ਫਾਈਨਲ 'ਚ ਆਸਟ੍ਰੇਲੀਆ ਨੇ ਵੈਸਟ ਇੰਡੀਜ਼ ਨੂੰ ਹਰਾਇਆ

ਆਸਟ੍ਰੇਲੀਆ ਨੇ ਟਰਾਈ ਸੀਰੀਜ਼ ਦੇ ਫਾਈਨਲ 'ਚ ਆਸਟ੍ਰੇਲੀਆ ਨੂੰ ਮਾਤ ਦੇਕੇ ਖਿਤਾਬ ਆਪਣੇ ਨਾਮ ਕਰ ਲਿਆ। ਫਾਈਨਲ 'ਚ ਆਸਟ੍ਰੇਲੀਆ ਨੇ 58 ਰਨ ਨਾਲ ਖਿਤਾਬੀ ਜਿੱਤ ਦਰਜ ਕੀਤੀ।

ਜਵਾਬ 'ਚ ਵੈਸਟ ਇੰਡੀਜ਼ ਦੀ ਟੀਮ ਦਾ ਕੋਈ ਵੀ ਬੱਲੇਬਾਜ਼ ਜਾਦਾ ਸਮਾਂ ਮੈਦਾਨ 'ਤੇ ਟਿਕਣ 'ਚ ਨਾਕਾਮ ਰਿਹਾ। ਮਿਚਲ ਮਾਰਸ਼ ਨੇ ਪਾਰੀ ਦੇ 17ਵੇਂ, 19ਵੇਂ ਅਤੇ 21ਵੇਂ ਓਵਰ 'ਚ ਬ੍ਰਾਵੋ, ਸੈਮਿਉਲਸ ਅਤੇ ਚਾਰਲਸ ਨੂੰ ਆਊਟ ਕਰ ਆਸਟ੍ਰੇਲੀਆ ਨੂੰ ਮਜਬੂਤ ਸਥਿਤੀ 'ਚ ਪਹੁੰਚਾ ਦਿੱਤਾ।

ਸ਼ੁਰੂਆਤੀ ਝਟਕਿਆਂ ਤੋਂ ਵੈਸਟ ਇੰਡੀਜ਼ ਦੀ ਟੀਮ ਸੰਭਲ ਹੀ ਨਹੀਂ ਸਕੀ ਅਤੇ ਪੂਰੀ ਟੀਮ 212 ਰਨ 'ਤੇ ਆਲ ਆਊਟ ਹੋ ਗਈ। ਮਿਚਲ ਮਾਰਸ਼ ਨੇ 10 ਓਵਰਾਂ 'ਚ 32 ਰਨ ਦੇਕੇ 3 ਵਿਕਟ ਝਟਕੇ। ਹੇਜ਼ਲਵੁਡ ਨੂੰ 5 ਵਿਕਟ ਹਾਸਿਲ ਹੋਏ। ਇਸ ਜਿੱਤ ਦੇ ਨਾਲ ਹੀ ਆਸਟ੍ਰੇਲੀਆ ਨੇ ਖਿਤਾਬ ਵੀ ਆਪਣੇ ਨਾਮ ਕਰ ਲਿਆ।

ਇਸ ਮੈਚ 'ਚ ਆਸਟ੍ਰੇਲੀਆ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਲਿਆ। ਖਵਾਜਾ ਅਤੇ ਫਿੰਚ ਦੀ ਸਲਾਮੀ ਜੋੜੀ ਨੇ ਤੇਜ਼ ਸ਼ੁਰੂਆਤ ਕੀਤੀ ਪਰ ਜਲਦੀ ਹੀ ਖਵਾਜਾ 14 ਰਨ ਬਣਾ ਕੇ ਆਪਣਾ ਵਿਕਟ ਗਵਾ ਬੈਠੇ।

ਇਸਤੋਂ ਬਾਅਦ ਫਿੰਚ ਨੇ 41 ਗੇਂਦਾਂ 'ਤੇ 47 ਰਨ ਦੀ ਪਾਰੀ ਖੇਡੀ ਅਤੇ ਸਮਿਥ ਨਾਲ ਮਿਲਕੇ ਤੇਜ਼ੀ ਨਾਲ ਸਕੋਰ ਨੂੰ ਅੱਗੇ ਵਧਾਇਆ।

ਫਿੰਚ ਜਦ ਆਊਟ ਹੋਏ ਤਾਂ ਆਸਟ੍ਰੇਲੀਆ ਦਾ ਸਕੋਰ 69 ਰਨ ਤਕ ਪਹੁੰਚਿਆ ਸੀ। ਫਿੰਚ ਦੇ ਆਊਟ ਹੋਣ ਤੋਂ ਬਾਅਦ ਆਸਟ੍ਰੇਲੀਆ ਦਾ ਰਨ ਰੇਤ ਧੀਮਾ ਹੋ ਗਿਆ।

ਆਸਟ੍ਰੇਲੀਆ ਨੂੰ ਲਗਾਤਾਰ ਝਟਕੇ ਵੀ ਲੱਗੇ ਅਤੇ 173 ਰਨ ਤਕ ਆਸਟ੍ਰੇਲੀਆ ਨੇ 6 ਵਿਕਟ ਗਵਾ ਦਿੱਤੇ ਸਨ। ਪਰ ਫਿਰ ਮੈਥਿਊ ਵੇਡ ਮੈਦਾਨ 'ਤੇ ਟਿਕ ਗਏ। ਵੇਡ ਨੇ 52 ਗੇਂਦਾਂ 'ਤੇ ਨਾਬਾਦ 57 ਰਨ ਦੀ ਪਾਰੀ ਖੇਡ ਆਸਟ੍ਰੇਲੀਆ ਨੂੰ 270 ਰਨ ਦੇ ਸਨਮਾਨਜਨਕ ਸਕੋਰ ਤਕ ਪਹੁੰਚਾਇਆ।