ ਰਿਸ਼ਤੇਦਾਰ ਕੋਲ ਖਰੜ 'ਚ ਘੁੰਮਣ ਆਏ ਸਨ।